I Timothée 1:15 - New Testament in Mitsogo

¹⁵ Bangôa ébégô édué ésangakoga na éndéké évôni na ényepa ôkôngéda éangô gébé na paga. Ebégôe te mbe: Jésus‐Christ amaviga gôédigaa va gatse oma gôéoboo ane amadimbanani gô ébévee éaô. Va gatse ahngô me namootéa ébéva.

I Timothée 1:15 ပူးပေါင်းရင်းမြစ်များ

Matthieu 1:21

Angabôta muanamômôgôô, n’ewe ômôôga te mbe Jésus. Te angô angooboo omedi gô ébévee éaô.

Matthieu 18:10

Nôwema kabaga nôbévéda muana, buéyé mbe agébaka môgemôge. Muana na muana andé na môsi g’ôba môyanzi aNzambé gôésungéa angô na pitsi n’omanda va mbene aTéta, ône andé g’ôba. [

Matthieu 18:11

Gôébégô me, Muana Amôma namaviga gôéoboo ane amadimbanani.]

Matthieu 20:28

Béyé me Muana Amôma, vamaviga me tsivutéé mogo mami gôétôma oma. Ivô namatôma na namabanda na mogo mami. Nameetsa memuene monyo ami ngu na g’ôwa, te môvanô gôéoboo oma ayekani.

Matthieu 9:13

Kiakani nôkeékédu éne étôtanga gô Matendeo MaNzambé mbe: Me nanyôngéô te asi ngeba. Tsabuta ane eetsa digondoku yanyama. Me Jésus tsiviga gôébambéa ane anyepani, ivô namaviga gôébambéa abévie gôékoa mitéma miaô.

Marc 2:17

Vamookô Jésus ahvovo nane, amaabéa mbe: Ane ahsabeeani ahsookô tsôvé éamôbôgani. Te abeeyi amôôkô tsôvé. Me tsivigé gôébambéa ane anyepani ivô namaviga gôébambéa abévie gôékoa mitéma miaô.

LUC TSANGO EAMOSOBA EMATENDA 15:2

Apharisien, n’anigôi amige miaNzambé ahmagiangana mbe: Mômôgôô nône asinga oma abévani ahviga na gôndé angô. Aa môyakô vavo n’ane abévani.

LUC TSANGO EAMOSOBA EMATENDA 19:10

Me Muana Amôma namaviga gôébuta na gôéoboo ane amadimbanani.

LUC TSANGO EAMOSOBA EMATENDA 5:32

Me tsiviga gôébambéa ane anyepani. Navigi gôébambéa abévie mbe ahkoa mitéma miaô.

Jean 1:12

Buéyé nane, avo amasinga Ogi na ameetsa angô mitémamie. Ahngô te ane ameetsô na Nzambé ngudi yekoga anedi apie.

Jean 1:29

Ovo enyaa Jean ameena Jésus aviga na gôndé angô na amapandôéda mbe: Nôeni, ôdôô te môpaga endombo ômakudéga Nzambé gôéba ôgondoku gôéyôhu mbe anganôtôa ébévee éamitéma mioma muetso ava tsina.

Jean 12:47

Ane ookô mane mavovo me, na asagobeda mangô, kaka me nangamôesédani. Me tsivigé gôéeséda asi tsengene. Namaviga te gôéyuua ahngô gô môtsundu.

Jean 3:36

One eetsa môtémedi wetso na gôndé Jésus, Muana ANzambé, andé na monyo amôbô na môbô. One aseetsa môtémedi wetso na gôndé Jésus asaba na monyoe ône ta na pesu na Nzambé amôena ôpisa.

Mayanzame 11:1

Ane amatômukuni na asi mbumu éaNzambé amadigaa gô Judée ahmookô mbe: Ane asaba gô éongo éAjuif, eekédu dôta Ogi aNzambé.

Mayanzame 11:18

Asi mbumu éaNzambé gô Jérusalem amasuméda mitémamie vamookô ahngô tsangô nene. Amakuméda Nzambé mbe: Tambô na gô pie, Nzambé asabômu ane asibôtu gô éongo éAjuif. Eetsa ahngô ndéô gôékoa mitéma miaô na gôédiia monyo apie.

Mayanzame 3:26

T’ebandô Nzambé amakudéga môyanzi edi, mapangame te gôndé anye. Amakudégéa angô na gôndé anye te mbe vangaviianye ngima mabégô manyô mabévani, anganôétsa mate.

Romains 11:14

Me nanyôngéô ényiméda asi éongoe yami gômbe angabuta éba mônongovo gandé ane asaba Ajuif.

Romains 5:6

Ekegea te nane. Vamabaka wa n’anyô tôgébaka gébé na ngudi. Christ amaviga gô ndéône émasavoa Nzambé. Gô ndéône éopôpéa asô n’anyô amawa gôndé wa n’anyô abévie muetso.

