I Pierre 5:1 - New Testament in Mitsogo

¹ Natenda ndongi yedi gôndé anye nôndé peeye yenyanga gô mbumu éaNzambé. Me nandé payi gandé anye. Me nandé mbangi gô maguga mameena Christ. Me nangadenga ôkabô g’ôndômba ôvigani.

I Pierre 5:1 ပူးပေါင်းရင်းမြစ်များ

LUC TSANGO EAMOSOBA EMATENDA 24:48

Anye te mbangiye yamane mameenanye na mamookô anye gôndé me.

Mayanzame 1:8

Menyani mbe anye nôngadiia ngudi vangaviga Gédidi SaNzambé na gôndé anye. Anye nôndéké mbangi yami na nôngatsua tsangô éami gô Jérusalem, na gô tsengeye yetso yaJudée, na yaSamarie, na ngu na tsengeye disibuéôkô na mbeego yagô makôdéô matsinane.

Mayanzame 11:30

Ameetsa te nane. Amakudéga éne émeetsangô ôbiia na gôndé peeye yambumu éaNzambé gô Judée. Te Barnabas na Saul amatsua dibiiaye dine.

Mayanzame 14:23

Go tunguye yetso dimawanya asi mbumu éaNzambé, Paul na Barnabas amasevoéa ahngô peeye dingatômani. Ahmadigaa amakina môyakô gôévovo na Nzambé na vane ahmadeekeda ahngô na gô mogo maKumu, ône ameetsahngô mitémamie.

Mayanzame 15:4

Vamatsigahngô gô Jérusalem, asi mbumu éaNzambé na peeye yaô n’ane amatômukuni amakômbôana n’ahngô na gényônga. Ane amatômu gô Antioche ahmanigôa akaô metso mane mamayanza Nzambé n’ahngô.

Mayanzame 15:6

Peeye yambumu éaNzambé n’ane amatômukuni amadigaa vavo gôékônza ébégôe éne.

Mayanzame 2:32

Nzambé amakundua te Jésus ôdôô. Na wa n’anyô muetso tômôeni na tômôôkiô.

Mayanzame 20:17

Vamabaka Paul gô Milet amakudéga ôgi na gôndé peeye yambumu éaNzambé gô Ephèse mbe: Vigani na gô Milet.

Mayanzame 20:28

Bakani misiki gôéwema mitéma mianyô. Gandé môkeneyi akenea ôbuee wedi, mônongovo anye keneani asi mbumu éaNzambé. Gôébégô Gédidi SaNzambé géétsa anye ényanga éamôkeneyi. Bôngôani mbumu éaNzambé. Te éne émavana Jésus na nzina yedi.

Mayanzame 21:18

N’ongôngôe ône Paul amakea na we na gô eba aJacques. Gône tômadenga peeye yambumu éaNzambé amakôkangana.

Mayanzame 3:15

Gô éne nômayôhéda ône andé Kumu amonyo. Ivô Nzambé amamôkundua g’ôwa. Wa na Jean tôndé mbangi éagékundugéô sedi sowa.

II Corinthiens 5:1

Tôsabômu mbe yôtôye yasô n’anyô te yeba yebandé didigaa we va tsina. Vangapanzô yebaye yebandé éedi, tôndé na yene yag’ôba dikenea Nzambé gôndé wa n’anyô. Amuene amayanza yangô na mogo medi na disangadôboo.

II Corinthiens 5:8

Na mitéma miasô misanika gévii. We tôndé ga môma andé g’ôgenda madeo asitsiga gô ebedi. Tôôtéa ényôngéô étsika ôtôe ôdôô gôékea gôédenga ône ôndé na Kumu.

Philippiens 1:19

Tsabômu mbe gô ngudi yadisambô divovo anye na Nzambé gôndé me, na gô ngudi yaGédidi gémeetsô wa n’anyô na Jésus‐Christ, mabégôme metso makoga maka mamisôba gôndé me.

I Timothée 5:1

Ombiasemba gébôôtô samômôgôô na kéé. Ivô ikéda angô ti eembe te tétoo. Ikédaka minzambu gandé anayoo.

I Timothée 5:19

Nômbiasinga mane matsuayiô pene môsunda, buétsé te gôba mbangi dibaé ditatô.

