I Timothée 1:10 - New Testament in Mitsogo

¹⁰ Na gôndé asi gésasô na gôndé amôgôô ayanza anguene gésasô, na gôndé akabi avéga, n’apatie, n’ane asongéa éngôndô. Mige mikitsô te gôndé muetso ayanza mane mapengana na meekédu mapie.

I Timothée 1:10 ပူးပေါင်းရင်းမြစ်များ

Jean 8:44

Tétanyô te yabédé na anye nôena gényônga vayanzanye mane matôma tétanyô. Angô te môsi môkôbé bandôa v’ebandô. Asoongôa édigaa gô mane mapie gôébégô angô te môvingi amangô. Bandôa v’ebandô asakea gô nzéa éamane mapie, t’ebandô asoongôa évamba na mangô. Gô buembee wedi avovo te ôboe ômeekaganô n’edi gôébégô angô te téteene éoboe, kumune épatani.

Romains 1:26

T’ebandô Nzambé amatsika oma gémôanza gô tsôvé yaô yagébé na tsoyi. Gô mabégô mageto na amôgôô, ageto amatsika éne émavanga Nzambé na ayanza anguene ageto n’ageto.

I Timothée 4:6

Ewe Timothée, ôkô ôongi asi mbumu éaNzambé ndongi yedi, ôndéké môyanzi amôsôba aJésus‐Christ. Otubéda gabôngôa éwe gédidige soo ômuene na mabégôme meetséwe môtémee gébé na paga, na gabôngôu éwe na meekédume mami mapie mamookô éwe.

I Timothée 6:3

Okô môma akanégi éékéda mavo mabégô, na angô asaba n’evamba na mavovia mapie maKumu asô n’anyô Jésus‐Christ, na meekédume maneegeda we Nzambé,

II Timothée 1:13

Ewe Timothée, bangôa mavovia mami mapie mbe te mônongoe ôngadeka éwe gôéékéda. Sipa na bôkédé gô nzéa éaJésus étôkeani édué na gô étondo éedi étôdiia gô vitoone éndé wa n’anyô na Jésus‐Christ.

II Timothée 4:3

Menya mbe ndéône éwesea, éne éngakina oma éôkô meekédu mapie. Matô maô manganyôngéô éôkô mabégô masapengana na tsôvé yayôtô yaô. Angakénga gôéévôa eekédi ayekani ngu na vangadenga ahngô môékédi anigôa mane manyôngéô matô maô éôkô.

Tite 1:13

Ene émavovo môpandôédine ône, môsi Crète, asipaté. T’ebandô nagôénda mbe: Semba ahngô ti v’ekôdéô éasembaga buta mbe asipa gô nzéa éaJésus étôkéani édué.

Tite 1:9

Buedi mbe abaké môtémee wetso gô mabégô mapie gékiné ta na vibégô vivo viaNzambé. Vane angaba n’eodo na ngudi gôéongô akedi ndongi na meekédume mapie. Angaba na ngudi dôta gôétévéda nzéa éapie gôndé ane adigaa g’ôési, na gôékoa ahngô matasame.

Hébreux 13:4

Buedi mbe yômba digobedu na muetso. Na buedi mbe môgadi na mômé abaké n’etondo anguene n’anguene. Nzambé angeeséda asi ôkuanda na asi gésasô.

Jude 1:7

Bangôani dôta Sodome na Gomorrhe na mivo misenge mimabambana na miangô. Asi misengemie mine ameenda mônongovo gameenda asi g’ôba abévani ane. Ahmaahdeekeda anguene gôéyanza gésasô saminongo mietso na gôégésangana n’oma gô minongo misivangé Nzambé. Omee ane amasosédu na soto gésimékéni. Ene émabuéa gôndé ahngô te géevédéô sasô n’anyô deo noo.

Gétsutsuéô 18:13

Na évo ékôta te éôma égésu gô môyakô gôéonyepeda, étetu mbe épices. Na évo ékôta te miyombo na sôma sambônga amôsôba gétumbukuni, na maduku na madi na mivo miyakô, na tabaye na nyama ditsua oma, na dôtôye, na avéga na buéyé monyoe amôma, ayôkôe asômba na asômbéda.

Gétsutsuéô 21:27

Ivô gô môsengee ône gôsangeengéa ta na sôma gévo sevindô, ta na môma môvo andé n’esima éasagô na éadiboe. Ane angeengéani te ane andé na mine maô mamatendu gô miganda miamonyo, te migandamie mikeneo na Môpagee.

Gétsutsuéô 21:8

Géé gôndé asi mitéma mideedani, n’ane asa sipani, n’oma asagô na ayôhani, n’asi matasame meengéa gô gésasô na makusa gô gésasô, na eendi amaganga, na aneegedi ambumba yegoni, na asi diboe, gétunguge saô te gô mungu asoto géyôa na mbônga ébévani, sangô te ôwa amôbaé.

Gétsutsuéô 22:15

Ane asangeengéa gô môsenge na ahngaba gô mbadi, te oma asagô na eendi amaganga, n’asi matasame meengéa gô gésasô na makusa te gô gésasô na ayôhani n’aneegedi ambumba yegôni na asi diboe gô mavovia na gô mayanza.