I Pierre 5:9 - New Testament in Mitsogo

⁹ Gôméani yabédé kabaga awesea na gôndé anye. Menyani mbe maguga meenanye te mane matubédu ana aTétee n’anyô gô tsengeye yetso.

I Pierre 5:9 ပူးပေါင်းရင်းမြစ်များ

LUC TSANGO EAMOSOBA EMATENDA 22:32

Ivô me nasambédi gôndé éwe kabaga môtémoo ôba na paga gôénôtôga gôndé me. N’ewe vangakoga éwe na gôndé me, ôodeda ana aTétee noo agô mbumu éaNzambé.

Jean 16:33

Namani énônigôa metso mane te mbe gétabége sanyô géngaba te gô évambee éndé anye n’ami. Gôgébakanye gô tsina, nôgébaka te gô panda. Ivô tsôkéakani na bôkédé. Gô ébadie égenyu gô tsengene, me namani éediia.

Mayanzame 14:22

Amoodeda mitémamie mianeengi aJésus. Amoongô ahngô ndongi gôésipa gô mabégô manzéa éaJésus émeetsangô mitémamie gébé na paga. Ahmeevéda ahngô mbe: N’egéengéaka g’ôkumu aNzambé ôndé g’ôba, éngaba mbe wa n’anyô tôngapanga éena maguga na gékuanô gévôni.

I Corinthiens 10:13

Gôsaba ta gô éangô. Nzambé asavétsua ôvangee wedi gôétôkenea gô éne ékanégu wa n’anyô. Nzambé asasinga mbe éne ékanégu wa n’anyô éôtéa ngudiye dindé na wa n’anyô mbe tôkékôa éangô. Gô ndéône éngatsiga éne énganôkanégani, Nzambé anganôétsa ngudi gôésipa na gôékékôa gômbe nôsangakuéa.

Ephésiens 4:27

Nômbiétsa yabédé gépékéô na gô mitémamie mianyô.

Ephésiens 6:16

Môtéma ôndé gôndé Jésus gébé na paga te ga gébakanédéô sotô. Gô mabadime metso sumbédani sangô géngabakanéda anye gôékumba makongo mayôa na soto magunya One Môbévani.

Colosses 2:5

Béyé mbe gandé me gôdagôda n’anye g’ôtô, nandé vavo n’anye gô môtémami. Môtémami ôndé na gényônga gôndé anye na vitoo gôésipa gômeetsanye Christ mitémamie gémôtsumé paga.

1 Thessaloniciens 3:3

Tôsanyôngéô mbe ta na môma môvo, nôtsedu gô gékuanô gétubédu wa n’anyô. Anyene nôsabômu mônongoe agékuanô géndéké gô éne émakônzéa Nzambé wa n’anyô.

I Timothée 6:12

Genya na ngudi ébadie éamôsôba gôédiia éne éténdéda we gébé na paga. Ombianzeegeda monyo ôsakôdéakani. Gôébégô Nzambé amabambéa éwe gôéadiia. Na ômanigôa gébé na tsoyi mane mavangani éwe na Nzambé va mbene oma ayekani agôbononi.

II Timothée 3:12

Endé te nane. Muetso anyôngéô édigaa na égobeda Nzambé gô vitoone éndé wa n’anyô na Jésus‐Christ, angeena gékuanô.

II Timothée 4:7

Me namani égenya ébadi étôgenyani. Me namani étsiga v’ekôdeô éatsaéne étôkea pita. Me tsatsuma ône ameetsa me môtémee paga.

Hébreux 11:33

Gômeetsahngô Nzambé mitéma miaô na gositsumé ahngô ngudi na ôgi aNzambé paga amadiia tsengeye dimagenya n’ahngô. Amayanza mane mamanyôngéô Nzambé, na ameetsô éne émavanga Nzambé n’ahngô. Ahngô amakukéga miônya miembungu.

Hébreux 12:8

Okô éwe ôsasisédu na Nzambé gasisédu anee muetso, tambô éwe kaka muana apie, éwe ôsaba na Tétee.

Jacques 4:7

Sugédani anyene va mbene aNzambé. Kékôani mane mayabédé na angakôndangana na gôdagôda n’anye.

I Pierre 1:6

Gô mabégôme mane tsôkéakani. Buéyé mbe n’atsatsee gô pesu andéô mitéma mianyô mindéké gô gékuanô gô minongomie mietso.

I Pierre 2:21

Anye nômabambéô na Nzambé gôébibéda ékuanô. T’ebandô Christ amabibéda ékuanô gô gévénga sanyô. Amatubéda nane gômbe anye nôngamôaanda gô matambé medi gôésindéa maguga mamasindéa angô.

I Pierre 3:14

Buéyé mbe nane, vangeenanye maguga gô mane meendanye mamisôba, tsôkéani. Nômbiasinga oma eetsa anye gomo na mikebanganô.

I Pierre 4:13

Eébéyée nane tsôkéakani g’ôkabô ômadiia anye gô maguga mameena Christ. Mônongovo gangatsôkéanye na gényônga gémootéani vangatsutsuga ôbébayi ôtubéda ôndômba aJésus.

Gétsutsuéô 1:9

Oô te me, muana aTétee n’anyô Jean. Gôndé wa n’anyô môvo na Jésus, nawanya n’anye gô maguga meena wa n’anyô. Nandé môvo n’anyô dôta gôéenéa ôkumu aNzambé na môvinéné. Atômi atsenge amaaganéda me n’omami na mbôkami. Namakedu na gô nengé étetu mbe Patmos te gô tsôgôô émeetsô me gôébégô nameekéda Mane Mamavovo Nzambé, mangô mandé mapie mamatévédu me na Jésus.

Gétsutsuéô 6:11

Ahmeetsô môvô môvô môkanda avembo na ameenda ahngô mbe: Ombani édunda vipesu. Eeneakani ana aTétee n’anyô te akanyô ane amabaka n’anyô gôéékéda mbe na ahngô ahngayôhu gamayôhu anye. Otangôe wanyô madeo ôsiduga.

Gétsutsuéô 7:14

Me namamôaabéa mbe: Me tsamenya téta, ômuene ôsabômu beenda me. Na payi nene amanigôa me mbe: Ahngô te ane amabaka gô tsina agékuanô gévôni. Ahmoovôa mikanda miaô gôéminyepeda na vee te gô nzina yaMôpaga.