I Pierre 5:12 - New Testament in Mitsogo

¹² Oô te me Pierre na Silas, muana aTétee amavôma andé n’ami. Awedéa me gôénôtendéa vipesu viagésangô. Gésangôge egé te gôésipéda anye na gôénônigôéa mbe na gô pie ngeba yaNzambé dimavamba n’anye dindé yapie. Sipani gô mabégô mema.

I Pierre 5:12 ပူးပေါင်းရင်းမြစ်များ

Jean 21:21

Vameena Pierre mbe te angô avigani ôdôô, ameevôa Jésus mbe: ?Ka-vo, ôdôô Kumu gô mbene angaba nayee?

Mayanzame 11:23

Vamatsiga Barnabas gô Antioche, ameena éne émayanza Nzambé gôéétsa asi mbumu éedi mate. Amatsôkéa. Amoongo ahngô ndongi mbe: Nômbiaagana n’evambee éndé anye na Kumu. Bakani na môvinéné mbe mitéma mianyô misipa.

Mayanzame 15:22

Vane peeye yambumu éaNzambé na ane amatômukuni n’asi mbumu éaNzambé muetso amavangana mbe: Tôsevoeni oma abaé akea na Paul na Barnabas na gô Antioche. Ahmasevoa Silas na Jude, ône amoogu mbe Barsabbas. Amôgôô abaé ane amabaka n’enyanga gôétôma ana aTétee n’aô asi mbumu éaNzambé.

Mayanzame 20:24

Ivô tsabono monyoe wami mbe te sôma sami satsoongo. Ene ébuta me gô monyo ôdôô te mbe nabuéa v’ekôdéô na gényônga ga môma akea tsaé. Na mbe namangôa éyanzee émeetsô me na Kumu Jésus. Eyanzee, te gôétsua na gôénigôa Tsangô Eamôsôba éangeba dimatôenanô na Nzambé.

Romains 5:2

Gô ngudi yaJésus, ône ameetsa wa n’anyô mitémamie, tôndé tômasipéduni gô nzéane éedi na tôwesea gôédiia mate maNzambé. Tsoongone éasô n’anyô étôtsôkéani te mbe tôngaba vavo n’edi g’ôndômbedi.

I Corinthiens 15:1

Ana aTéta n’ami, me Paul nanôbangôéda Tsangô Eamôsôba éaJésus‐Christ émeekédu anye. Nômasinga yangô. Nômagésangana mitéma mianyô na Nzambé gô yangô.

II Corinthiens 1:19

Wa na Timothée na Silas tômanigôa anye tsangône éaJésus‐Christ Muana ANzambé. Jésus asivigé na yôgi dibaé, ôô ôgi mbe: te nane, na ôvo ôgi mbe: kaka nane. Amaviga na ôgi ôvo aNzambé mbe: te nane.

II Corinthiens 1:24

We eekédie tôsabuta étindéga anye gô mabégô maNzambé mameetsanye mitémamie mbe: Indakani édué, tsikani édué. We tônôongô te ndongi ditévo gôénôkasôgéda gôébégô anye nômani ésipa gô mabégô manzéa éaNzambé mameetsanye mitémamie gébé na buétsé.

Ephésiens 3:3

Nzambé amatsutsuéda me étasa émabaka n’edi ga éav’esooe ésinigôganéôkô na mbeego te gôéyanza nzéane éawa n’anyô oma. (Namani énôtendéa ébégô édué gô wene abi.

Ephésiens 6:21

Muana aTétee n’asô n’anyô agô mbumu éaNzambé Tychique andé wee yami na môwedi abôkédé gô éyanzee éaKumu Jésus. Anganônigôa tsangône éami égô gôénômenyeda mônongovo gandé me.

Colosses 1:7

One ameekéda anye mabégôme mane te Epaphras angô te môyanzi amavôma aChrist gandé me. Andé na vitoo n’ami. Awedéa me éyanzee édué.

Colosses 4:7

Muanee aTétee n’asô n’anyô Tychique, weene éasô n’anyô andéké n’ami éva gôéyanzéa Kumu Jésus. Andé payi amavôma gô mbumu éaNzambé. Te angô anganôbeenda metso meenda me.

Colosses 4:9

Angaviga, angô na muana aTétee n’edi Onésime. Angô dôta te môsi mbumu éaNzambé andé n’asô na vitoo. Angô abaé anganônigôa metso meenanô égô.

1 Thessaloniciens 1:1

Oô te me Paul na Silas na Timothée tônôkudéga gésangô gegé. Sangô te sanyô, asi mbumu éaNzambé gô môsenge aThessalonique. Nôndé oma aTéta Nzambé na aKumu Jésus‐Christ. Tônyôngéô mbe mate medi na gétabé sedi gébaké gôndé anye.

II Thessaloniciens 1:1

Oô te me Paul, na Silas na Timothée. Tônôtendéa gésangô gegé, anye asi mbumu éaNzambé gô môsenge aThessalonique. Anye nômavamba na Tétasô n’anyô Nzambé na Kumu asô n’anyô Jésus‐Christ.

Hébreux 13:22

Ana aTétee n’ami agô mbumu éaNzambé, me môékédine, nanôongô mbe: Digaani na môvinéné gôéôkô mabégôme manôtendéa me gôénôkasogéda gô nzéa éaNzambé. Gésangô gegé gésatongo mbe nôngagogo étanga sangô.

I Pierre 1:13

Mônongovo goodeda môma édatedi, oodedani édidi éanyô gôévéngéa éne évigani. Bakani misiki. Bakani na môténdéda ôvôni gô mane mangeetsô anye ôbiia vangatsutsuga Jésus‐Christ.

I Pierre 4:10

Buedi mbe môma na môma ayanzédé n’ekena migôô mimeetsô angô na Nzambé ôbiia. Adôngédé akedi na miangô.

II Pierre 1:12

Buéyé gamenyanye mabégô mema, buéyé gasipanye gô mabégô mapie mameetsô anye, me noomba énôbangôéda mabégô mema.

II Pierre 2:15

Amanôtôga gô nzéa éetsimama. Ahmaanda nzéane émakea Balaam, muana aBosor, ône amanyôngéô ôkiti ôngadiiangô gô mayanza medi mabévani.

III Jean 1:12

Muetso anigôa mane mamisôba meenda mômôgôône eendô mbe Démétrius. Buéyé na mabégô mapie matôtubéda mbe Démétrius eenda ti mane mapie. Na tsangône éami gôndé Démétrius to épo na éne énigôa akasô. Nôsabômu mbe éne évovo me kaka éoboe.

Jude 1:3

Omami amôtéma namanyôngéô énôtendéa ébégôe éagéobogeoge gématôobou, wa n’anyô muetso. Ivô n’atsatsee nookô pepe tsôvé gôénôkasôgéda mitémamie na gésangô gegé mbe: Genyani ébadie gôéebakanéda mabégô mapie mameetsa Nzambé gôndé ane amamôétsa mitémamie gémôtsumé paga. Nzambé amatôétsa mane medi mapie kukepo na koo.