I Pierre 4:2 - New Testament in Mitsogo

² Bandôa deo noo môma nône asadigaa gô manyima mamôtéma ômabôtu na ôtô amôma. Ivô gô ndéône égébakangô va tsina adigaa ganyôngéô Nzambé.

I Pierre 4:2 ပူးပေါင်းရင်းမြစ်များ

Matthieu 12:50

Menyani mbe aneya vo iya te ane eenda éne ényôngéô Téta, ône andé g’ôba.

Matthieu 20:4

Kumu atsaga amatôma ahngô mbe: Anye kiakani nôkedenga akanyô gô tsaga yami. Nanganôvanéa kuanakue.

Matthieu 21:31

Jésus ameevôa adeekedi adigondoku n’anigôi amige mbe: ?Va gatse ana abaé, ône ameenda éne émanyôngéô tétedi indaa? Ahmaabéa Jésus mbe: Te ône amapanga. Na Jésus amanigôa mbe: Nanôbeenda na gô pie mbe anye n’egébuéaka g’ôkumu aNzambé, abongi adepu na akeyi agésasô angapanga ébuéa.

Matthieu 7:21

Kaka muetso ateta me mbe: Kumu, Kumu, angeengéa gô tsenge éami éag’ôba. Ivô ane eenda éne ényôngéô Téta ône andé g’ôba, te ahngô angeengéani.

Marc 3:35

Me nanôbeenda mbe aneya na iya te ahngô eenda éne ényôngéô Nzambé.

Marc 7:21

Ti gô gatse, gô môtéma amôma gôkusa matasa mabévani matindéga môma gôéénda éne ébévani; eesua, ayôha, akea gésasô,

Jean 1:13

Ana aNzambé ahmabôtu n’edi. Obôtue ône kaka ône anzina, na ône otô, vo ône etondo éamôma gabôtu môma na môma n’edi.

Jean 7:17

One andé na môtéma ôgobeda Nzambé asatsapéô gô meekédume mami. Asabômu mbe ône asavovo gô ényangee éedi, avovo te gô ényangee éaNzambé.

Romains 12:2

Nômbiagésangana mônongo ôvo na ésima évo n’asi tsengene. Ivô tsikéani Nzambé anôkoa matasame mbe mapengana na mane mamabaka n’anye mbeego. Vane nôngamenya éne ényôngéô Nzambé gôndé anye. Te éne éamisôba, na mane meetsimama na masapengana na matasa medi.

Romains 14:7

Endé te nane. Vadônga wa n’anyô, monyoe ôsaba gô mane masô n’anyôene matévo. Na vawa wa n’anyô, ôwa ôsaba amôma môvo môtévo. Vatôdôngani, monyo asô n’anyô te gôndé Kumu.

Romains 6:11

Gôndé wa n’anyô te mônongovo. Tôndéké ga nzumbi ésatômuku na mabégô mabévani. Ivô tôndé misiki na monyo gôédigaa gôndé Nzambé na monyovo na Jésus-Christ.

Romains 6:2

Géndégégé. Tômani éwa gô mane mabévani. ?Tôngoomba éyanza gô mangô nayee?

Romains 7:4

Gôndé anye te mônongovo ana aTétee. One amatôma anye va mbeego te mige miaNzambé. Ivô nômawa gô ôtô aChrist va gésumu sowa. Gômawa anye, évambee éanyô na mige miaNzambé ésabadô na ngudi gôénôtôma. Nôka môvo na ône amakundugani gômbé gô évambee éndé anye n’edi nôngayanza mane manyôngéô Nzambé.

II Corinthiens 5:15

Amawa gôndé muetso gômbe ane adôngani asangadigaadô gô monyoe ônyôngéô anguene. Ivô ahngadigaa gô monyo te gôndé ône amawa na amakunduga gôndé ahngô muetso.

Ephésiens 2:3

Wa n’anyô muetso tômabaka gandé ane akékôani. Tômadigaa gadigaahngô gôédugéda manyima mabévani mamabôtu na yôtô yasô n’anyô. Tômayanza mane mamatômu we na yôtô yasô n’anyô na édidi éasô n’anyô éasagô. Vamabaka we tôgébaka gamabôtu we, tômabaka gô tsina opisa aNzambé gôésisédu n’edi gandé akasô, ane agébaka wangô.

Ephésiens 4:17

Oôkôni éne énôbeenda me gô ina aKumu Jésus. Me mbe nômbiadigaadô ga oma asamenya Nzambé. Mane manyôngéô omeaa masaba na tsoongo.

Ephésiens 5:17

Nônaba n’odungé ivô gémbôgani gôémenya éne ényôngéô Kumu Jésus mbe nôénda éangô.

Ephésiens 6:6

Kumu abéyee, asabéyee, yanzani ti eembe andé vangô gôénôbono. Vane nôngadugéda na môtéma ômasumani éne enyôngéô Nzambé ti eembe nôndé avéga aChrist.

Colosses 1:9

T’ebandô tôsadunda évovo na Nzambé gôndé anye bandôa nyee ômookô we tsangône yanyô. We tôduka Nzambé mbe Gédidi sedi génôétsa éodo éetso na ébagé éetso gôénômenyeda pepe nzéane émakônzangô gôndé anye.

Colosses 3:3

Gô mane matsengene nôndé nômawani. Monyoe wanyô ôndé ômakuégu n’one aChrist gétungu gévo gôndé Nzambé.

Colosses 4:12

Epaphras, ône amabaka gôndé anye môsi mbumu éaNzambé, anôkômbôa. Angô te môyanzi aJésus‐Christ asanzeegeda évovo na Nzambé na môvinéné wetso gôndé anye. Aduka Nzambé gôénôodeda mbe nôngaba oma amoongôga na amadômbéa gô mabégô maNzambé. Na mbe nôsangagogo éyanza mane manyôngéô Nzambé.

1 Thessaloniciens 5:18

Kumédani Nzambé gô mabégô metso. Te éne ényôngéo Nzambé mbe nôénda gôndé anye na vitoo na Jésus‐Christ.

Hébreux 13:21

Nanyôngéô mbe Nzambé, môétsi agétabé, anôétsa ngudi gôéénda mane mamisôba na gôéyanza mane manyôngéô amuene. Te mbe éné étômangô éenanô gô midigédi miasô n’anyô gô ndugi yaJésus‐Christ. Te mbe ôndômbee wetso ôbaké gôndé Jésus‐Christ, môbô na môbô. Amen.

Jacques 1:18

Angô amatôbôta gamanyôngéô amuene gô ngudi yamabégô medi mapie gômbe wa n’anyô tôngaba ana akua gô éetso émavanga Nzambé.

I Pierre 1:14

Mônongovo g’ana ookéô ôgi apayi, anye ookéôni Nzambé. Nômbioomba éaanda tsôvé yanyô yava mbeego vamabakanye g’ôdungé.

I Pierre 2:1

Viiani ngima ésima ébévani éetso. Te diboe na enyepa éamônya na ngusu na matsuavi metso.

I Jean 2:17

Tsengene éôta te ôtaga. Na metso matsengene manyôngéô môma moota te ôtaga. Ivô ône eenda mane manyôngéô Nzambé andé na monyo agékôdéé.