I Timothée 1:11 - New Testament in Mitsogo

¹¹ Meekédume mapie mane, mandéké te gô Tsangô Eamôsôba émeetsô me Paul mbe neekéda yangô. Tsangô Eamôsôba étônigôa gandéké Nzambé, ône akuméduni ôndômbee na eendô mbe Kumu.

I Timothée 1:11 ပူးပေါင်းရင်းမြစ်များ

LUC TSANGO EAMOSOBA EMATENDA 2:14

Kumédani Nzambé gô tungu yag’ôba na gô Tsina gôbaké gétabé gôndé oma anyôngéô angô.

Romains 2:16

Metso mane mangeenanô nyee ôngatsundéda Nzambé na Jésus-Christ, atsundéda mabégô mamasuégu gô mitéma mioma. Te éne éôkanô gô Tsangô Eamôsôba éékéda me Paul.

I Corinthiens 9:17

Mbe te memuene namateka éyanza éyanzee édué, me mbe nanôduka dode. Ivô me nameetsô éyanzee édué te iitsôgô tambô nayanzéké gamatômu me.

II Corinthiens 4:4

Asangoongôa ésinga mangô gôébégô Môtômine môbévani atsinane édué amakukéga yôkiia yamitéma miaô n’okutue. Te Môtômine ône iméda ahngô misome mbe kabaga eena gévedege gétanédu na Tsangô Eamôsôba étôtubéda ôndômba ôndé na Jésus‐Christ. Na étônigôa mbe Jésus te gégoni saNzambé.

II Corinthiens 4:6

Nzambé va mbeego amavovo mbe: Nanyôngéô mbe gévede gétana va gatse evitsi. Na Nzambé nene te épo na éne étanéda gévede sedi gô mitéma miasô n’anyô. Gévedege sedi géne gétômenyeda nzéa éagévede. Na gô nzéa nene we tôena ôbébayi ôtubéda ôndômba aNzambé gô gédimo saJésus‐Christ.

Galatie 2:7

Ivô ahmamenya na gô pie mbe Nzambé ameetsa me éyanzee éekéda Tsangô Eamôsôba gôndé ane ahasaba gô éongo éAjuif, mônongovo gameetsô Pierre gôéékéda Tsangô nene gôndé ane amabôtu gô éongo éAjuif.

Ephésiens 1:12

Tôkumédéni ôndombee na ôkumakee aNzambé. Tôndé anedi akuua gôédiia monyo ôtôténdédani gôndé Christ.

Ephésiens 1:6

Tambô tôkumédéni Nzambé gô ngeba yedi disaba n’okana na dimootéani, dimeena angô wa n’anyô gébé na ninge, gô ngudi yaJésus Muanedi amôtéma.

Ephésiens 2:7

Gô metso mane Nzambé atubéda môbô na môbô gandéké angô na ngeba, n’etondo gôndé môma gô éne émayanzéa angô wa n’anyô gô ngudi yaJésus‐Christ.

Ephésiens 3:10

?Emasuégu gôndé? Emasuégu ngu na ndéô nedué te mbe ane atôma gô étungu éag’ôba atubédu éodo évôni éndé na Nzambé gôgésa angô Ajuif n’ane asaba Ajuif mbumu épo.

Colosses 1:25

Me naka môyanzi ambumu éaNzambé. Ene te éyanzee émeetsô me na Nzambé gôénôyanzéa. Amatôma we gôéékéda na vede étasee éedi.

1 Thessaloniciens 2:4

Ivô éne ébuta we te gôévovo kuka yetso ganyôngéô amuene Nzambé. Amatôétsa ôséngue wedi. Amatôétsa na Tsangô éedi Eamôsôba. We tôsabuta ôséngu ôétsa môma. Tônyôngéô te ône aNzambé, môvasi na mômenyi amitéma miasô.

I Timothée 2:7

T’ebandô Jésus amatôma me gôénigôa ômbanzee wedi na gôndé ane asaba Ajuif. Me tsapata. Nanônigôa te mane mapie mayanza me. Nameekédangô Mabégô Metso MaPie maNzambé mbe eetsa mitéma miaô gô mangô gébé na buétsé.

I Timothée 6:15

Angatsutsuédu na Nzambé gô ndéô émasevoa amuene Nzambé, angô môtômine môvôni aneegeduni asaba na gégoni, kumu étsimama, angô Kumu ootéa kumu yetso, na pene ootéa peeye yetso.

I Timothée 6:20

Ah muanami Timothée, kenea n’ekenge éne émeetsô éwe na Nzambé. Ombiookô mavovia mavôni mapengana na mabégô maNzambé manganigôa asi géneenga gésaba sapie. Ane eenda mbe: Tôsabômu mabégô metso. Tambô.

II Timothée 1:11

Nzambé amasevoa me gôénigôa Tsangô nene Eamôsôba gôndé ane asavamba na Nzambé. Ameetsa me ényangee éamôékédi, na éamôma atômuku na Jésus.

II Timothée 1:14

Kenea meekédume mamisôba mamadeekedu éwe. Okenea mangô te go ngudi yaGédidi SaNzambé géndéké gô mitéma miasô n’oo.

II Timothée 2:2

Mane mamookô éwe me neekéda va pingô yoma amookôni, éwe dôta ikéda mangô gôndé oma amavômani. Na ahngô dôta angakea angaba na ngudi yeekéda n’avo oma.

Tite 1:3

Gô ndéône émanyôngéô amuene amatsutsuéda wa n’anyô monyoe ône te gô ngudi yôgie wedi. Angô te meekédume manigôa me g’ôtômu aMooboyi asô n’anyô Nzambé.