I Pierre 5:8 - New Testament in Mitsogo

⁸ Bakani misiki Wemani. Môdudeo anyô, yabédé abégôa ga gémbungu gégunga gôébuta éngmbuguméa ône anyôngéô angô éaa. Bakani mitémamie mietso gôndé Nzambé.

I Pierre 5:8 ပူးပေါင်းရင်းမြစ်များ

Matthieu 13:39

Môvingine agaaba mibiemie mibévani te yabédé. Mbôtône émoodoni éngasevou te v’ekôdéô atsengene. Asevôi ambôtône, te asi g’ôba avigédu na Nzambé na gô tsina.

Matthieu 24:42

Imbakani géembemba gôébégô nôsamenya nyee ôngaviga Kumu anyô.

Matthieu 25:41

Vane Kumu angavovo n’ane angaba gô géeyo sedi gégeto mbe: Anye nôtôgani vandé me, anye nôndé nôdokiô na Nzambé. Kiakani na gô gétungu sasoto géseemakani gémakonzeo yabédé na ayanzi edi.

Matthieu 4:1

Gédidi SaNzambé gématôma Jésus gôékea na gô tsenge émagasani mbe akekanégu na yabédé.

Matthieu 4:11

Vane yabédé amanôtôga vandé Jésus. Asi g’ôba amavigédu na Nzambé na va kôbangô aJésus gôémôwedéa.

Marc 4:15

Avo oma agono na toto éagô kôbangô anzéa émaaga mibiemie. Vookô ahngô mabégôme, tsina na tsina Satan aviga gôéwata mangô gô mitéma miaô.

LUC TSANGO EAMOSOBA EMATENDA 21:34

Bakani n’ekena. Nômbiasinga mitéma mianyô miyungédu na madangi na miambô. Nômbiasinga mitéma mianyô mikatanganédu na mikebanganô miamane matsengene. Kabaga nyoo ône ôvôni ôdenga anye tsina na tsina anye gébé n’etasa mbe, mavooe te deo noo.

LUC TSANGO EAMOSOBA EMATENDA 21:36

Nômbiatimba na vio. Vovoni na Nzambé ndéô yetso gédundé. Vane nôngaba na ngudi yebusuga metso mane mangabuéani. Na nôngatubéda anyene va mbene ame, Muana Amôma mbe: We tôanguaa.

LUC TSANGO EAMOSOBA EMATENDA 22:31

Kumu Jésus ameenda mbe: Simon, Simon. Satan aduki me éwe gôéginya éwe mônongovo gaginyô géétété na gékunga gôébôkôa sangô.

Jean 8:44

Tétanyô te yabédé na anye nôena gényônga vayanzanye mane matôma tétanyô. Angô te môsi môkôbé bandôa v’ebandô. Asoongôa édigaa gô mane mapie gôébégô angô te môvingi amangô. Bandôa v’ebandô asakea gô nzéa éamane mapie, t’ebandô asoongôa évamba na mangô. Gô buembee wedi avovo te ôboe ômeekaganô n’edi gôébégô angô te téteene éoboe, kumune épatani.

II Corinthiens 2:11

Tôsingé môma kokoo te kabaga Satan atôdiia. Tôsabômu minongomie mibuta Satan éyungéda wa n’anyô gôétôdiia.

Ephésiens 4:27

Nômbiétsa yabédé gépékéô na gô mitémamie mianyô.

Ephésiens 6:11

Nzambé anôétsa ékeeyie éedi gôégenya. Tambô tsuani na aatani éangô gôéba na ngudi yekumba yabédé n’eodo éndé n’edi gôégenya.

I Timothée 2:15

Buéyé mbe nane, môgeto angoobou gômenyangô ébôta ana na gômenyangô édigaa môtémedi wetso gôndé Nzambé gémôtsumé paga. Adigaa na étondo na môdigédi ômagôgéani gébé na nyemo.

I Timothée 2:9

Nanyôngéô mbe ageto aata maduani maô kuanakue na ndéôye diaata ahngô. Amaaté gô mônongo amôsôba gétsede akaô. Buedi mbe ageto abaké gébé na tsoki gô tsôgé yaô. Gôebégô éamisanga na mianza na mapungadede na miôdô, ésaba buedi gôéaata miyekani na mosunu ôvôni. Mikandamie dôta, kaka miosunu ôvôvôni.

I Timothée 3:11

Buedi mbe agayaô dôta abaké agobedani na gébé gékinda pambo éadeekeda. Abaké gébé na migianganô miamatsuavi. Abaké ageto abôkédé na amavôma gô mabégô metso.