I Corinthiens 15:9

Va gatse ane amasevouni na amatômukuni na Jésus, môngimee na ngaa te me Paul. Buéyé vane tsaba kuanakue gôétetu mbe ône amatômu na Jésus gôébégô va mbeego namakuanaka pepe asi mbumu éaNzambé.

Ephésiens 3:8

Va gatse asi mbumu éaNzambé muetso gô omee abobo, môyusumédue te me. Buéyé mbe nane, Nzambé amasevoa me gôénigôa Tsangô Eamôsôba gôndé ane asaba Ajuif. Tsangône te éokiti agétangégé ôtôdiia gôndé Jésus‐Christ.

I Timothée 1:13

Eenda nane buéyé mbe namamôkékôa v’ebandô na namamôkuana na namamôenza. Ivô Nzambé ameena me ti ngeba gôébégô metso mane namamayanza g’ôdungé tsimenye. Namabaka na paga tsiitséké môtémee gô mabégô medi mapie.

I Timothée 1:19

Ekeeyie yoo te gômeetsewe Nzambé môtémee woo wetso gémôtsumé paga. Na te gôndé éwe gébé n’oési vatsundédu éwe na muangee amôtémoo. Avo oma amakékôa éne émeesédu ahngô na miangamie miamitémamie miaô na amamôtôga gô nzéane éaJésus étôkeani te gô éne.

I Timothée 3:1

Oôkôni ébégô édué ésakogani. Okô môma anyôngéô éétsô ényanga gôétôma mbumu éaNzambé, abuti ti ébégô éamôsôba.

I Timothée 4:9

Ebégôe éne, kaka éetsuma paga na ésangakôga. Endé kuanakue mbe ôétsa môtémee woo wetso.

I Timothée 6:13

Me Paul navovo n’ewe va mbene aNzambé, ône eetsa monyo gôndé éôma éetso évégumani, na va mbene aJésus‐Christ, ône amanigôa ômbangie wedi na mane mamavangana angô na Nzambé va mbene aPonce Pilate. Nagôtôma mbé:

II Timothée 2:11

Mavoviame maNzambé éma kaka meetsuma paga. Masangakoga. Mangô mbe: Okô mbe tômawa n’edi ôwa ôvo Tôngadigaa n’edi dôta monyo ôvo.

Tite 3:8

Evovie éne kaka éetsuma paga, ésangakoga. Me Paul nanyôngéô mbe ôsimbuéa ébégôe éne buta mbe ane eetsa Nzambé mitémamie gémôtsumé paga angadigaa na môvinéné gô mayanza mamisôba génzeegede ésimee ényôngéô Nzambé. Nôeni éne te éne ényepa gôndé oma.

Hébreux 7:25

T’ebandô Jésus andé na ngudi gôétôoboo deo noo, ngu na gô mbene n’okendô. Angô oboo ane aviga na gôndé Nzambé gô inedi gôébégô andé monyo môbô na môbô gôévovo na Nzambé gôésungéa omee ane.

I Jean 3:5

Nôsabômu mbe Jésus‐Christ amaviga gôénôtôa gôndé môma na môma ébévee éedi. Gôndé angô Jésus, gôsaba ébégô ébévani ta n’evo.

I Jean 3:8

One agéyanzaka mabégô mabévani angô te môma atômu na yabédé. Yabédé amapanga éénda mane mabévani v’ebandô. Muana ANzambé Jésus asivigé gô yene ébégô. Amaviga gôébunganéda mayanza mayabédé.

I Jean 5:11

Ombangie te mbe: Me Nzambé nanôétsa monyo amôbô na môbô. Na monyoe ôdôô nôétsô angô na Muanami Jésus.

Gétsutsuéô 21:5

One andé digaa gô gédigaa sokumaka amavovo mbe: Bandôa deo noo me neenda éôma éetso te éawene mônongo. Vane ôgie ômatôma me mbe: Tendaka nani. Gôébégô mavovia mami mandé mapie na moongôa môma eetsa môtémedi.

Gétsutsuéô 22:6

Môsi g’ôba amoomba évovo na me Jean mbe: Mabégô mema te mapie na moongôa môma eetsa môtémedi gôématéndéda. Menya mbe Kumu Nzambé, ône ameetsa Gédidi sedi na gôndé apandôédi amatasa medi, te ône amakudéga asi g’oba ayanziedi gôétubéda ayanzi edi agô tsina mane masangaamba ébuéani.

Gétsutsuéô 5:9

Ahmatôa émbô éamanza mbe: Ii, te éwe, gôndé éwe te kuanakue gôébongo migandamie na gôépunzua mikatékômie. Gôébégô éwe te ômayôhuni. Na g’ôwee woo ômavanéa Nzambé gôndé omedi. Gôndé omeaa amasevou gô mongo metso na gô yôgi yetso na gôndé oma muetso atsenge yetso yagô tsina.