I Timothée 1:20 - New Testament in Mitsogo

²⁰ Avo amamôtôgani te Hyménée na Alexandre. Namadeekeda ahngô na gôndé Satan gôésisédu mbe asangadôomba éenza Nzambé.

I Timothée 1:20 ပူးပေါင်းရင်းမြစ်များ

Matthieu 18:17

Okô angô akina dôta ôgi oma abaé, atatô, tsua ébégôe éne na gôndé asi mbumu éaNzambé. Okô akini ôgie asi mbumu éaNzambé, nômbiavamba n’edi. Andé te ga môma asavamba na Nzambé, andé te ga môbongi adepu.

Mayanzame 13:45

Vameena Ajuif pingô yoma ahviga gôéôkô gameekéda Paul na Barnabas, asinyôngéô. Gô ngusune yaô amakékôa na amabuta éemôa meekédume na ahmayungéda géwanyéôge na matoki.

Mayanzame 19:33

Avo Ajuif amanigôa Alexandre ébégôe na amamôweseda na gô mbene mbe avovo. Amatomba ôgogo gôédékéda ane amakôvanakani mbe: Kôdani. Amanyôngéô évovo gôésungéa Gaïus na Aristarque, ane amatsôpukuni.

I Corinthiens 11:32

Tônyôngéô étsundédu na tôétsô ôési na Kumu te ndéô nedué kabaga tôesédu kukepo n’asi tsengene gô ndéône yaô.

II Corinthiens 10:6

Buedi mbe nôgobeda ndongi yaNzambé gôébégô me nandé na ngudi yeetsa tsôgôô gôndé ane asagobedani.

II Corinthiens 13:10

Oôdôni éne étendea me anye nagébaka gôdagôda n’anyô. Vangatsiga me na gôndé anye tsanyôngéô éyanza n’enyangee éami gôénôtsundéda na gôénôbévéda. Ivô ényangee émeetsô me na Kumu Jésus te gôénônyepeda na gôénôweseda gô nzéa éaNzambé étôkeani.

II Thessaloniciens 3:15

Ombieenda angô mbe môdudeo. Ivô ivédani angô te ivéda, gôndé angô muana aTétee môsi mbumu éaNzambé.

I Timothée 5:15

Gôébégô mivô mikué mimani énôtôga gô nzéa éaJésus gôékea gô éne éaSatan gôémôaanda.

II Timothée 2:14

Natôma éwe Timothée mbe: Bangôéda na ikéda oma va miso maNzambé mbe asasaganédana gô mavoviame na mavéndégéôme. Masaganédame mamônongo ône madaga na mapatsa ane ookôni.

II Timothée 2:17

Mane meekédahngô akaô, magono na muétso ôsadôngakani ôpékôgani. Gô géômbége saô gôndéké amôgôô abaé, Hyménée na Philète.

II Timothée 3:2

Engaba te nane. Oma angaba na guma n’onzôô okiti, na nyemo na bôpeeo. Angeenza Nzambé na asangagobeda iyee yaô na tétee yaô. Angaba na bôkôsô. Asangaditéda Nzambé na mabégô medi.

Hébreux 12:5

?Mabégô mamavovo Nzambé gôétôkasôgéda, anye nômeeba mangô‐a? Ogi aNzambé gôndé wa n’anyô anedi te mbe: Muanami, gésisédéô géétsiô éwe na Kumu, kaka sayeese. Ombiena tsoyi vasembu éwe na Kumu,

Gétsutsuéô 13:1

Vane me Jean nameena Gényamanyama gémakusa gô mubu. Gémabaka na nzima atséba na miôtsé tsambué. Gémaata gô tsébaye yetso gépôkôdô gévo gévo sokumaka. Gô miôtsé miedi gômatendu ina ébuanya Nzambé.

Gétsutsuéô 3:19

Nanôsiséda na nanôtsimaméda te gônyôngéô me anye. Buta mbe géviôviô sanyô géenanô, eesédani anyene gôéviia ngima ébévee éanyô na nikani na gôndé me.