I Pierre 3:18 - New Testament in Mitsogo

¹⁸ Christ amuene amawa ôwa ôvo gô ébévee éetso. Angô môma amatsimamani amawa gôndé oma abévani. Oweedi ôbuéda wa n’anyô na gôndé Nzambé. Oma amayôha angô g’ôtô. Nzambé amakundua angô gô ngudi yaGédidi sedi.

I Pierre 3:18 ပူးပေါင်းရင်းမြစ်များ

Matthieu 27:19

Vamadigaa Pilate gô eba amisoso gôétsundéda ébégôé, môgayedi amakudéga angô ôgie mbe: Me na pitsi neeni panda na ndotine éeni me gôndé mômôgôô nône. Ombiakuyaméa gô ébégôe éne. Môma nône asaba n’oési.

Matthieu 27:24

Vane Pilate amatsapéô. Ameenda mbe: Me tsabadô n’ogi. Oma anguene n’anguene amabandôa étsangatsangana gôévévéa ane asibaké n’ahngô étasevo gôéyôha Jésus. Na vane Pilate amabongo meba. Amoovôa mogome va mbene oma muetso. Pilate amavovo mbe: Bongoni ébégôe. Me tsaba g’ôwee amômôgôô nône. Nômôyôhéyee, nôsamôyôhéyee, memuene Pilate nayuégi gô éne.

Jean 16:10

Angamenyeda oma ébégô éetsimama ényôngéô Nzambé te gôkea me na gôndé Téta na anye nôsangoomba éena me.

Mayanzame 22:14

Amavovo n’ami mbe: Nzambé, ône aneegedu na peeye yasô n’oo amasevoa éwe va mbeego gômbe ôngeenda éne ényôngéô angô. Na mbe ôena angô Kumu étsimama. Na dôta mbe éwe ôôkô gavovo angô gô mônyedi amuene.

Mayanzame 3:14

Anye nômatôna ône amatsimamani agébé n’oési mbe ayôhu. Nômaduka Pilate môsi môkôbé mbe anzeegedu.

Romains 1:4

Ivô gôndé Gédidi SaNzambé, tétedi te Nzambé. Vamakundugangô va gatse ane amawani, ngudi yaTétedi dimatubéda mbe Jésus te Muana ANzambé.

Romains 4:25

Nzambé ameetsa Jésus gôéwa gô mabégô masô n’anyô mabévani. Amamôkundua gôétôtsimaméda va mbene aNzambé ti eembe tôsaba n’oési.

Romains 5:2

Gô ngudi yaJésus, ône ameetsa wa n’anyô mitémamie, tôndé tômasipéduni gô nzéane éedi na tôwesea gôédiia mate maNzambé. Tsoongone éasô n’anyô étôtsôkéani te mbe tôngaba vavo n’edi g’ôndômbedi.

Romains 8:11

Nzambé amakunda Jésus g’ôwa. Okô Gédidi sedi géne gémakundua Christ g’ôwa gôéba na monyo gédigaa gô mitéma mianyô, sangô dôta génganôétsa monyo gô yôtôye yanyô disaba na ngudi.

Romains 8:3

Migemie mimatsikéô we na Moïse misibé na ngudi gôndé oma gamabôtu angô gôébégô ébéva éamitéma mioma émamiyungéda. Ene ésiôngôé mige éyanza, amuene Nzambé amayanza éangô. Amakudéga Muanedi amagono na wa n’anyô oma abévani gôétônôtôa ébévee éamitéma miasô n’anyô émabôtu na môma. Na ameeséda éangô.

II Corinthiens 1:24

We eekédie tôsabuta étindéga anye gô mabégô maNzambé mameetsanye mitémamie mbe: Indakani édué, tsikani édué. We tônôongô te ndongi ditévo gôénôkasôgéda gôébégô anye nômani ésipa gô mabégô manzéa éaNzambé mameetsanye mitémamie gébé na buétsé.

II Corinthiens 13:4

Na gô pie amakoga vipôpéa gôékomedu va gésumu sowa. Ivô deo noo andé na monyo gô ngudi yaNzambé. Gô évambevo éndé wa n’anyô na Christ, na wa n’anyô dôta te tôpôpéa. Ivô deo tôndé na monyo ovo n’edi gô ngudi yaNzambé. Te gô ngudiye yedi we eekédi tôtôma anye.

