I Pierre 3:5 - New Testament in Mitsogo

⁵ Enyepee éne te ôatédi ambeego ômataka ageto amatsimamani ahmakôngédaka Nzambé. Ahngô ahmookéôkô omée waô.

I Pierre 3:5 ပူးပေါင်းရင်းမြစ်များ

LUC TSANGO EAMOSOBA EMATENDA 2:37

Anne amadigaa môkué gébaaô ngu na vamadômbéa angô aka nzima génana na mipuma minayi. Asinôtôgé gô eba aNzambé. Amayanzéa Nzambé na pitsi n’omanda. Amakina môyakô gôévovo na Nzambé.

Mayanzame 1:14

Ahngô muetso amakôkangana vavo kuka yetso gôévovo na Nzambé. Ahngô na agetoe, na Marie yeene aJésus na aneyee amôgôô aJésus.

Mayanzame 9:36

Gô môsenge aJoppé gômabaka g’ôtangôe aneengie môgeto inedi Tabitha. (G’ôgi aGrec te Dorcas. G’ôgi aGétsogo te Tsetsi.) Amayanza na pitsi n’omanda gôéénda akedi mabégô mamisôba, na gôéwedéa misuga.

Ephésiens 5:33

Ewanya dôta na mane manyô. Buedi mbe mômôgôô anyôngéô môgayedi ganyôngéô angô amuene. Môgeto na môgeto dôta agobede mômiedi na géneega.

I Timothée 2:10

Nanyôngéô mbe môgeto andé môgobedi aNzambé amenyanganô kaka go maduani, ivô te gô mayanza na gô môdigedi edi amôsôba.

I Timothée 2:15

Buéyé mbe nane, môgeto angoobou gômenyangô ébôta ana na gômenyangô édigaa môtémedi wetso gôndé Nzambé gémôtsumé paga. Adigaa na étondo na môdigédi ômagôgéani gébé na nyemo.

I Timothée 5:10

Otenda te ône amenyanganô gô mayanza medi mamisôba na amamenya éékéda anedi. Te ône amamenya ékenea agenda na asikiné éyanzee éagébé na tsama gôéwedéa asi mbumu éaNzambé, na amawedéa ane amaba gô maguga na ameenda mayanza mamisôba maminongo mietso.

I Timothée 5:5

One andé na gô pie môkué te ône asaba na kinde andé tsani. Na angô aténdéda mbe tsoongone yedi te gôndé Nzambé. Asadunda na pitsi n’omanda gôévovo n’edi gôémôduka mbe amôwedéa.

Hébreux 11:11

Sara asitsumé ôvangee aNzambé paga mbe angadiia ngudi gôébôta muana buéyé gamadômbéa ôtôe wedi. Na ameetsa môtémedi wetso mbe éngaba te gamavovo Nzambé.

I Pierre 1:3

Tôkumédéni Nzambé, Tétene éaKumu éasô n’anyô Jésus‐Christ. Gô ngeba yedi Nzambé amabôta wa n’anyô g’ôbôtu amôbaé gômakundua angô Jésus g’ôwa. Tsoongone éasô n’anyô ésagôgakani éndé gôndé Jésus.