I Pierre 3:16 - New Testament in Mitsogo

¹⁶ Aabéani ahngô na mitéma mimasumani na mitéma miegoba, n’etsimama. Bakani mbe mianga miamitéma mianyô miseeséda anye. Buta mbe ane ahsembe anye na asunda anye gô midigédi mianyô miamisôba miitsô anye na Christ angoba na tsoyi gô mavovia maô.

I Pierre 3:16 ပူးပေါင်းရင်းမြစ်များ

Matthieu 5:11

To gô gényônga géndé n’anye vatokou anye na vakuanô anye na vapatéô anye mabégô mabévani gôndé anye né’vamba n’ami.

Mayanzame 24:16

T’ebandô nagényôga gôédigaa kuanakue va mbene aNzambé na va gatse oma kabaga vatsundédu me na muanga amôtémami mbe ôeséda me.

Mayanzame 28:22

Ivô tônyôngéô ti pepe éôkô matasa moo. Tôsabômu mbe gô tungu yetso dimeekédu nzéa ékea éwe éne, oma eenda pégôani na meekédu manzéa nene.

Romains 9:1

Ene évovo me Paul tsapata. Me te môma aJésus-Christ. Muanga amôtémami ôtsundéda me memuene na ôwanyéda moonga na Gédidi SaNzambé gôétubéda me mbe tsapata.

II Corinthiens 1:12

Bononi éne éndéké n’asô eekédi gôényemôga na ékasôga gôndé anye. Mianga miamitéma miasô mitôtsundéda géesédé we môdigédie wasô na mônongoe wasô ônyepani va gatse ane asavamba na Nzambé na dôta va gatse anye. Tôdigaa n’oma muetso na mavôma maviga gôndé Nzambé gébé na buembe. Te éodo émeetsa Nzambé we étôtévéda nzéa, kaka éodoe ébôtu na môma.

II Corinthiens 4:2

Tômakina ésima éatsoyi ééndaka oma v’esooe. We eekédi tôsapatéda éyanza gôédiia oma na tôsapenganéda Mane Mavovo Nzambé. Menyani mbe we eekédi tôsupua na vede mabégô metso mapie. Tôékéda mangô te mbe meengéa gô mitéma mioma. Tôvovo mangô va mbene aNzambé.

I Timothée 1:19

Ekeeyie yoo te gômeetsewe Nzambé môtémee woo wetso gémôtsumé paga. Na te gôndé éwe gébé n’oési vatsundédu éwe na muangee amôtémoo. Avo oma amakékôa éne émeesédu ahngô na miangamie miamitémamie miaô na amamôtôga gô nzéane éaJésus étôkeani te gô éne.

I Timothée 1:5

Ene ébutu gô môtômee ôngatômewe ahngô te mbe ahngadigaa gô étondo éapie. Na éangô ékusa go môtéma ômagôgéani na môtémee ôseesédu na muangee wedi. Na étondo ékusa dôta go môtémee ôsatsuma Nzambé paga.

II Timothée 1:3

Nakuméda Nzambé gôseetsô me ôési na muangee amôtémami ôtsundéda me, vayanzéa me Nzambé gamayanzéaka peeye yami. Namôkuméda gô ndéôye dindé me gôévovo na Nzambé gôndé éwe na pitsi n’omanda gédundé.

Tite 2:8

Ikéda na mavovia mamatsimamani na gébé n’oési. Gô étsimamee éoo, adudeoe woo angasanéa na tsoyi gébé na ébégô évo gôégôeséda.

Hébreux 13:18

Nômbiatsika évovo na Nzambé gôndé we tônônigôa mabégô mema. Wéene tôsabômu mbe tôsadigaa n’ebégô étsundédu we na mianga miamitéma miasô, mbe tôsakônza éangô. Na tônyôngéô mbe tôbaké te nane.

Hébreux 9:14

Okô mbe nzina yanyama dimaba na ngudi nane, tambô tasani ngudi diôtéani dindé gô nzina yaJésus‐Christ. Amaadeekeda amuene ôgondoku agébé n’oési. Nzina yedi digôgéda mianga miamitéma miasô n’anyô gômbe mikebanganô na ésima ébévani ésangamana ngudi yasô. Na vane tôngaba na ngudi gôéyanzéa Nzambé Kumu amonyo.

I Pierre 2:12

Bakani na midigédi miamisôba va gatse oma asavamba na Nzambé. Buéyé mbe g’ôsôbee waô apatéa anye mbe oma abévani, ivô ahsabômu mayanzame manyô mamisôba. Te vane vangayanza Nzambé gô mitéma miaô anganôkuméda.

I Pierre 2:15

Nzambé anyôngéô mbe éne épatéô anye, tônani éangô n’esima éanyô éamisôba.

I Pierre 2:19

Vatubédu anye gékuanô gébé ta n’ebégô, Nzambé anganôétsa mate gôébibéda maguga vandé anye na mianga miamitéma mianyô na puu na gôndé Nzambé.

I Pierre 3:21

Mebame mane mamabaka gémébégéa sabateme éne éagéobogeo sasô n’anyô deo noo. Bateme, kaka gégôgédéô sevindo éotô. Ivô bateme te môma adeekeda muanga amôtémedi na gôndé Nzambé mbe amôgôgéda. Deo noo batemene yangô éoboo wa n’anyô gô ngudi yagékundugéô saJésus‐Christ.

I Pierre 4:4

Akanyô ahndé gô mabégô mabévani deo noo ahtsapéô gôébégô nôsagésangana n’ahngô gô mane mabévani mameendanye n’ahngô va mbeego. Na ahngô ahnôbuanya.