I Pierre 4:17 - New Testament in Mitsogo

¹⁷ Géyénza gébuéyi, géne gébandôa môtsundu. Oma aNzambé to angô apanga étsundédu na Nzambé. Okô môtsundu ôbandôi na wa n’anyô oma aNzambé ?ékôdéô éamôtsundue gôndé ane akina Tsangô Eamôsôba éviga gôndé Nzambé éngaba nayee?

I Pierre 4:17 ပူးပေါင်းရင်းမြစ်များ

LUC TSANGO EAMOSOBA EMATENDA 23:31

?Okô oma eenda mabégô mema gô géétété gédôngani angeenda nayee gô géne gémawani?

Romains 1:1

O te me Paul môyanzine aJésus-Christ. Nzambé amasevoa me na amakudéga me. Namatômu na Jésus gôéékéda Tsangô éedi Eamôsoba.

Romains 2:9

Maguga na panda dimootéani dingaaga gôndé abévie muetso. Mapangame te Ajuif, na va ngimane vane, te ane asaba Ajuif.

Galatie 3:1

?Ah ti anye asi Galatie nômavétsa mikambô‐a? ?Te ngangane ébômédi anye‐a? Nômani éôkô na vede mane mowa aJésus va gésumu sowa.

Galatie 5:7

Nômabandôa épénda ti n’ekenge gô nzéa éapie éaNzambé. ?One amabômédu anye indaa? ?Amavovo n’anye nayee gôékoeda anye matasame?

Galatie 6:10

T’ebandô ôkô tôndé vangô kuka yetso tôena môkasô adagéô ébégô te gôndé wa n’anyô gôémôwedéa. Tôôtéé éwedanéa wa n’anyô asi mbumu éaNzambé.

II Thessaloniciens 1:8

Asi g’ôba angavigédu na Nzambé atsiga na soto géyôani gôésiséda ane asineegede Nzambé n’ane asigobede Tsangô Eamôsôba éaKumu asô n’anyô Jésus‐Christ.

I Timothée 3:15

Eébéyée nane, ôkô nadingi éviga na gôndé éwe, gésangô gegé génganigôa éwe gatôdigaa wa n’anyô asi ebee ôtômu na Nzambé. Ebee ôtômu na Nzambé te mbumu éedi, angô Kumu amonya. Angô te éengô, môsipédine amabégô mapie.

Hébreux 11:8

Abraham ameetsa Nzambé môtémedi wetso na asitsumé môtôma aNzambé paga. Amamôgobeda gôékea na gô nyene tsenge éméétsô angô na Nzambé ga mikuanya. Abraham amatôta go tsenge éedi gémenye gô tsengene ékeangô.

Hébreux 2:2

Ogie ômatsuaô n’asi g’ôba amavigédu na Nzambé ôndé te ébégô évôni. Na oma muetso asiôkôni na asiôgobedéni ahmasisédu gômakinangô Ogie ône.

Hébreux 2:4

Nzambé ameetsa ôgie ône ényanga gômatubéda angô émbégéa éangudi yedi na mayanza masôbasôbana oma, na gômayanza angô mabégô mavôni manyônganéôni masoongôa môma ésupua. Na gôétubéda mbe ôgie ôsapata akaba ganyôngéô angô migôô miviga na Gédidi sedi.

Hébreux 3:6

Ivô Jésus‐Christ amabaka na môvinéné gô éyanzee éedi. Angô Muana, ameetsô ôtômu na Tétedi gôétôma eba aNzambé wetso. Wa n’anyô te ebedi ôkô tôsamôtsuma paga na tôétsa mitémamie gôndé ône atôténdédani.

Hébreux 5:9

Vane vamanangô ésipa, ti v’ekôdéô éasipaga, amakoga aka ébandô éagébogeo samôbô na môbô, gôndé muetso amôgobedani.

I Pierre 2:5

N’anye dôta nôndé mataé mamonyo. Weseani gôégésu n’edi gôésaô na Nzambé eba aGédidi. Te eba ômapuumani nôndé adeekedi adigondoku, asungéyi amatsimamani oma. Digondokuye dideekeda anye dindé na géneemba gôndé Nzambé gô ina aJésus‐Christ.

I Pierre 2:8

Matendeo MaNzambé matônigôa mbe: Etaé éne émakoga éka éôkana mabaku. Na éka ôbobo ônikanédana mangimangima. Angô ôpôngéda muetso asookéô ndongi yaNzambé. Te gamavanga Nzambé mbe éngaba te nane gôndé ane asookôni.