I Timothée 1:1 - New Testament in Mitsogo

¹ Oô te me Paul, namasevou na Kumu asô n’oo Nzambé na namatômu naJésus‐Christ, ône andé tsoongone éasô n’oo étôténdéndni.

I Timothée 1:1 ပူးပေါင်းရင်းမြစ်များ

LUC TSANGO EAMOSOBA EMATENDA 1:47

Môtémami ôyôa na gényônga gôébégô éaNzambé Mooboyi ami.

LUC TSANGO EAMOSOBA EMATENDA 2:11

Te deo noo, Mooboyi abôtiô gôndé anye gô môsenge aDavid. Angô te Christ, ône amatômu na Nzambé. Angô te Kumu.

Mayanzame 9:15

Ivô Kumu amamônikéda mbe: Kiaka. Te me namasevoa mômôgôô nône. Nangayanza n’edi gôémenyeda inami gô tsengeye yetso madeo disookanô éangô. Atômi aô angookô. Oma aIsraël angookô te n’edi.

Romains 1:1

O te me Paul môyanzine aJésus-Christ. Nzambé amasevoa me na amakudéga me. Namatômu na Jésus gôéékéda Tsangô éedi Eamôsoba.

I Corinthiens 1:1

Oô te me Paul namasevou gamanyôngéô amuene Nzambé. Namakudégu na Jésus‐Christ. We tôvovoni, te me Paul na Sosthène muana aTétene n’anyô agô mbumu éaNzambé.

I Corinthiens 9:17

Mbe te memuene namateka éyanza éyanzee édué, me mbe nanôduka dode. Ivô me nameetsô éyanzee édué te iitsôgô tambô nayanzéké gamatômu me.

II Corinthiens 1:1

O te me Paul namasevou na namatômuku na Jésus‐Christ gamanyôngéô Nzambé. We tôvovoni te me Paul na muana aTétee n’asô n’anyô agô mbumu éaNzambé, Timothée. Gésangô gegé te sanyô asi mbumu éaNzambé nôndé gô môsenge aCorinthe na gô tsengene nyetso éaGrèce.

Galatie 1:1

Oô te me Paul nanôtendeani. One amasevoa me na amatôma me gô éyanzee édué te Jésus‐Christ na Tétedi Nzambé, ône amakundua angô g’ôwa. Gôndé oma, kaka ahngô amatôma me.

Galatie 1:11

Ana aTéta agô mbumu éaNzambé nanôbeenda na gô pie mbe Tsangône Eamôsôba énigôa me anye édué kaka tsangô émavaka môma.

Colosses 1:27

Gôndé omedi Nzambé amanyôngéô éamenyeda étasee éedi éndé évôni na éôtéa n’okitie wetso na ôndômbee wetso. Amakônza éangô gôndé mongo metso mava tsina. Nôéni éne ésinigôganéôkôni na mbeego te éangô édué. Amuene Jésus‐Christ andéké gô mitéma mianyô na anônôtôa buétsé éndé n’anyô mbe nôsangadôtsuma paga gô mabégô mondômba aNzambé ôténdédanye.

II Thessaloniciens 2:16

Amuene Kumu asô n’anyô Jésus‐Christ, na Tétasô n’anyô Nzambé atônyôngéô na amatôétsa gô ngeba yedi gékasôgédéô gésakôdéakani, na ébégô éatsoongone éténdéda we.

I Timothée 1:12

Me Paul nakuméda Kumu asô n’oo Jésus‐Christ, ône ameetsa me ngudi gôédugéda éyanzee éami. Namôkuméda gôébégô ameena me mbe: One andé na mavôma gôéétsô éyanza. Namôkuméda gômasevoangô me mbe namôyanzéa.

I Timothée 2:3

Nôeni, éne ényôngéô Kumu asô n’anyô Nzambé te éangô éne.

I Timothée 2:7

T’ebandô Jésus amatôma me gôénigôa ômbanzee wedi na gôndé ane asaba Ajuif. Me tsapata. Nanônigôa te mane mapie mayanza me. Nameekédangô Mabégô Metso MaPie maNzambé mbe eetsa mitéma miaô gô mangô gébé na buétsé.

I Timothée 4:10

Nôeni ébandôe éyanza wa n’oo na égenya wa n’oo ébadie. Tômani éétsa Nzambé mitéma miasô mietso, na tôténdéda te angô kumu amonyo. Andé Mooboyi oma muetso, ti gandé ane amamôétsa mitémamie.

Tite 1:3

Gô ndéône émanyôngéô amuene amatsutsuéda wa n’anyô monyoe ône te gô ngudi yôgie wedi. Angô te meekédume manigôa me g’ôtômu aMooboyi asô n’anyô Nzambé.

Tite 2:10

Beenda avéga mbe: Nômbieesua ta na sôma gévo. Ivô éôtéa ényepa mbe atubéda kooko yaô mônongoe waô amôsôba na amavôma buta mbe meekédu maMooboyi asô n’anyô Nzambé makumédu.

Tite 2:13

Ngeba yedi ditôékéda gôédigaa kuanakue gôéenéa gévigéô sanyee ôvôni agényônga ôtôténdédani. Nyee ône ôvôni ôngatsutsuga ôbébayi ôtubéda ôndômba aMooboyi asô n’anyô Jésus‐Christ, angô te Nzambéne éasô n’anyô épôni ésaba na gégoni.

Tite 3:4

Ivô Mooboyi asô n’anyô Nzambé amatsutsuéda ngeba yedi n’etondo éedi gôndé oma.

Tite 3:6

Menya mbe gô ngudi yaMooboyi asô n’anyô Jésus‐Christ, Nzambé amanyôgéda Gédidi sedi gôndé wa n’anyô ga mbuua ésaba éogômbô.

I Pierre 1:21

Gô ina aJésus‐Christ, mitéma mianyô misatsuma Nzambé paga, ône amakundua Jésus va gatse oma amawani. Na amamôétsa ôkumaka n’ondômba gômbe mitéma mianyô na tsoongone éanyô éngaba gôndé amuene Nzambé gébé na buétsé.

I Pierre 1:3

Tôkumédéni Nzambé, Tétene éaKumu éasô n’anyô Jésus‐Christ. Gô ngeba yedi Nzambé amabôta wa n’anyô g’ôbôtu amôbaé gômakundua angô Jésus g’ôwa. Tsoongone éasô n’anyô ésagôgakani éndé gôndé Jésus.

II Pierre 1:1

Oô te me Simon Pierre, môyanzine amatômu na Jésus‐Christ. Natendéa ane ahmeetsô na Nzambé ngudi yeetsa angô mitéma miaô gémôtsumé paga mônongovo gameetsa me. Ngudi yedi tômeetsô yangô gô étsimama éaNzambé na éaMooboyi asô n’anyô Jésus‐Christ.

I Jean 4:14

We tômamôenani tôtsua tsangône mbe: Téta Nzambé amakudéga Muanedi Jésus gôéba Mooboyi oma muetso.

Jude 1:25

Amuene te Nzambé asaba na gégoni. Ooboo wa n’anyô gô ngudi yaKumu asô n’anyô Jésus‐Christ. Ondômbee wetso na ôkumakee wetso na ngudiye, n’enyangee émabaka n’edi na mbeego, na éndéké n’edi deo noo na éngaba n’edi môbô na môbô gékôdéé. Amen.