I Timothée 1:17 - New Testament in Mitsogo

¹⁷ Tôkumédéni, na tôneegedeni gédundé Kumu asô n’anyô amôbô na môbô, ône amawani, na aseenanôni, angô Nzambé ésaba na gégoni. Amen.

I Timothée 1:17 ပူးပေါင်းရင်းမြစ်များ

Matthieu 25:34

Vane Kumu angavovo n’ane angaba gô géeyo sedi gémôgôô mbe: Vigani anye nôétsiô mate na Téta. Ingéani g’ôkumu aNzambé, ômavangéa angô anye bandôa vamakanangô tsina n’oba.

Matthieu 28:20

Nôékédaka ahngô gôégobeda mabégô metso mamatôma me anye. Bangôani ébégôé édué. Me nandéké n’anye pitsiye yetso ngu na vangakôdéa tsengene.

Matthieu 6:13

Vakanégu we gôéénda mabégô mabévani, ômbiatsika we. [Ivô ooboo we tônôtôga gô ngudi yaSatan. Gôébégô ôkumu na ngudi na géneega éndé n’éwe môbô na môbô. Amen.]

Jean 1:18

Gôsaba môma ameena Nzambé, ivô amuene muana ekika angô te Nzambé, na andé vavo na Tétedi amamôtsutsuéda.

Jean 5:44

Nônyôngéô éakuméda anyene n’anyene. Anye nôsanyôngéô ékumédu n’amuene Nzambé. ?Nôngamôétsa mitéma mianyô nayee?

Romains 1:20

Menyani mbe ngudi yaNzambé, dine disaba n’ebandô na disaba n’ekôdéô, na étsimama éedi éetso ésienanô va mbeego. Ivô bandôa vamakana Nzambé tsinane, ngudiye n’etsimamee éedi émeenanô gô mane mamayanza angô. Te gô éne mbe oma angoongôa émenya angô. Nzambé Kana. T’ebandô môma asaba na mitayi gôévovo mbe: ?Nzambé andé gôni? Me tsamôena.

Romains 1:23

Nzambé amanyôngéô mbe oma aneegeda te amuene Kumu ondômbee wetso ôsakoani. Géé oma, ahneegeda te égoni ésadingani ékônzahngô. Egonie égono ga môma na ga nyoyi na ga nyama, na éne ékea migoge.

Romains 11:36

Gôébégô éetso éviga te gôndé angô. Na éetso édônga te gô ngudi yedi na gô géneega samuene. Ondômbee wetso ôbaké gôndé Nzambé môbô na môbô. Amen.

Romains 16:27

Tôkumédéni Nzambé, Kumu éodo na ôndômbee wetso, gô ina aJésus-Christ, môbô na môbô, amen.

Romains 2:10

Menyani mbe Nzambé angeetsa ôndômbee wedi na ôkumakee wedi na gétabége sedi gôndé ane eenda ganyôngéô amuene Nzambé. Mapangame te Ajuif, na va ngimane te ane asaba Ajuif.

Romains 2:7

Ane abuta ôndômbee wedi na ôkumakee wedi na monyoe wedi amôbô na môbô ayanza na môvinéné mane mamisôba manyôngéô Nzambé. Te angô angeetsô monyo ôsakôdéakani ôndé na Nzambé vavo.

Colosses 1:15

Christ ameenanô, na angô te gégoni saNzambé aseenanôni. Angô te Muana akuua. Angô te andé va ngongo ametso mamavangôni na mamakanôni.

Hébreux 11:27

Moïse ameetsa Nzambé môtémedi wetso na asitsumé ngudi yedi paga gôénôtôga gô Egypte. G’ôpisa amôtômine atsenge asiene gomo. Amasipa ti eembe ameena Nzambé, ône aseenanôni, na miso medi na kiaa.

Hébreux 2:7

Ivô ômabatéda ahngô gô vipesu viandéô andé gô tsina asi g’ôba, ayanzi aNzambé. Omamôétsa ôndômba na ôkumaka ti eembe andé môtômi môvôni.

I Pierre 5:11

Ngudi yedi dindé gô môbô na môbô. Amen.

II Pierre 3:18

Oodoni gô mane mamadiianye gô ngeba yaNzambé na gô mane mamenyanye maKumu éasô n’anyô na Mooboyi asô n’anyô Jésus‐Christ. Ondômba ôbaké gôndé angô n’atsatsee na gô môbô na môbô. Amen.

I Jean 4:12

Gôsaba môma ameena Nzambé. Tambô tônyônganéôni wa n’anyôene na wa n’anyôene. Na angô andé môvo n’asô, étondoe éedi éngeenanô gô mônongoe wasô n’anyô.

Jude 1:25

Amuene te Nzambé asaba na gégoni. Ooboo wa n’anyô gô ngudi yaKumu asô n’anyô Jésus‐Christ. Ondômbee wetso na ôkumakee wetso na ngudiye, n’enyangee émabaka n’edi na mbeego, na éndéké n’edi deo noo na éngaba n’edi môbô na môbô gékôdéé. Amen.

Gétsutsuéô 15:3

Ahmatôa imbô ématuba môyanzi aNzambé, Moïse na émbô étôa Môpaga. Ahmatôa mbe: Ah Kumu Nzambé, éwe Kumu angudi yetso. Mane mayanzewe mootéa ényepa na mootéa ékasôgéda môma. Ewe Môtômi atsengeye yetso, matasa moo mapie masakoga.

Gétsutsuéô 17:14

Dingagenya na Môpagee Endombo na te Môpagee ôngadiiani gôébégô angô te Kumu akumu yetso na angô te môtômi aatômie muetso. Môpagee ôngadiia, angô n’ane andé n’edi. Ane andé n’edi te ane ahmasevouni na ahmabambéôni na amamôétsa mitéma miaô.

Gétsutsuéô 19:1

Va mbenene vane, namookô ôgie akangégangé ômavovo géômbé gévoni gô ngongo. Omavovo mbe: Tôkumédékéni Nzambé gô géôbogeoge géndé n’edi na g’ôkumakee, n’ondômbee wedi.

Gétsutsuéô 19:16

Inedi ématendu gô ngoyi edi na gô môtandedi. Ina ématendu te mbe: Kumu akumu yetso na Môtômi aatômie muetso.

Gétsutsuéô 19:6

Na me Jean namookô ôgi agéômbé gévôni ômavovo na nzongodi éndé ga ngubu na ga midumu mikungani. Namookô angô ômavovo mbe: Tôkumédéni Nzambé, angô Kumu épôni éndé gôétôma.

Gétsutsuéô 7:12

Ahmaabéa mbe: Amen. Okumakee wetso na ôndômbee wetso, na éodo éetso na gétsôkéôge setso na géneegage setso n’otômue wetso na ngudiye yetso te gôndé Nzambé asô amôbô na môbô. Amen.