I Pierre 3:8 - New Testament in Mitsogo

⁸ Te nane, anye muetso bakani n’etasevo. Bakani na tsôvé dipo. Va gatse anyô bakani n’etondo éana aTétee, asi mbumu éaNzambé. Bakani na ngeba. Sugédani anyene va mbene akanyô.

I Pierre 3:8 ပူးပေါင်းရင်းမြစ်များ

Matthieu 18:33

?Ewe ôsoongôa éena môkoo ngeba mônongovo gameena me éwe ngeba‐a?

LUC TSANGO EAMOSOBA EMATENDA 10:33

Na môsi Samarie amakiaka môtôô edi gô nzéa nene, amaviga. Ameena mômôgôô nône. Amamôena ngeba.

Mayanzame 2:1

Vamabuéa nyaa asueti éaPentecôte, muetso ane ameetsa Jésus mitémamie amakôkanganaka tungu épo.

Mayanzame 27:3

N’ongôngôe ône tômatsega gô Sidon. Julius amakenea Paul na ngeba. Amamôsingéa mbe akee gôéduka wee yedi éne ésabaké n’edi.

Mayanzame 28:7

Vabambani na tungu nene vamabaka tsaga na eba amôtômine anéngé. Angô môma okumaka, inedi Publius. Amasambanéa na we na gényônga na amakenea we pitsi ditatô.

Mayanzame 4:32

Géômbé sane ameetsa Jésus mitémamie, gémabaka étasevo na môtémovo. Ta na môma môvo amavovo mbe: Eôma éami éndéké te éamemuene. Ivô éôma éaô éetso ésibé na kumu, émagésu vavo.

Romains 12:10

Bakani n’etondo gôndé anyene gandé ana aTétee ahndé n’enyônganéô évôni. Gobedanani anyene n’anyene na gényônga.

Romains 15:5

Môvinéné asô n’anyô na ékasôga éasô n’anyô éviga gôndé Nzambé. Te mbe angô atôétsa ngudi gôédigaa na vitoo gô mbumu éaNzambé mônongovo gadigaa amuene Jésus-Christ.

I Corinthiens 1:10

Ana aTéta gô ina aKumu asô n’anyô Jésus‐Christ me nanôongô mbe: Bakani na ésinganéa gébé na tatô. Bakani n’évambevo n’etasevo gôékea nzéepo.

I Corinthiens 12:26

Gôwangô môpéndé, môtanda ôôkô pievia. Na dôta ôkô géema gévo gékumédu, na éeme éetso éndé gôétsôkéa.

Ephésiens 4:2

Bakani gébé na nyemo na gébé na dibagaa. Bibédani gôésinganéa mane maanyene n’anyene gô vitoone éndé n’anyô.

Ephésiens 4:31

Patsani gôdagôda n’anyô matasa metso na mavovia manyô manganye na pigaga, n’opisa. Nôtôgani gô mindônga na matoki. Aaganani n’ebévee éetso.

Ephésiens 4:32

Bakani n’enyônganéô na vitoo anyene n’anyene gôésingananéa anyene kokoo mônongovo gamasingéô anye na Nzambé kokoo gô ina aJésus‐Christ.

Philippiens 2:3

Gô metso mayanzanye, nômbiasinga gédidi satsaé gédigaa gôndé anye. Nômbieenda mabégôme gô nyemo gôébuta éôkanô. Ivô sugédani anyene. Buedi mbe môma na môma abé n’etasa mbe akasô ootéa avôni n’ami.

Philippiens 3:16

Buéyé mbe nane, ôkani tôweséni gô nzéane étôkéani édué.

Colosses 3:12

Nzambé amanônyôngéô na amanôsevoa mbe nôngaba omedi amôtéma na nôndéké asi mbumu éedi. T’ebandô ényepa gôndé anye gôéba na mitéma miawene mônongo. Nyepedani mônongoe wanyô atsatsee na ngeba, na tsôvé oma, na gôéba gébé na nyemo. Bakani na sekaseka, na môvinéné.

Hébreux 13:1

Nômbiatsika ényônganéôe éndé n’anye éavitoone, nôndé gô mbumu éaChrist.

Jacques 2:13

Okô mômane aseena akedi ngeba, Nzambé asangeena môma nône ngeba gô nyaa amôtsundu. Ngeba didiia te mitayi gô môtsundu.

Jacques 3:17

Ivô gôndéké éodo éviga g’ôba te éodo émagôgéani. Ene te ébégô éedi éamapanga, na éodoe éne éndé éagétabé, gébé na nyemo, gébé na tato. Te éodo émayôa na ngeba, na ékuséda go môtéma amôma ésima éamisôba. Eodoe éne ékina matasa mabévani na ésaba n’enyepa éamônya.

Jacques 5:11

Tôsabômu mbe ane ahmabibédani eena gényônga. Nômamana éôkô tsangô éaJob gamabakangô na ôbibô, na môtéma ômasumani. Nôsabômu éne émeetsô angô na Kumu v’ekôdéô. Kumu andé ti na ngeba épôni na tsôvé oma.

I Pierre 1:22

Nômagôgéda mitéma mianyô vamagobedanye mabégô mapie. Na nômadiia étondo éapie éana aTétee. Te vane nyônganéôni pepe anyene n’anyene na mitéma mianyô mietso.

I Pierre 2:17

Bakani na sekaseka gôndé oma muetso. Nyôngéoni ana aTétee n’anyô. Gobedani Nzambé na gomo. Gobedani atômie atsengene.

I Pierre 5:5

Gôndé anye nôgébaka minzambu na tômbô, ôôkéôni payi yambumu éaNzambé. Vandé anye na géengi digaakani gébé na bôpeeo. Matendeo MaNzambé matônigôa mbe: Nzambé akina asi bôpeeo. Angô eetsa mate medi gôndé ane ahndé na mavôma.

II Pierre 1:7

Va ngongo éenanama na Nzambé, kôndégani étondo éana aTétee agô mbumu éaNzambé. Va ngongo étondo éana aTétee kôndégani tsôvé oma.

I Jean 3:14

Gôndé wa n’anyô tômanôtôga g’ôwa gôéengéa gô monyo tônyôngéô ana aTéta agô mbumu éaNzambé n’etondo éapie. Géne te gémbégéa samonyoe ôndéké n’asô n’anyô. One asanyôngéô muana aTétee n’edi agébaka g’ôwa.