I Pierre 3:11 - New Testament in Mitsogo

¹¹ Te buedi mbe môma nône aviié mabégô mabévani ngima, ayanzé mane mamisôba. Abéngé gétabé. Adigéé gô sangô.

I Pierre 3:11 ပူးပေါင်းရင်းမြစ်များ

Matthieu 5:45

Te gô mônongoe ône nôngatubéda mbe anye te ana aTétanyô ône andé g’ôba. Nzambé atsigéda kômbéne gôndé oma abévani na gôndé oma amisôba. Nzambé anyogeda mbuua gôndé ane amôgobedani na gôndé ane asamôgobedani.

Matthieu 5:9

Ti gô gényônga géndé n’anye nôndé na mitéma mimasumani, nôsuméda dôta na gétabé akanyô mitéma. Nzambé anôénda mbe: Anami.

Matthieu 6:13

Vakanégu we gôéénda mabégô mabévani, ômbiatsika we. [Ivô ooboo we tônôtôga gô ngudi yaSatan. Gôébégô ôkumu na ngudi na géneega éndé n’éwe môbô na môbô. Amen.]

Marc 14:7

Misugamie mindéké n’anyô pitsi yetso. Kuka yetso nôndé na ngudi yeendéa ahngô mamisôba. Géé me tsangaba n’anyô pitsi diyekani.

LUC TSANGO EAMOSOBA EMATENDA 1:79

Gévedege géne géngapatsa évitsi gôndé ane adigaa gô tsina éangô na gô tsina otômu owa. Te gévedege sangô gétévéda makôdôme masô n’anyô gôékea gô nzéa éagétabé.

LUC TSANGO EAMOSOBA EMATENDA 6:35

Géé anye, nyôngéôni ane anôduduni. Indani ahngô mamisôba. Sombedani ahngô gébé n’etasa mbe nôngavanéô. Vane nôngeetsô na Nzambé môsenda ôvôni na nôngamenyanganô mbe ana aNzambé ône andé Kumu angudi yetso. Gôébégô amuene Nzambé eenda mamisôba gôndé ane abévani na asamôkumédani.

LUC TSANGO EAMOSOBA EMATENDA 6:9

Vane Jésus amavovo mbe: Me nanôévôa mbe: ?Nyee edunda na gôéyanza mamisôba na gôéyanza mabévani, éne éabuedi yééni? ?Na gôédôngéda môma na gôéyôha môma, éne éabuedi yééni?

Jean 17:15

Me nagôduka mbe, kenea angô andé amasetu na ône môbévani.

Romains 12:18

Gô gésa sanyô, ôkô mbe nôngoongôa, digaani n’oma muetso na gétabé.

Romains 14:17

Okumu aNzambé ôsangono na môyakô na meba. Oôtéa mane. Mabégô mokumu aNzambé te metsimama, na magétabé, na magényonga meetsa Gédidi SaNzambé.

Romains 14:19

Tôéndékéni éne éndé kuanakue, buta mbe tôdigaa na gétabé na vitoo gôésipanédana gô mbumu éaNzambé.

Romains 5:1

Endé te nane. Wa n’anyô tômeetsa Jésus mitéma miasô n’anyô gémôtsumé paga, tôenanô na Nzambé ti eembe tôsaba n’oési. Na tôdigaa n’edi na gétabé gô ngudi yaKumu Jésus-Christ.

Romains 7:19

Tsoongôa éénda mane mamisôba manyôngéô me, ivô neenda te mane mabévani masanyôngéô me éénda.

Romains 7:21

Gô môtémami gôndéké ébégô éagéndégégé édékéda me gôékina éénda mane mamisôba mbe neendaka te mane mabévani.

Romains 8:6

Mikebanganô miamane manyima ôtô mikeda môma na g’ôwa. Ivô gékéneo samane manyôngéô Gedidi SaNzambé gétôétsa monyo na gétabé.

Galatie 5:22

Tambô gabôta géétété samôsôba miônda miedi miamisôba, mônongovo gaGédidi SaNzambé gébôta gô môtéma amôma ésima éedi éamisôba. Gébôta t’etondo, na gényônga, gétabé, ôbibô, tsôvé oma, ngeba, mavôma,

Galatie 6:10

T’ebandô ôkô tôndé vangô kuka yetso tôena môkasô adagéô ébégô te gôndé wa n’anyô gôémôwedéa. Tôôtéé éwedanéa wa n’anyô asi mbumu éaNzambé.

Colosses 3:15

Singani mbe gétabé saJésus‐Christ génôsuméda mitéma. Nzambé amanôbambéa gôévamba gavamba éemé éotô ôvo mbe nôbé na gétabége sedi géne. Kumédani angô.

I Timothée 6:18

Oongô angô ndongi mbe ééndéké mayanza mamisôba na asatanganéda ôkiti ômasuégangô gô gégaa. Atanganédé te ône ômakabangô na gényônga gôéwedéa akaô mbe ône ôndé na tsoongo. Na oombéké ékaba gébé na ninga.

Hébreux 12:14

Gényôngani gôédigaa na gétabé n’oma muetso na gôéba na môdigédi ônyôngéô Nzambé. Okô nôsidigaa ganyôngéô Nzambé, akanyô mbe asangeena Kumu Jésus gô mônongoe wanyô.

Hébreux 13:16

Nômbieeba gôéwedanéa na gôékabanéa anyene n’anyene éne éndé n’anye. Oô te mônongoe adigondoku ônyôngéô Nzambé.

Jacques 4:17

One asabômu éénda mane mamisôba ivô aseenda mangô, angô eenda mane mabévani.

I Pierre 3:12

Gôébégô miso maKumu mandéké gôndé ane amatsimamani. Na matô medi mookô disambô yaô. Ivô gédimô saKumu gégengôgéa ane ahndé na kéé.

III Jean 1:11

Omami amôtéma tsikani éénda tsingayi gô mane mabévani. Indakani tsingayi gô mane mamisôba. One eenda mane mamisôba kuka yetso, angô te môvo na Nzambé. One eenda mane mabévani miso medi masabono gôndé Nzambé.