I Pierre 3:21 - New Testament in Mitsogo

²¹ Mebame mane mamabaka gémébégéa sabateme éne éagéobogeo sasô n’anyô deo noo. Bateme, kaka gégôgédéô sevindo éotô. Ivô bateme te môma adeekeda muanga amôtémedi na gôndé Nzambé mbe amôgôgéda. Deo noo batemene yangô éoboo wa n’anyô gô ngudi yagékundugéô saJésus‐Christ.

I Pierre 3:21 ပူးပေါင်းရင်းမြစ်များ

Matthieu 28:19

Te ébandô nanôtôma mbe: Kiakani na gô tsengeye yetso. Ikédakani oma muetso gôéba aneengie ami gôékea nzéepo n’ami. Nôétsa ahngô bateme gô ina aTéta Nzambé, na Muanedi Jésus, na Gédidi sedi Sapie.

Marc 16:16

One eetsa môtémedi na eetsô bateme, te angô angoobouni. Ivô ône aseetsa môtémedi angeesédu na g’ôwa.

Jean 13:9

Simon Pierre amavovo na Jésus mbe: Okô mbe éndé nane, tambô ésangakôdéa na makôdô matévo. Kumu, ôvôa me na mogome na môtsée wetso.

Mayanzame 16:33

Na pitsi nene, môgode ône, angô môkeneyi eba atsôgôô amoovôa Paul na Silas pôtaye. Ahmeetsô bateme, angô n’asi ebedi muetso.

Mayanzame 2:38

Pierre amanigôa ahngô mbe: Koani mitéma mianyô gôéba wene mônongo oma. Buedi mbe môma na môma abatésu gô ina aJésus-Christ, gômbe ébévee éanyô ésingéô na Nzambé kokoo. Vane Nzambé anganôétsa Gédidi sedi, ôbiia.

Mayanzame 22:16

Tambô ômbiadinga. ?Oenéa ndé? Timôga. Buedi mbe ôétsô bateme na ôbambéa ina aKumu Jésus gôégôgédu ébévee éoo.

Mayanzame 8:36

Vamakeahngô anigôana gô nzéa ahmabuéa va mebame. Môsi Ethiopie amatubéda Philippe mbe: ?Oeni gévondoge? ?Ene édékéda me gôéétsô bateme éndé? [

Mayanzame 8:37

Philippe amamônigôa mbe: Okô éwe ôétsi Jésus môtémoo wetso, ôndé ngu gôéétsô bateme. Mômôgôô nône amanikéda mbe: Me namenya mbe neetsi môtémami wetso na gôndé Jésus-Christ. Tsabômu mbe angô te Muana ANzambé. Me tsamôtsuma paga.]

Romains 5:14

Eébéyée nane, ôwa ômatsôpa oma muetso bandôa n’Adam ngu na gô ndéône éaMoïse, buéyé mbe asiindé muetso éne ébévani émeenda Adam gôékina môtôma aNzambé. Adam te gégoni sone angavigani.

I Corinthiens 12:13

Na wa n’anyô muetso tôbéyee Ajuif, tôsabéyee Ajuif, tôbéyee avéga tôsabéyee avéga, tômeetsô bateme gôékanda g’ôtô ôvo gô ngudi yaGédidi gévo, te géne SaNzambé. Na wa n’anyô muetso tôdônga gô ngudi yaGédidige géne.

I Corinthiens 4:6

Ana aTéta, metso manigôa me anye éva nakanéga te na Apollos na memuene Paul gômbe anye nôngookô. Nanyôngéô mbe gô midigédi miasô, anye nookô événdégéô éatsava étôgunya mbe: Digaakani gô môgômba ômasaaô na Matendeome. Nômbieenda gameenda anye gôébatéda môékédi môvo mbe, ôdôô te ône wami, na gôésugéda môvo mbe, ône kaka wami.

II Corinthiens 1:12

Bononi éne éndéké n’asô eekédi gôényemôga na ékasôga gôndé anye. Mianga miamitéma miasô mitôtsundéda géesédé we môdigédie wasô na mônongoe wasô ônyepani va gatse ane asavamba na Nzambé na dôta va gatse anye. Tôdigaa n’oma muetso na mavôma maviga gôndé Nzambé gébé na buembe. Te éodo émeetsa Nzambé we étôtévéda nzéa, kaka éodoe ébôtu na môma.

