I Pierre 5:3 - New Testament in Mitsogo

³ Nômbiabuta ébatéda anyene gôéôtéa ane ahyanza n’anye éyanzevo. Bakani ôkana va gatse amandombo maNzambé mbe anganôgoo.

I Pierre 5:3 ပူးပေါင်းရင်းမြစ်များ

Jean 13:15

Me namani énôtubéda, tambô anye indaani tsingayi gô éne ééndi me.

Mayanzame 20:28

Bakani misiki gôéwema mitéma mianyô. Gandé môkeneyi akenea ôbuee wedi, mônongovo anye keneani asi mbumu éaNzambé. Gôébégô Gédidi SaNzambé géétsa anye ényanga éamôkeneyi. Bôngôani mbumu éaNzambé. Te éne émavana Jésus na nzina yedi.

I Corinthiens 11:11

Buéyé mbe nane, gôdigaa wa n’anyô môvo na Kumu Jésus‐Christ, môgeto asadônga gébé na mômôgôô, na mômôgôô asadônga gébé na môgeto.

I Corinthiens 3:5

Beendani me ?ône atetu mbe Apollos indaa? ?Na ône atetu mbe Paul indaa? ?Apollos na Paul kaka ayanzi aNzambé‐a? We tôndé ti ayanzi aNzambé na gô ngudi yameekédume mamanôékéda we, anye nômagésangana môtémovo na Nzambé. We eekédi tômayanza te éne émeetsô we na Kumu gôéyanza.

I Corinthiens 3:9

Gô tsaga éaNzambé we eekédi tôyanza évévé. Anye asi mbumu éaNzambé te tsaga éaNzambé éyanza we eekédi. N’anye nôndéké dôta te eba ôsaa Nzambé.

II Corinthiens 1:24

We eekédie tôsabuta étindéga anye gô mabégô maNzambé mameetsanye mitémamie mbe: Indakani édué, tsikani édué. We tônôongô te ndongi ditévo gôénôkasôgéda gôébégô anye nômani ésipa gô mabégô manzéa éaNzambé mameetsanye mitémamie gébé na buétsé.

II Corinthiens 4:5

We tôsanôékéda tsangô éawéene. Tônôékéda mbe Jésus te Kumu. Gôndé we tôndéké ayanzie anyô gô ina aJésus‐Christ.

Philippiens 3:17

Ana aTéta, indani tsingayi geenda me. Namani énôtubéda. Tambô anye dôta émbégéani ane akea gô nzéane émanôtubéda me.

Philippiens 4:9

Indakani na ngudi yanyô yetso éne émeekédu anye na éne émeetsô anye na me. Indani dôta éne émookô anye me nanônigôa, na éne émeenanye me neenda. Amuene Nzambé, Kumu agétabé angaba n’anye.

1 Thessaloniciens 1:7

Vane nômadiia ngudi gôétubéda akanyô gadigaa môma gô nzéa éaNzambé. Ane ameetsa Jésus mitémamie gô Macédoine na gô Grèce amadeka te gôndé anye.

II Thessaloniciens 3:9

Tômeenda nane, kaka mbe we eekédi tôsoongôa ékeneo n’omee wasô, ivô tômeenda te gôénôtubéda mônongovo gadigaa ône eetsa Jésus môtémee.

I Timothée 4:12

Ombiasinga môma, ta na môvo adeta ônzambue woo mbe: Agébaka ti muanéngé. Ivô gô mônongoe woo, tubéda ane ameetsa Jésus mitémamie nganégu éamôsôba g’ôvovédie woo, na g’ôdigédie woo. Tubéda angô dôta ganyôngéô éwe akoo, na gasatsumewe Jésus paga gandé éwe na môtéma ômagôgéani.

Tite 2:7

Ewe Tite, ôtévéda ahngô gô mônongoe woo gayanza mônzambu mabégô mamisôba. Odigaa na môtéma ômasumani gôéékéda mabégô mavôni mandéké n’ewe.

I Pierre 2:9

Ivô gôndé anye ésaba nane. Anye nôndé éongo émasevou na Nzambé mbe nôngaba adeekedi adigondoku okumaka. Anye nôndé gébandô gématsimamani. Nôndé oma amoobou na Nzambé. Amasevoa anye gôébeenda mayanza medi mamatsimamani. Amakuséda anye gô évitsi mbe nôengéa na gô gévede sedi gématsimamani.