I Pierre 2:9 - New Testament in Mitsogo

⁹ Ivô gôndé anye ésaba nane. Anye nôndé éongo émasevou na Nzambé mbe nôngaba adeekedi adigondoku okumaka. Anye nôndé gébandô gématsimamani. Nôndé oma amoobou na Nzambé. Amasevoa anye gôébeenda mayanza medi mamatsimamani. Amakuséda anye gô évitsi mbe nôengéa na gô gévede sedi gématsimamani.

I Pierre 2:9 ပူးပေါင်းရင်းမြစ်များ

Matthieu 4:16

Asi tsengeye dine amadigaaka gô tsina evitsi, Ameena gévede gévôni. Gévedege gévoni gématsiga gôndé ane Ahmadigaaka gô évitsi éowa na gô tsina otômu owa.

Matthieu 5:16

Tanédani gévede sanyô gôndé oma na vangeenahngô mayanza manyô mamisôba, angakuméda Tétanyô ône andé g’ôba.

LUC TSANGO EAMOSOBA EMATENDA 1:79

Gévedege géne géngapatsa évitsi gôndé ane adigaa gô tsina éangô na gô tsina otômu owa. Te gévedege sangô gétévéda makôdôme masô n’anyô gôékea gô nzéa éagétabé.

Jean 17:19

Me naadeekeda memuene na gôndé éwe, te gôndé ahngô, gômbe ahngô dôta angaadeekeda anguene na gôndé éwe, Kumu amabégô mapie.

Mayanzame 20:28

Bakani misiki gôéwema mitéma mianyô. Gandé môkeneyi akenea ôbuee wedi, mônongovo anye keneani asi mbumu éaNzambé. Gôébégô Gédidi SaNzambé géétsa anye ényanga éamôkeneyi. Bôngôani mbumu éaNzambé. Te éne émavana Jésus na nzina yedi.

Mayanzame 26:18

Nakudéga éwe na gôndé ahngô te mbe ôapôéda misome. Na mbe ôngaakuséda gô évitsie éndé ahngô gôéengéda ahngô na gô gévede sami. Na mbe ôngaayuua g’ôtômu aSatan ôdigaahngô gôéadeekeda na gôndé Nzambé. Vane vangeetsahngô me mitémamie gébé na paga, angasingéô kokoo gô ébévee éaô. Angeetsô gétungu saô gémakônzu angô va gatse oma aNzambé.

Mayanzame 26:28

Agrippa amabika mbe: Ewe Paul, ôsanéa ti vipesu gôékoa me môtémee gôéba môma aChrist.

Romains 9:24

Endé te nane. Wa n’anyô tôndéké tômbambéôni, kaka Ajuif atévo buéyé n’ane asaba gô éongo éAjuif.

I Corinthiens 3:17

Menyani mbe ôkô môma abunzéda ebee aNzambé ône, na Nzambé angamôbunza. Gôébégô eba aNzambé ôndé ômatsimamani na te anye nôndéké ebedi.

Ephésiens 1:14

Gédidi sedi te môkodi ôkata Nzambé wa n’anyô gôétôbangôéda môkuanya asô n’anyô omedi ômatôtsikéô gô géôbogeo. Nzambé atôsuméda mitémami mbe: Nômbiaba na mikebanganô gô môkuanya. Nôngadiia angô vangakôdéda me éyanza éami éetso. Tambô tôkumédéni ôndômbee aNzambé.

Ephésiens 1:6

Tambô tôkumédéni Nzambé gô ngeba yedi disaba n’okana na dimootéani, dimeena angô wa n’anyô gébé na ninge, gô ngudi yaJésus Muanedi amôtéma.

Ephésiens 3:21

Te mbe asi mbumu éaNzambé akumédé angô gô ina aJésus‐Christ môbô na môbô. Amen.

Philippiens 3:14

Te gakea me pita gôébuéa v’ekôdéô buta mbe nadiia g’ôba éne éamôsôba émakônzéô me na Nzambé ône amabambéa me gô ngudi yaJésus‐Christ.

Colosses 1:13

Endé te nane. Amatôwata g’ôvéga ômatômuku we n’evitsi. Amatôengéda gôétômu na Jésus Muanedi amôtéma.

II Timothée 1:9

One amooboo we na amabambéa we gôékoga omedi amatsimamani te Amuene Nzambé. Asatôoboo gô ngudi yamayanza masô n’anyô mamisôba. Atôoboo te gamatasa amuene mbe: Neendé te nane. Amatôoboo te ti gô ngeba yedi. V’ebandô na kaa, amatôena ngeba gô ina aJésus‐Christ.

Tite 2:14

Amaadeekeda amuene gôéwa gôndé wa n’anyô, gôéyuua we gô mabégô metso mabévani na gôégôgéda we mbe tôngaba omedi, asi évambevo n’edi. Na mbe tôngaba na gényônga na môvinéné gôéénda mane mamisôba.

I Pierre 1:2

Anye madeo nôsibôtu nômasevou na Téta Nzambé gamavanganô mbe eenda te nane. Nzambé amakoa anye omedi gô ngudi yaGédidi sedi gômbe anye nôngagobeda Jésus‐Christ. Te nzina yedi dimeetama gôndé oma muetso digôgéda anye mitéma. Te mbe mate maNzambé na gétabé sedi géyekegee gôndé anye.

I Pierre 2:5

N’anye dôta nôndé mataé mamonyo. Weseani gôégésu n’edi gôésaô na Nzambé eba aGédidi. Te eba ômapuumani nôndé adeekedi adigondoku, asungéyi amatsimamani oma. Digondokuye dideekeda anye dindé na géneemba gôndé Nzambé gô ina aJésus‐Christ.

I Pierre 4:11

One asabômu évovoni, anigôé akedi meekédu maNzambé. One asabômu éyanza na mogo medi ayanzé akedi gô ngudi yaNzambé. Gômbe gô mabégô metso kumane éngabata na gôndé Nzambé gô ina aJésus‐Christ. Ondômba na ôkumaka na ngudi dindé gôndé Jésus‐Christ gô môbô na môbô. Amen.

Gétsutsuéô 1:6

Wa n’anyô tôengédu gô géômbé s’okumu edi tôka te asungéyi oma va mbene aTéta Nzambé. Tôétsa Jésus‐Christ ékasôga na émbô mbe: Ondômbee na ôkumakee wetso ôbaké gôndé angô na ngudiye yetso dibaké gôndé angô môbô na môbo. Amen.

Gétsutsuéô 20:6

Ti gô gényônga géndé n’anye nôndé nômatsimamédu na Nzambé nôngaba gô géômbé sane angapanga ékundugani g’ôwa. Owa amôbaé ôsaba na ngudi gôndé anye. Nôngaba asungéyi oma va mbene aNzambé gô ina aJésus‐Christ. Nôngaba n’otômu ôvô ôvôni na Christ gôétôma tsinane gô môtônisa amipuma.

Gétsutsuéô 5:10

Omakoa ahngô aka ti asungéyi oma va mbene aNzambé gôéyanzéa Nzambé asô. Te angô angatômaka gô tsina.