I Timothée 1:19 - New Testament in Mitsogo

¹⁹ Ekeeyie yoo te gômeetsewe Nzambé môtémee woo wetso gémôtsumé paga. Na te gôndé éwe gébé n’oési vatsundédu éwe na muangee amôtémoo. Avo oma amakékôa éne émeesédu ahngô na miangamie miamitémamie miaô na amamôtôga gô nzéane éaJésus étôkeani te gô éne.

I Timothée 1:19 ပူးပေါင်းရင်းမြစ်များ

Matthieu 6:27

?Môma ndé va gatse anyô angoongôa ékôndéga pitsiye yedi yava tsina gô ngudi yamikebanganô?

I Corinthiens 11:19

Buétsé vandé tatô va gatse anyô te gôémenyanganô ane andé na vitoo na Nzambé.

Galatie 5:4

Anye nôbuta éenanô na Nzambé ti eembe nôsaba n’oési te gôkenea anye mige miedi, tambô nômani éaagana na Christ. Nôbuniô ngeba yaNzambé.

I Timothée 1:5

Ene ébutu gô môtômee ôngatômewe ahngô te mbe ahngadigaa gô étondo éapie. Na éangô ékusa go môtéma ômagôgéani na môtémee ôseesédu na muangee wedi. Na étondo ékusa dôta go môtémee ôsatsuma Nzambé paga.

I Timothée 3:9

Abaké géaagané na mabégô mapie mameetsangô môtémedi gébé na paga. Adigéké géétsô ôési na muangee amôtémedi.

I Timothée 6:12

Genya na ngudi ébadie éamôsôba gôédiia éne éténdéda we gébé na paga. Ombianzeegeda monyo ôsakôdéakani. Gôébégô Nzambé amabambéa éwe gôéadiia. Na ômanigôa gébé na tsoyi mane mavangani éwe na Nzambé va mbene oma ayekani agôbononi.

I Timothée 6:21

Avo andé na géneengage géne, ivô amatongonéa na nzéa éaJésus étôkeani édué. Nanyôngéô mbe mate maNzambé mabaké gôndé éwe.

I Timothée 6:9

Ivô ane andé na tsôvé édiia ôkitie akuba gô pagô étambéô angô. Akubédu na manyima mabévani mookô ahngô masaba na tsoongo. Na mangô mayavôga ébuéda môma gôébunganéda monyoe wedi ava tsina na buéyé n’one agô mbene.

II Timothée 2:18

Anguene amadimbanéô nzéane éamabégô mapie, na aduta oma ayekani gôégéngôgéda mbe atsika mabégô mapie. Avovo n’ahngô mbe: Nyaa agékundugéô sowa ômamana éôta.

II Timothée 4:4

Asangatambéa matô maô gô mabégô mapie. Angagéngôga gô matangôtangô masaba na tsoongo.

Tite 1:9

Buedi mbe abaké môtémee wetso gô mabégô mapie gékiné ta na vibégô vivo viaNzambé. Vane angaba n’eodo na ngudi gôéongô akedi ndongi na meekédume mapie. Angaba na ngudi dôta gôétévéda nzéa éapie gôndé ane adigaa g’ôési, na gôékoa ahngô matasame.

Hébreux 3:14

Endé te nane. V’ebandô wa n’anyô tômavamba na Christ gébé na paga. Okô tôbé nane ngu na v’ekôdéô, tambô tôndé na gô pie n’evamba na vitoo na Christ.

I Jean 2:19

Omeaa asibaké avo n’asô n’anyô t’ebandô amanôtôga gôndé we. Mbe amabaka avô n’asô n’anyô ahngô mbe andéké asô n’anyô. Ivô ahngô ahmanôtôga môvo na môvo anguene gôndé wa n’anyô gôémenyanganô mbe angô asaba wasô n’anyô.

Gétsutsuéô 3:10

Anye nôsikiné môtômee wami gôéenea me na môvinéné. Na me dôta nanganôkenea gô ndéô éagékuanô gévôni géngeenanô gô tsina gôékanéga asi tsengeye yetso yava tsina.

Gétsutsuéô 3:3

Bangôani meekédume mamadiianye. Kôngédani gamookô anye mangô. Indakani mane mamookô anye. Eesédani anyene mitéma mianyô gôéviia ngima ébévee éanyô gôénika na gôndé me. Okô nôsitimôga nangaviga na gôndé anye na bambasa gaviga muisui. N’anye nôsangamenya ndéône éngaviga me.

Gétsutsuéô 3:8

Angô mbe: Me tsabômu metso mane meendanye. Me tsabômu mbe anye nôsaba na ngudi éébéyée nane nôgobeda ôgie wami na nôsitsiké nzéane éami. Me nanôkukéa ômbaa ôsangoongôa ékukéga môma.