I Pierre 3:22 - New Testament in Mitsogo

²² Angô amabata na g’ôba. Andé gô géeyo gémôgôô saNzambé. Gô ényangedi, asi g’ôba ayanzi aNzambé na ditômuye na ngudi yetso dindé gô tsina otômu edi.

I Pierre 3:22 ပူးပေါင်းရင်းမြစ်များ

Matthieu 22:44

Kumu Nzambé amavovo na Kumu ami mbe: Ewe digaa gô géeyo sami gémôgôô, na me nangagudaméda adudeoe woo gô tsina amakôdô moo.

Matthieu 28:18

Jésus amawesea na vandé ahngô na amanigôa ahngô mbe: Otômue wetso ava tsina na ône ag’ôba ômeetsô te me.

Marc 12:36

Amuene David amatévédu na Gédidi SaNzambé amavovo mbe: Kumu Nzambé amavovo na Kumu ami mbe: Ewe digaa gô géeyo sami gémôgôô. Na me nangagudaméda adudeoe woo Gô tsina amakôdô moo.

Marc 16:19

Vamamanangô évovo nane, Kumu Jésus amabata na g’ôba gôédigaa gô géeyo gémôgôô saNzambé.

LUC TSANGO EAMOSOBA EMATENDA 20:42

Amuene David amatenda gô miganda miedi miamimbô mbe: Kumu Nzambé amavovo na Kumu ami mbe: Ewe digaa gô géeyo sami gémôgôô.

Jean 13:32

Okô mbe ôndômbee aNzambé ôngeenanô gôndé Muana Amôma tambô na ône aMuana ôngeenanô gôndé Téta Nzambé. Ongeenanô ti n’atsatsee.

Mayanzame 1:11

Angô abaé amavovo n’aneengie mbe: ?Anye asi Galilée nôtema gôégébaméa g’ôba gôndé? Jésus ôdôô, atômbiô va gatse anyô gôékea na g’ôba, angô anganika mônongovo geeni anye angô abata.

Mayanzame 3:21

Gô ndéô nedué Jésus-Christ andé digaa g’ôba. Asanganôtôga gône ngu na vangabuéa ndéône éngakou éetso éka wene mônongo. Amuene Nzambé amatôevéda mbeego mbe éngaba te nane. Te gamavovo apandôédi amatasa medi.

Romains 8:34

?One angeeséda ane amasevouni indaa? Kaka Christ. Gôébégô te Jésus-Christ amawa, na va ngongone vane amakunduga. Na angô andé digaa gô géeyo gémôgôô saNzambé gôétôsungéa.

Romains 8:38

Me Paul tsatsuma étondoe éedi paga. Gôsaba ta n’ebégô évo éngaaganédana me na éangô, buéyé mbe ôwa, buéyé mbe monyo, buéyé n’asi g’ôba avigédu na Nzambé, vo dipo ditômu na dipo ngudi yagésa na gésa, buéyé mabégô madeo noo, na mane mavigani.

I Corinthiens 15:24

Va mbenene vane te ékôdéô éatsinane. Vane te ndéône éngabunzéda Christ manyangame metso, na ditômuye yetso na ngudiye yetso yedidie éasagô. Na Christ anganikéda ôkumue na gôndé Tétedi Nzambé.

Colosses 3:1

Nômawa na Christ na nômakunduu gôéba monyovo na Christ. Tambô butani mane mag’ôba gôdigaa Christ gô géeyo gémôgôô saNzambé.

Hébreux 1:13

Nzambé asiôngôé évovo ta na môsi g’ôba môvo môyanzi edi mbe: Digaaka éwe gô géeyo sami gémôgôô Ngu na vangatseda me adudeoe woo. Nakoa ahngô aka géyeteo samakôdô moo.

Hébreux 1:3

Jésus te gévede gévôni gétanédu n’obébayi ôtubéda ôndômba aNzambé. Gandéké Nzambé, te gandé Muanedi. Asumbéda tsina n’oba n’ogie wedi angudi. Vamamana angô égôgéda oma gô ébévee éaô amadigaa g’ôba gô géeyo gémôgôô te gésa senyanga éaNzambé, Kumu angudi yetso.

Hébreux 1:6

Ivô gô ndéône émakudéga Nzambé Muanedi akuua na gô tsina amatôma asi g’ôba mbe: Anye ayanzi ami asi g’ôba muetso neegedani Muanami.

Hébreux 10:12

Géé amuene Christ amadeekeda ôgondoku ôvo amôbô na môbô, gôénôtôa môma ébévee éedi. Vamamanangô éadeekeda amadigaa gô géeyo gémôgôô saNzambé.

Hébreux 12:2

Tôboneni misome masô n’anyô na nzôô na gôndé Jésus. Bandôa v’ebandô ngu na v’ekôdéô, mitéma miasô n’anyô mindéké te gôndé angô gébé na buétsé. Jésus amasinga mbe oma abôkédé angô va gésumu sowa na amawa te vangô. Owa ava gésumu sowa, te ôwa atsoyi. Tambô Jésus asitanganédé tsoyi nene, ivô amaténdéda gô gényôngage gémakeneo gôndé angô va mbene owa. Deo noo andé digaa g’ôba gô géeyo gémôgôô sagédigaa saNzambé sokumaka.

Hébreux 4:14

Wa n’anyô tôndé na môdeekedi adigondoku angô môsungéyi môvôni te Jésus Muana ANzambé amabuéa na va mbene amuene Nzambé. Tambô tôsipéni gô mabégôme medi matôténdédani matônigôa dôta akasô.

Hébreux 6:20

Tsongo nene éndé gô ngima amôkanda ôvôni émeengéa Jésus gôndé wa n’anyô, we madeo tôsiengédu. Amakoga môdeekedi adigondoku, môsungéyi môvôni amôbô na môbô, gamabandôa Melchisédek.

Hébreux 8:1

Vootanganôni ébégô évôni édué étônigôni. Tôndéké na môdeekedi adigondoku môsungéyi môvôni. Na angô andé digaa g’ôba gô géeyo gémôgôô sangudi va kôbangô agédigaa saNzambé sokumaka. Na amuene Nzambé te kumu angudi yetso.

Hébreux 9:24

Gôébégô Christ asiengéé gô tsongo éadisambô édigaa Nzambé émasaaô na môma mbe Christ adeekeda amuene gône. Eba ôsaa môma gôéneegeda Nzambé te makanégéda mone apie ag’ôba. Jésus ameengéa na g’ôba gôéadeekeda amuene te gôétôsungéa va mbene aNzambé deo noo.