II Timothée 4:8

Ene ényangiô gô ébadi éndé gôévéngéa me deo noo gô mbene anzéa. Eangô te gépôkôdô setsimama géngaatédu me na Kumu Jésus môtsundédine asapenganani. Asangaatéda sangô memuene môtévo, te na muetso ane andé gôéenéa na gényônga génikéô sedi.

Tite 1:5

Me Paul namagôtsika gô tsenge éaCrète buta mbe ômangôa ékônza mabégôme magô mbumu éaNzambé. Na mbe ôétsa ényangee éopeeye gôndé ane angasevouni gô mbumu éaNzambé gô môsenge na môsenge. Bangôa gamatévéda me éwe gô ébégôe éne.

Philémon 1:9

Nagôvooto te vootogo mbe: Ongeenda ébégôe te gô étondoe éndé n’ewe. Te me Paul navovoni, me te pene éoo. Na va ngongone vane, me te ône andé gô eba atsôgôô gô ina aJésus‐Christ.

Hébreux 12:1

Wa n’anyô tôndéké tôtandaméô na oma ayekani atôbononi. Tambô tôkinédi magumba metso maditéda wa n’anyô gôékea. Tôkina na mabégô metso mabévani matôdipô tsina na tsina kabaga tôkea. Tôtômbé makôdôme gôékea na môkasa, gôédiia gô nzéane ématôtévuni.

I Pierre 1:12

Apandôédi amatasa maNzambé ahmamenyedu mangô kaka gôndé anguene, te na gôndé anye, buéyé mbe gamabaka ahngô eekédi amabégô mema. N’atsatsee anye nôékédiô mangô n’ane ahmeekéda Tsangô Eamôsôba gô éodo éaGédidi SaNzambé, géné gémasuma g’ôba. Buéyé asi g’ôba ayanzi aNzambé anyôngéô émenya mabégô mema.

I Pierre 1:7

Ekuanô éenanye étubéda gôsipanye mitéma mianyô gô mabégô maNzambé. Te gandé dodo sôma gébunganani, ivô yangô ékanégu gôkanzô yangô gô soto. Te mônongovo gandé anye. Veetsanye Nzambé mitéma mianyô gébé na paga mika na génemba géôtéa buéyé géne sadodo. Na mikanégu gô gékuanô. Okô mitéma mianyô misipi nôngeetsô ôséngu na ôndômba n’egoba vangaviga Jésus‐Christ.

I Pierre 4:13

Eébéyée nane tsôkéakani g’ôkabô ômadiia anye gô maguga mameena Christ. Mônongovo gangatsôkéanye na gényônga gémootéani vangatsutsuga ôbébayi ôtubéda ôndômba aJésus.

I Pierre 5:4

Vangatsutsuga amuene pene akeneyi amandombo, nôngadiia gépôkôdô sôbébayi sokumaka agébungané.

I Jean 3:2

Anami amôtéma, deo noo tôndé ti ana aNzambé na mônongo ôngaba n’asô n’anyô gô mbene madeo tôsitubédu angô. Ivô menyani mbe vangaviga Christ, mônongo ôndé n’edi tôngagono n’angô, gôébégô tôngamôéna mônongoe ôndéké angô.

II Jean 1:1

Me pene agô mbumu éaNzambé nanôkômbôa yaa Kyria môgeto ômasevou na Nzambé. Nakômbôa éwe n’anoo. Nanônyôngéô na gô pie. Kaka memuene môtévo nanônyôngéôni. Te n’ahngô muetso asabômu mabégô mapie anônyôngéôni.

III Jean 1:1

Me pene agô mbumu éaNzambé nagôkômbôa wee ami Gaïus. Nagônyôngéô na gô pie.

Gétsutsuéô 1:9

Oô te me, muana aTétee n’anyô Jean. Gôndé wa n’anyô môvo na Jésus, nawanya n’anye gô maguga meena wa n’anyô. Nandé môvo n’anyô dôta gôéenéa ôkumu aNzambé na môvinéné. Atômi atsenge amaaganéda me n’omami na mbôkami. Namakedu na gô nengé étetu mbe Patmos te gô tsôgôô émeetsô me gôébégô nameekéda Mane Mamavovo Nzambé, mangô mandé mapie mamatévédu me na Jésus.