I Pierre 4:16 - New Testament in Mitsogo

¹⁶ Okô môma atubédu maguga gôébégô andé môma aJésus, nômbiôkô tsoyi ivô neegedani Nzambé gômeetsô anye ina aJésus‐Christ.

I Pierre 4:16 ပူးပေါင်းရင်းမြစ်များ

Mayanzame 11:26

Vamamôdengangô, ahmanika muetso abaé na gô Antioche. Amanana wangô môpuma amôbongo va gatse ambumu éaNzambé. Ameekéda oma ayekani. Aneengie amatetu mbe oma aChrist. Inee éne émabandôa te gô Antioche.

Mayanzame 26:28

Agrippa amabika mbe: Ewe Paul, ôsanéa ti vipesu gôékoa me môtémee gôéba môma aChrist.

Mayanzame 28:22

Ivô tônyôngéô ti pepe éôkô matasa moo. Tôsabômu mbe gô tungu yetso dimeekédu nzéa ékea éwe éne, oma eenda pégôani na meekédu manzéa nene.

Mayanzame 5:41

Ane amatômukuni amanôtôga gô eba amisoso. Amatsôkéa na gényônga gévôni mbe: Nzambé amasevoa we gôétubédu gékuanô saina aJésus.

Philippiens 1:20

Ekegea te nane. Tsoongone éami te Christ, ône eenéa me mbe angaviga. Namôenéa na môtéma agébé na gomo na gébé na tsoyi. Nandé deo noo gamabaka me na mbeego na môtéma ômasumani gébé na buétsé, ônyôngéô mbe ôkumaka aChrist ôenanô gô ôtôe wami, nawéyiee, tsawéyiee.

Philippiens 1:29

Bangôani mbe Nzambé amatôétsa ébégô évôni ôbiia, te gôéyanzéa Jésus‐Christ. Tômamôyanzéa gô minongo mibaé. Oô mônongo te gôémôétsa mitémamie gébé na paga. Oô mônongo dôta, te gôétubédu gékuanô gô inedi.

II Timothée 1:12

Maguga matubédu me, te gô éne. Buéyé nane, me tsatsuma paga ta na pesu. Me tsabômu ône ameetsa me môtémami. Namenya na gô pie mbe angô andé na ngudi yekenea éyanzee na ényangee émadeekedangô me, ngu na nyoo ôvôni.

Jacques 2:7

Te ahngô ékitie atsuava ina amôsôba eetsiô anye na Nzambé.

I Pierre 2:12

Bakani na midigédi miamisôba va gatse oma asavamba na Nzambé. Buéyé mbe g’ôsôbee waô apatéa anye mbe oma abévani, ivô ahsabômu mayanzame manyô mamisôba. Te vane vangayanza Nzambé gô mitéma miaô anganôkuméda.

I Pierre 4:11

One asabômu évovoni, anigôé akedi meekédu maNzambé. One asabômu éyanza na mogo medi ayanzé akedi gô ngudi yaNzambé. Gômbe gô mabégô metso kumane éngabata na gôndé Nzambé gô ina aJésus‐Christ. Ondômba na ôkumaka na ngudi dindé gôndé Jésus‐Christ gô môbô na môbô. Amen.

I Pierre 4:14

Tsôkéakani. Eenani gényônga ôkô môma anôtoko gôndé anye oma aChrist. Gôébégô Gédidi géndéké n’anyô te géne sondômba aNzambé.

I Pierre 4:19

Te nane, muetso ahsindéa maguga gasinga Nzambé gôndé môma na môma, ayanzéké mamisôba. Ahdeekede mitéma miaô gôndé Nzambé môvangi asô n’anyô aseeba divanga yedi.