II Corinthiens 5:21

Jésus‐Christ asibaké n’ebéva ivô Nzambé amakoa angô aka môbévi gô ébévee éasô n’anyô. Wa n’anyô dôta tôsibaké n’etsimama ivô Nzambé amakoa we tôka tômatsimamédu gô étsimamee éaJésus.

Galatie 1:4

Christ amaadeekeda amuene ngu na g’ôwa gô ébévee éasô n’anyô. Te gôétôoboo na gôétôkuséda g’ôvéga ômatômuku we na tsinane éadeo noo édué éndé émayôa na mabégô mabévani. Te éne émanyôngéô Tetasô n’anyô Nzambé.

Galatie 3:13

Christ amakokou gô gévenga sasô n’anyô. T’ebandô amatôoboo na tôsaba gô tsina amôkokou amige. Matendeo MaNzambé matônigôa mbe: Môkokou ôndé gôndé môma ayôhu gô gésumu sowa.

Ephésiens 3:12

Okô mbe tôndé évambevo na Christ, na ôkô mbe tômamôétsa mitémamie gémôtsumé paga, tôndé ti kuanakue gôéwesea na va mbene aNzambé gébé na mikebanganô.

Tite 2:14

Amaadeekeda amuene gôéwa gôndé wa n’anyô, gôéyuua we gô mabégô metso mabévani na gôégôgéda we mbe tôngaba omedi, asi évambevo n’edi. Na mbe tôngaba na gényônga na môvinéné gôéénda mane mamisôba.

Hébreux 10:10

Gôébégô Jésus‐Christ amadugéda éne émanyôngéô Nzambé. Wa n’anyô tôgôgédu mabégô metso mabévani g’ôgondokue ômadeekedangô, te ôtô edi amuene kukepo gôndé muetso.

Hébreux 9:14

Okô mbe nzina yanyama dimaba na ngudi nane, tambô tasani ngudi diôtéani dindé gô nzina yaJésus‐Christ. Amaadeekeda amuene ôgondoku agébé n’oési. Nzina yedi digôgéda mianga miamitéma miasô n’anyô gômbe mikebanganô na ésima ébévani ésangamana ngudi yasô. Na vane tôngaba na ngudi gôéyanzéa Nzambé Kumu amonyo.

Hébreux 9:26

Mbe émabaka nane, Christ mbe ameengéa kuka diyekani bandôa gômakanô tsina n’oba. Menyani mbe, vamawesea ndéône mbe tsengene émabungana, Christ amatsiga kukepo gôndé muetso gôéadeekeda amuene ôgondoku gôébusua ébévee éoma muetso.

Hébreux 9:28

Te mônongovo dôta émavangô mbe Christ amaadeekeda amuene ôgondoku kukepo gôénôtôa ébévee éoma ayekani. Na angaviga kukane éamôbaé kaka gôébusua ébévee, ivo te gôéengéda gô géobogeo ane andé gôémôenéani.

Jacques 5:6

Nômeeséda ane asibé n’oési na nômayôha ahngô gébé n’oési. Ahngô ahsanôkina.

I Pierre 3:19

Gô Gédidige sangô amakea akéekéda édidie émabaka gô tsôgôô.

I Pierre 4:1

Christ ameena maguga g’ôtô, tambô n’anye dôta oodedani mitéma mianyô étasevo n’edi gôébibéda maguga. Gôébégô ône abibéda maguga g’ôtô aseena panda étsika mabégô mabévani.

I Pierre 4:6

T’ebandô Christ ameekéda Tsangô Eamôsôba gôndé oma amawani, vane vangamanahngô étsundédu na Nzambé gatsundédu muetso gô mane mameendahngô ahdônga, édidi éaô éngadiia monyo gasabômu amuene Nzambé.

I Jean 1:9

Okô tôtuba va mbene aNzambé mbe: Me te môma môbévani, na tôétséni angô mitémamie gôébégô tôsabômu mbe Nzambé te Kumu amavôma na gôndé wa n’anyô asapata, atôsingéa kokoo gô ébévee éasô n’anyô na atôgôgéda éangô.