I Pierre 5:14 - New Testament in Mitsogo

¹⁴ Sambanéani anyene n’anyene na kômbô agéneega. Gétabé gébaké gôndé anye nôndé gôndé Christ.

I Pierre 5:14 ပူးပေါင်းရင်းမြစ်များ

Matthieu 5:47

Okô anye nôkômbôa te kinde yanyô atévo ?éne te mbe anye nôénda te ébégô éamôsôba‐a? Ane asavamba na Nzambé ?aseenda te nane‐a?

Jean 14:27

Me nakeyi. Ene étsikéa me anye te gétabé sami mbe géngaba gô mitéma mianyô mbe nôngaba na mitéma mimasumani. Géne sami gétsikéa me anye gésagono na géne satsenge nedué. Nombiaba na mikebanganô gô mitéma mianyô.

Jean 16:33

Namani énônigôa metso mane te mbe gétabége sanyô géngaba te gô évambee éndé anye n’ami. Gôgébakanye gô tsina, nôgébaka te gô panda. Ivô tsôkéakani na bôkédé. Gô ébadie égenyu gô tsengene, me namani éediia.

Jean 20:19

Gô pitsine éanyaa tsono éne, aneengie amaduga ebovo gômookô ahngô Ajuif gomo, amabandéka ebee na môsapi. Jésus amatsiga amatema va gatse aô. Amavovo mbe: Gétabé gébaké gôndé anye.

Jean 20:26

Pitsi génana dimoota, aneengie aJésus amoomba éduga vavo gô eba, ahngô na Thomas muetso. Ebee ômabaka ômabandéku na môsapi. Ivô tsina na tsina Jésus amatsiga amatema va gatse aô na amavovo mbe: Gétabé gébaké gôndé anye.

Romains 1:7

Nanôtendéa anye asi Rome nôbambéô na Nzambé mbe vagébakanye va tsina nôngaba môvo n’edi. Na mbe nôngatetu mbe asi mbumu éedi. Te mbe Nzambé, Tétee éasô n’anyô, na Jésus-Christ Kumu asô n’anyô anôétsa mate medi na gétabé sedi.

Romains 16:16

Sambanéani anyene n’anyene ana aTéta na kômbô étsimama. Mbumuye yetso yaNzambé, oma aChrist dinôkômbôa.

Romains 8:1

Ekôdéô éebégôe te édué. Gôsabadô géesédéô gôndé ane andé na vitoo na Jésus-Christ.

I Corinthiens 1:30

Nzambé amanôgésanganéda monyovo na Jésus‐Christ. Gô ngudi yaNzambé, angô Christ te éodo éasô n’anyô. Gôndé angô Christ, tômatsimamédu gébé n’oési va mbene aNzambé. Na tôka môvo na Nzambé tômaviia mane matsengene ngima gô pitsi yasô yava tsina. Gôndé Christ tôndéké tômoobouni.

I Corinthiens 16:20

Ana aTéta n’anyô muetso andé éva anôkômbôa. Sambanéakani anyene n’anyene kômbô étsimama éambumu éaNzambé.

II Corinthiens 13:12

Sambanéani anyene n’anyene na kômbô étsimama éambumu éaNzambé. Asi mbumu éaNzambé muetso anôkômbôa.

II Corinthiens 5:17

Okô môma aka monyovo na Christ akou pepe, aka wene mônongo amôma. Metso mane mamabaka n’edi mambeego mamadimbana. Na mane mandéké n’edi te mamanza mamisôba.

Ephésiens 6:23

Te mbe Tétasô n’anyô na Kumu asô n’anyô Jésus‐Christ eetsé anye muetso agô mbumu éedi mabégô mema matatô. Eetsé gétabé sedi na étondo éedi. Eetsé na ngudi gôévamba n’edi gémôtsumé paga.

1 Thessaloniciens 5:26

Sambanéani n’ana aTéta Nzambé na kômbô agéneega.

I Pierre 1:2

Anye madeo nôsibôtu nômasevou na Téta Nzambé gamavanganô mbe eenda te nane. Nzambé amakoa anye omedi gô ngudi yaGédidi sedi gômbe anye nôngagobeda Jésus‐Christ. Te nzina yedi dimeetama gôndé oma muetso digôgéda anye mitéma. Te mbe mate maNzambé na gétabé sedi géyekegee gôndé anye.

III Jean 1:14

Memuene nanyôngéô égôena pitsi yedi gô pesu andéô gôévovo n’ewe va miso moo.