I Pierre 4:12 - New Testament in Mitsogo

¹² Anami amôtéma, nônatsapéô gôébégô éapanda dibuéa na gôndé anye gôénôkanéga mônongo gasoto gékoa madi. Nônatasa mbe: Panda yedi diena te memuene môtévo.

I Pierre 4:12 ပူးပေါင်းရင်းမြစ်များ

I Corinthiens 10:13

Gôsaba ta gô éangô. Nzambé asavétsua ôvangee wedi gôétôkenea gô éne ékanégu wa n’anyô. Nzambé asasinga mbe éne ékanégu wa n’anyô éôtéa ngudiye dindé na wa n’anyô mbe tôkékôa éangô. Gô ndéône éngatsiga éne énganôkanégani, Nzambé anganôétsa ngudi gôésipa na gôékékôa gômbe nôsangakuéa.

I Corinthiens 3:13

Mônongo na mônongo eyanza ôngeenanô gô nyee amôtsundu ôngatsutsuu mabégô metso. Endé te nane. Nyaa amôtsundu te nyaa asoto gékanéga éyanza éamôma na môma mbe éndé na tsoongo.

II Timothée 3:12

Endé te nane. Muetso anyôngéô édigaa na égobeda Nzambé gô vitoone éndé wa n’anyô na Jésus‐Christ, angeena gékuanô.

I Pierre 2:11

Anami amôtéma, me noongô anye nôndé g’ôgenda gô tsengene. Kinani tsôvé yetso dibévani digenya na mitéma mianyô.

I Pierre 4:4

Akanyô ahndé gô mabégô mabévani deo noo ahtsapéô gôébégô nôsagésangana n’ahngô gô mane mabévani mameendanye n’ahngô va mbeego. Na ahngô ahnôbuanya.

I Pierre 5:9

Gôméani yabédé kabaga awesea na gôndé anye. Menyani mbe maguga meenanye te mane matubédu ana aTétee n’anyô gô tsengeye yetso.