I Pierre 3:14 - New Testament in Mitsogo

¹⁴ Buéyé mbe nane, vangeenanye maguga gô mane meendanye mamisôba, tsôkéani. Nômbiasinga oma eetsa anye gomo na mikebanganô.

I Pierre 3:14 ပူးပေါင်းရင်းမြစ်များ

Matthieu 10:28

Nônookô oma gomo, ane andé na ngudi yeyôha ôtôe woo. Ivô ôôkôni Nzambé gomo. Te ône andé na ngudi yeyôha ôtôe na gédidige setso gô mungu asoto.

Matthieu 10:31

T’ebandô neendi mbe, nônookô gomo. Na môma, na nyoyi diyekani, te môma ootéa na tsoongo va mbene aNzambé.

Matthieu 10:39

One anyôngéô ékenea monyoe wedi amuene, angaôdimbanéda. Ivô ône adimbanéda monyo edi gô inami angaôdenga.

Matthieu 16:25

One akebangana ôwa, angô angawa. One asabusuga ôwa gô inami te angô adengi monyo.

Matthieu 19:29

Menyani mbe muetso ane atsika yeba yaô, n’anayaô, na tétee yaô na iyee yaô, n’anaô, na tsaga yaô, atsika yangô gô inami angootéa édiia gô mbene. Gô éôma éetso ématsikangô, gô gévo angakôndégu môkama, môkama. Na dôta angaba na monyo ôsakôdéakani.

Marc 10:29

Jésus amaabéa ahngô mbe: Nanôbeenda na gô pie mbe ône atsika ebedi na anayeedi na yeedi na tétedi, n’anedi, na tsaga yedi, atsika éangô gô inami na gô Tsangône Eamôsôba édué,

Marc 8:35

One akebangana ôwa angô angawa. One asabusuga ôwa gô inami na gô Tsangô Eami Eamôsôba andé na monyo.

Jean 14:1

Jésus amavovo n’angeengi edi mbe: Nômbiaba na mikebanganô gô mitéma mianyô. Itsani Nzambé mitéma mianyô. Vane itsani na me miangô.

Jean 14:27

Me nakeyi. Ene étsikéa me anye te gétabé sami mbe géngaba gô mitéma mianyô mbe nôngaba na mitéma mimasumani. Géne sami gétsikéa me anye gésagono na géne satsenge nedué. Nombiaba na mikebanganô gô mitéma mianyô.

Mayanzame 9:16

Memuene nangamôtubéda éetso éngeenangô maguga gô inami.

II Corinthiens 12:10

T’ebandô natsôkéa ôpôpée wami, na matokime maakasô na pandaye n’ekuanôe éetso, na magugame metso meena me gôndé me môsi Jésus‐Christ. Vandéké me vipôpéa te gaka me na ngudi.

Philippiens 1:29

Bangôani mbe Nzambé amatôétsa ébégô évôni ôbiia, te gôéyanzéa Jésus‐Christ. Tômamôyanzéa gô minongo mibaé. Oô mônongo te gôémôétsa mitémamie gébé na paga. Oô mônongo dôta, te gôétubédu gékuanô gô inedi.

Jacques 1:12

One asipa n’obibo gô éne ékanégu angô atsôkéké. Gôébégô gôbibédi angô adiia monyo. Monyo ône te môsenda ômamema Nzambé mbe: Gôndé anye nônyôngéô me nôngadiia angô.

Jacques 5:11

Tôsabômu mbe ane ahmabibédani eena gényônga. Nômamana éôkô tsangô éaJob gamabakangô na ôbibô, na môtéma ômasumani. Nôsabômu éne émeetsô angô na Kumu v’ekôdéô. Kumu andé ti na ngeba épôni na tsôvé oma.

I Pierre 3:6

Te gamabaka Sara amookéôkô mômiedi Abraham. Na amamôtetaka mbe: Kumu ami. Anye deo noo nôndéké anageto aSara ôkô nôénda mabégô mamisôba gébé na tsoyi na gébé na gomo.