I Timothée 3:2

One eetsô ényanga gôétôma gô mbumu éaNzambé, buedi mbe abaké môma agébé n’oési ta n’ovo. Buedi mbe abaké mômôgôô amôgeto môvo. Na amenye étôma ôtôe wedi, na abaké n’ekena na égoba. Amenye ékenea agenda. Na asabômu éékédani.

II Timothée 4:17

Ivô Kumu Nzambé amabaka n’ami gôéoodeda me. Ameetsa me ngudi gôénigôa na vede mabégô medi. Mangô mookanô na muetso asaba Ajuif. Namayuu ga môma awatô gô mônya agémbungu.

Tite 1:8

Na buedi mbe ône eetsô ényangee éopayi abaké môma amenya ékenea agenda na abaké môma anyôngéô te mane mamisôba. Abaké dôta na môtéma ômasumani, n’etsimama, na abaké gépenganédé mavovia. Na amenya étôma ôtôe wedi.

Tite 2:12

Ngebaye yedi dine ditubéda we ganyôngéô Nzambé mbe tôviié ngima môdigédi asagô na tsôvé yetso yava tsina. Na ganyôngéô angô mbe tôdigéé na mavôma gô tsengene na ésima éamisôba ésapengana n’ene ényôngéô amuene.

Tite 2:2

Beenda peeye yamôgôô mbe: Digaani ékenge, n’esima éamisôba, n’eodo. Beenda ahngô mbe: Sipani gô nzéa éaJésus étôkeani édué. Na bakani n’etondo na ôbibo.

Tite 2:4

Ndongiye te gôéékéda tômbôye mbe: Nyôngéôni omée wanyô n’etondo. Nyôngéôni anee wanyô na gényônga.

Tite 2:6

Na gôndé minzambu te mônongovo. Beenda ahngô mbe: Bakani n’esima éamisôba.

Jacques 4:7

Sugédani anyene va mbene aNzambé. Kékôani mane mayabédé na angakôndangana na gôdagôda n’anye.

I Pierre 1:13

Mônongovo goodeda môma édatedi, oodedani édidi éanyô gôévéngéa éne évigani. Bakani misiki. Bakani na môténdéda ôvôni gô mane mangeetsô anye ôbiia vangatsutsuga Jésus‐Christ.

I Pierre 4:7

Ekôdéô éamabégô metso ésangaamba ébuéa. Bakani n’ekena. Bakani na tsambu éamabégô gômbe nôngaba na môvinéné g’ôsambô.

Gétsutsuéô 12:10

Me Jean namookô ôgi angudi ôviga g’ôba ômavovo mbe: Tôka gô ndéône. Géobogeo saNzambé gébuéyi. Tôka gô ndéône. Nzambé atubédi ngudi yedi yokumaka. Tôka gô ndéône. Christ, ône amasevou na Nzambé atubédi ényangee éndé n’edi. Môtsuaviné amabaka môtie va mbene aNzambé gôétsuava asi mbumu éaNzambé, ana aTétee n’asô n’anyô na pitsi n’omanda. Môtsuavine ône te ône amapatsô g’ôba.

Gétsutsuéô 12:12

T’ebandô éwe ôba, tsôkéaka, n’anye nôndé g’ôba, tsôkéakani na gényônga gévôni. Ewe, tsinane na mubue déakani gô magugame. Endé te nane. Yabédé amasutumédu na gôndé anye tsina na mubu. N’angô amayôa n’opisa gôébégô asabômu mbe pitsi yedi disaba diyekani, disanéa ti yatangaga.

Gétsutsuéô 12:9

Gényogonyogo géne gémapatsédu. Te angô nyogone éambeego étetu mbe yabédé, na Satan, abôméda oma muetso. Amapatsô na gô tsina, angô n’ayanzi edi muetso.

Gétsutsuéô 20:10

Vane yabédé, Môbômédine waô angagunyu na gô mungu asoto gôkusa mbônga ébévani éangôté éndé na tsokida. Wangô angadenga Gényamanyama na môékédine adiboe ahndé gôéenéa angô. Angô atatô angabisongono na pitsi n’omanda môbô na môbô gékôdéé.

Gétsutsuéô 20:2

Môsi g’ôba amatsôpa Gényogonyogoge géne gémabaka bandôa v’ebandô, sangô te ône eendô mbe yabédé na Satan. Angô amakatô na pangane gôédigaa na yangô môtônisa amipuma.