II Corinthiens 7:1

Wee yami, ôvangee ône ômavanga Nzambé mbeego ôndé na ngudi gôndé wa n’anyô deo noo. Tambô tôbaké n’ekena gôébusuga mane mevindô kabaga tômagônga gôébévéda ôtô na gédidi gagônga môma mbéka éambii. Tôadeekedéni wa n’anyôene na gôndé Nzambé gôédigaa monyovo n’edi na gomo gôémôgobeda.

Galatie 3:27

Anye muetso nômeetsô bateme gôéba na vitoo na Jésus‐Christ nômakou wene mônongo. Na nômadeka mônongoe ôndé na amuene Jésus‐Christ, ôndéké amôsôba.

Ephésiens 5:26

Christ ameenda nane gôékoa mbumune yedi mbe éviia mane matsengene ngima gôéba môvo n’amuene Nzambé. Amamigôgéda na meba na ôgie wedi.

Colosses 2:12

Endé te nane. Gô bateme émeenôô anye, nômagunyu ngii épo na Christ, na nômakunduu gékundugéô gévo n’edi. Endé nane gôébégô nôsitsumé ngudi yaNzambé paga, dine dimakundua Jésus g’ôwa.

I Timothée 1:5

Ene ébutu gô môtômee ôngatômewe ahngô te mbe ahngadigaa gô étondo éapie. Na éangô ékusa go môtéma ômagôgéani na môtémee ôseesédu na muangee wedi. Na étondo ékusa dôta go môtémee ôsatsuma Nzambé paga.

I Timothée 6:12

Genya na ngudi ébadie éamôsôba gôédiia éne éténdéda we gébé na paga. Ombianzeegeda monyo ôsakôdéakani. Gôébégô Nzambé amabambéa éwe gôéadiia. Na ômanigôa gébé na tsoyi mane mavangani éwe na Nzambé va mbene oma ayekani agôbononi.

Hébreux 10:22

Tambô tôweséni na gôndé Nzambé na mitéma miamavôma. Na tômôétsa mitéma gébé na paga gô mabégô medi metso. Buedi mbe mitéma miasô n’anyô mibaké mimagôgéani kabaga mianga miamitéma miasô mibéva. Na buéyé na yôtô yasô n’anyô diôvôu na meba masaba na mbugé na tsengesenge.

Hébreux 11:19

Abraham asitsumé ngudi yaNzambé paga mbe: Nzambé angakundua muanami g’ôwa. Na Abraham amoomba édiia Isaac ti eembe akundugi g’ôwa.

Hébreux 13:18

Nômbiatsika évovo na Nzambé gôndé we tônônigôa mabégô mema. Wéene tôsabômu mbe tôsadigaa n’ebégô étsundédu we na mianga miamitéma miasô, mbe tôsakônza éangô. Na tônyôngéô mbe tôbaké te nane.

Hébreux 9:14

Okô mbe nzina yanyama dimaba na ngudi nane, tambô tasani ngudi diôtéani dindé gô nzina yaJésus‐Christ. Amaadeekeda amuene ôgondoku agébé n’oési. Nzina yedi digôgéda mianga miamitéma miasô n’anyô gômbe mikebanganô na ésima ébévani ésangamana ngudi yasô. Na vane tôngaba na ngudi gôéyanzéa Nzambé Kumu amonyo.

Hébreux 9:24

Gôébégô Christ asiengéé gô tsongo éadisambô édigaa Nzambé émasaaô na môma mbe Christ adeekeda amuene gône. Eba ôsaa môma gôéneegeda Nzambé te makanégéda mone apie ag’ôba. Jésus ameengéa na g’ôba gôéadeekeda amuene te gôétôsungéa va mbene aNzambé deo noo.

I Pierre 1:3

Tôkumédéni Nzambé, Tétene éaKumu éasô n’anyô Jésus‐Christ. Gô ngeba yedi Nzambé amabôta wa n’anyô g’ôbôtu amôbaé gômakundua angô Jésus g’ôwa. Tsoongone éasô n’anyô ésagôgakani éndé gôndé Jésus.

I Pierre 3:16

Aabéani ahngô na mitéma mimasumani na mitéma miegoba, n’etsimama. Bakani mbe mianga miamitéma mianyô miseeséda anye. Buta mbe ane ahsembe anye na asunda anye gô midigédi mianyô miamisôba miitsô anye na Christ angoba na tsoyi gô mavovia maô.