I Timothée 1:2 - New Testament in Mitsogo

² Nagôtendéa gésangô gegé éwe Timothée, ôndé muanami amôtéma agô mbumu éaNzambé. Nanyôngéô mbe Tétasô n’oo Nzambé na Kumu asô n’oo Jésus‐Christ agôétsa mate medi, na agôtubéda ngeba yedi na agôsuméda môtéma.

I Timothée 1:2 ပူးပေါင်းရင်းမြစ်များ

Romains 1:7

Nanôtendéa anye asi Rome nôbambéô na Nzambé mbe vagébakanye va tsina nôngaba môvo n’edi. Na mbe nôngatetu mbe asi mbumu éedi. Te mbe Nzambé, Tétee éasô n’anyô, na Jésus-Christ Kumu asô n’anyô anôétsa mate medi na gétabé sedi.

Galatie 1:3

te mbe Tétasô n’anyô Nzambé na Kumu asô n’anyô Jésus‐Christ anôétsa mate medi na gétabé sedi.

1 Thessaloniciens 3:2

Na tômanôkudégéa Timothée. Angô te muana aTétee ayanza gésoo gévo n’asô gôéékéda Tsangô Eamôsôba éaJésus‐Christ. Tômanôkudégéa angô te mbe anôodeda na anôkasôgéda gô mabégô maNzambé mameetsanye mitémamie gébé na paga.

I Timothée 1:12

Me Paul nakuméda Kumu asô n’oo Jésus‐Christ, ône ameetsa me ngudi gôédugéda éyanzee éami. Namôkuméda gôébégô ameena me mbe: One andé na mavôma gôéétsô éyanza. Namôkuméda gômasevoangô me mbe namôyanzéa.

I Timothée 1:18

Timothée, muanami agô mbumu éaNzambé nagôétsa ndongi yedi. Yangô éwanya na dipo ndongi dimeetsa Nzambé môpandôédi gôéevéda éwe. Singa mbe mabégô mema masipéda éwe na meetsa éwe ngudi gôégenya ébadie étôgenyani.

I Timothée 6:20

Ah muanami Timothée, kenea n’ekenge éne émeetsô éwe na Nzambé. Ombiookô mavovia mavôni mapengana na mabégô maNzambé manganigôa asi géneenga gésaba sapie. Ane eenda mbe: Tôsabômu mabégô metso. Tambô.

II Timothée 1:2

Nagôtendéa, Timothée éwe muanami amôtéma agô mbumu éaNzambé. Nanyôngéô mbe Tétasô n’oo Nzambé, na Kumu asô n’oo Jésus‐Christ agôétsa mate na agôsingéa kokoo na agôétsa gétabé sedi.

II Timothée 2:1

Ewe Timothée muanami agô mbumu éaNzambé, odeeda môtémoo gô ngudi yamane meetsô we gô évamba éndé wa n’anyô na Jésus‐Christ.

Tite 1:4

Me nagôtendéa Tite, éwe muanami amôtéma agô mbumu éaNzambé. Wa n’oo muetso abaé tômamôétsa mitémamie gébé na paga. Nanyôngéô mbe Tétasô n’oo Nzambé na Mooboyi asô n’oo Jésus‐Christ agôétsa mate na gétabé.

Tite 2:2

Beenda peeye yamôgôô mbe: Digaani ékenge, n’esima éamisôba, n’eodo. Beenda ahngô mbe: Sipani gô nzéa éaJésus étôkeani édué. Na bakani n’etondo na ôbibo.

Tite 3:15

Muetso ane andé n’ami égô, agôkômbôa. Ewe dôta kômbôa ane andé n’ami n’evambevo gô nzéa éaJésus étôkeani édué. Te mbe mate maNzambé mabaké gôndé anye muetso.

I Pierre 1:2

Anye madeo nôsibôtu nômasevou na Téta Nzambé gamavanganô mbe eenda te nane. Nzambé amakoa anye omedi gô ngudi yaGédidi sedi gômbe anye nôngagobeda Jésus‐Christ. Te nzina yedi dimeetama gôndé oma muetso digôgéda anye mitéma. Te mbe mate maNzambé na gétabé sedi géyekegee gôndé anye.

II Jean 1:3

Te mbe Téta Nzambé na Kumu Jésus‐Christ Muana aTéta Nzambé, atôétsa mate medi na gésingéô sakokoo, na gétabé sedi. Vane mane meetsahngô wa n’anyô tôngaba na mangô gô gényônganéô sasô n’anyôene na gô mabégô metso mapie.

III Jean 1:4

Gôsaba yene tsangô étubéda me gényônga ga géne géôkô me tsangône mbe: Anoo ahdigaa na vitoo gô mabégô mapie.

Jude 1:2

Nanyôngéô mbe nôsingéô n’edi kokoo, na mbe anôsuméda mitémamie na mbe nôdigaa gô étondo éedi. Eetso gégômbéô.