I Pierre 4:18 - New Testament in Mitsogo

¹⁸ Matendeo MaNzambé matônigôa mbe: Okô mbe ébégô édagani gôndé môma amatsimamani gôéobou na Nzambé ?Tambô gôndé oma adibagaa na oma abévani éngaba nayee?

I Pierre 4:18 ပူးပေါင်းရင်းမြစ်များ

LUC TSANGO EAMOSOBA EMATENDA 15:1

Abongi adepu n’avo oma abévani amaviga na gôndé Jésus gôéôkô gamavovo angô.

LUC TSANGO EAMOSOBA EMATENDA 23:31

?Okô oma eenda mabégô mema gô géétété gédôngani angeenda nayee gô géne gémawani?

Mayanzame 14:22

Amoodeda mitémamie mianeengi aJésus. Amoongô ahngô ndongi gôésipa gô mabégô manzéa éaJésus émeetsangô mitémamie gébé na paga. Ahmeevéda ahngô mbe: N’egéengéaka g’ôkumu aNzambé ôndé g’ôba, éngaba mbe wa n’anyô tôngapanga éena maguga na gékuanô gévôni.

Mayanzame 27:24

Angô amavovo n’ami mbe: Paul, ômbieena gomo. Nzambé anyôngéô mbe éwe ôtema va mbene apene andé gô Rome. T’ebandô gônyônganéô éwe na Nzambé asangasinga éwe n’ane akea môtôô ôvo n’ewe, nôwa. Akoo angadônga te gô inoo.

Mayanzame 27:31

Paul amavovo na Julius na migodemie mbe: Okô omeaa asadigaa gô mbôngône n’asô égô, wa anyô muetso tôsangadônga.

Romains 1:18

Endé te nane. Nzambé atubéda ôpisedi ôviga g’ôba. Nzambé eena ôpisee gô ébéva éamôma na gô mabégô metso mabévani mayanza oma. Mayansa maô mabévani meebakanéda mabégô mapie mbe kabaga meenanô.

Romains 5:6

Ekegea te nane. Vamabaka wa n’anyô tôgébaka gébé na ngudi. Christ amaviga gô ndéône émasavoa Nzambé. Gô ndéône éopôpéa asô n’anyô amawa gôndé wa n’anyô abévie muetso.

Romains 5:8

Ivô Jésus-Christ amasinga éwa gôndé wa n’anyô tômabaka tôgébaka abévie. Tôéna étondo éena Nzambé gôndé wa n’anyô oma te gô éne.

I Corinthiens 10:12

T’ebandô ône atsôkéa mbe: Natemi naka môtie gésimbédu, awemé kabaga anikea ékuéa.

I Timothée 1:9

Bangôani mbe môge ôsakitsô gôndé ane adigaa na mavôma. Môge ôkitsô te gôndé abévie, na akékôie, na asi dibagaa na oma asagô na gôndé ane asaneegeda Nzambé na mabégô medi. Môge ôkitsô dôta gôndé asi mikôbé, ane ayôha kinde yaô na ane ayôha pati môma.

Hébreux 4:1

Nzambé amavanga na wa n’anyô ôvanga mbe tôngeengéa na gô tungune éngavôgima wa n’anyô n’edi. Bakani na gomo na ékéna kabaga tôsanéa ta na môvo gôéengéa gô gévôgiméôge géne.

Jacques 5:6

Nômeeséda ane asibé n’oési na nômayôha ahngô gébé n’oési. Ahngô ahsanôkina.

I Pierre 5:8

Bakani misiki Wemani. Môdudeo anyô, yabédé abégôa ga gémbungu gégunga gôébuta éngmbuguméa ône anyôngéô angô éaa. Bakani mitémamie mietso gôndé Nzambé.

II Pierre 3:7

Ivô tsina n’oba éndé n’asô n’anyô deo noo, ékeneo te n’ogi aNzambé ône ngu na ndéône éngayôédu yangô na soto. Ekeneo ngu na gô nyaa amôtsundu ôngabunzu oma abévani.

Jude 1:15

Angaviga gôétsundéda oma muetso. Angaviga gôésiséda muetso eenza angô gô mayanza maô mabévani mamakékôéa ahngô Nzambé na gô mavovia maô madiboe mamavovo eenzie gôébuanya Nzambé.