I Pierre 2:5 - New Testament in Mitsogo

⁵ N’anye dôta nôndé mataé mamonyo. Weseani gôégésu n’edi gôésaô na Nzambé eba aGédidi. Te eba ômapuumani nôndé adeekedi adigondoku, asungéyi amatsimamani oma. Digondokuye dideekeda anye dindé na géneemba gôndé Nzambé gô ina aJésus‐Christ.

I Pierre 2:5 ပူးပေါင်းရင်းမြစ်များ

Romains 12:1

Ana aTétee nanôduka mbe: Itsani anyene na gôndé Nzambé. Mbe yôtô yanyô dibaké ga digondoku didôngani dideekedu na gôndé Nzambé asakina yangô. Gô éne émayanzéa Nzambé wa n’anyô gô ngeba yedi, tônikédé éneegeda angô na yôtôye yasô n’anyô.

Romains 15:16

Amasevoa me gôéba môyanzi aJésus-Christ gôndé ane asaba Ajuif. Eyanzee éami te gôénigôa ane asaba Ajuif Tsangô Eamôsôba émaviga gôndé Nzambé. Nayanza gameenda môdeekedi adigondoku. Nadeekeda ane asaba Ajuif ôbiia na gôndé Nzambé. Gô ngudi yaGédidi sedi, Nzambé asinga ôgondokue ône.

I Corinthiens 3:16

Anye nôsabômu mbe anye te eba aNzambé. Gédidi sedi gédigaa gô mitéma mianyô.

I Corinthiens 3:9

Gô tsaga éaNzambé we eekédi tôyanza évévé. Anye asi mbumu éaNzambé te tsaga éaNzambé éyanza we eekédi. N’anye nôndéké dôta te eba ôsaa Nzambé.

I Corinthiens 6:19

?Anye madeo nôsiôkô mbe yôtô yasô n’anyô te yeba yaGédidi SaNzambé‐a? Sangô te géne gémeetsô wa n’anyô na Nzambé gédigaa gô mitéma miasô n’anyô. Yôtôye yasô n’anyô kaka yawa n’anyôene.

II Corinthiens 6:16

?Eba ôkumédu Nzambé ôngavamba na mbumba ditoko Nzambé nayee? Gôébégô wa n’anyô tôndéké eba aNzambé ône ôdôngani. Amuene Nzambé amavovo mbe: Nandé n’ebami, nadigaa va gatse omami. Me te Nzambé éaô, ahngô dôta te anami.

Galatie 6:10

T’ebandô ôkô tôndé vangô kuka yetso tôena môkasô adagéô ébégô te gôndé wa n’anyô gôémôwedéa. Tôôtéé éwedanéa wa n’anyô asi mbumu éaNzambé.

Philippiens 1:11

Osambôe wami te mbe mônongoe wanyô ôbaké ga géétété samôsôba gébôta miônda miedi miamisôba. Te mbe Jésus‐Christ, ône andé gô mitéma mianyô atsigédé ésimee éedi éamisôba gô môdigédie wanyô. Vane Nzambé angakumédu na géneegage setso.

Philippiens 2:17

Veetsanye Nzambé mitéma mianyô gémôtsumé paga, te gandé ôgondoku ômôdeekeda me. Mavooe me nangakôndéga monyoe wami na nzinaye yami mbe éngeetama va ngongo ogondokue ône va mbene aNzambé. Okô mbe ébé nane, anye gésanganani gôétsôkéa gényônga gévo n’ami.

Philippiens 4:18

Menyani mbe namani édiia te éetso émakudéganye ne éndé éetso émadugani. Vavigi Epaphrodite n’atsatsee na éne émeetsanye ôbiia, tsabutadô sôma. Mane meetsanye ôbiia, magono na ôgondoku ôbékuni. Mbôngane éedi éamôsôba ébutima na gôndé Nzambé éétsa angô môgangu. Ogondokue wanyô ôsingéô na Nzambé.

Colosses 3:17

Gô metso meendanye, buéyé mbe mavovia, buéyé mbe mayanza, indani mangô gô ina aKumu Jésus. Gô inedi nôkuméda Tétasô n’anyô Nzambé.

I Timothée 3:15

Eébéyée nane, ôkô nadingi éviga na gôndé éwe, gésangô gegé génganigôa éwe gatôdigaa wa n’anyô asi ebee ôtômu na Nzambé. Ebee ôtômu na Nzambé te mbumu éedi, angô Kumu amonya. Angô te éengô, môsipédine amabégô mapie.

Hébreux 3:6

Ivô Jésus‐Christ amabaka na môvinéné gô éyanzee éedi. Angô Muana, ameetsô ôtômu na Tétedi gôétôma eba aNzambé wetso. Wa n’anyô te ebedi ôkô tôsamôtsuma paga na tôétsa mitémamie gôndé ône atôténdédani.

I Pierre 2:9

Ivô gôndé anye ésaba nane. Anye nôndé éongo émasevou na Nzambé mbe nôngaba adeekedi adigondoku okumaka. Anye nôndé gébandô gématsimamani. Nôndé oma amoobou na Nzambé. Amasevoa anye gôébeenda mayanza medi mamatsimamani. Amakuséda anye gô évitsi mbe nôengéa na gô gévede sedi gématsimamani.

I Pierre 4:11

One asabômu évovoni, anigôé akedi meekédu maNzambé. One asabômu éyanza na mogo medi ayanzé akedi gô ngudi yaNzambé. Gômbe gô mabégô metso kumane éngabata na gôndé Nzambé gô ina aJésus‐Christ. Ondômba na ôkumaka na ngudi dindé gôndé Jésus‐Christ gô môbô na môbô. Amen.

I Pierre 4:17

Géyénza gébuéyi, géne gébandôa môtsundu. Oma aNzambé to angô apanga étsundédu na Nzambé. Okô môtsundu ôbandôi na wa n’anyô oma aNzambé ?ékôdéô éamôtsundue gôndé ane akina Tsangô Eamôsôba éviga gôndé Nzambé éngaba nayee?

Gétsutsuéô 1:6

Wa n’anyô tôengédu gô géômbé s’okumu edi tôka te asungéyi oma va mbene aTéta Nzambé. Tôétsa Jésus‐Christ ékasôga na émbô mbe: Ondômbee na ôkumakee wetso ôbaké gôndé angô na ngudiye yetso dibaké gôndé angô môbô na môbo. Amen.

Gétsutsuéô 20:6

Ti gô gényônga géndé n’anye nôndé nômatsimamédu na Nzambé nôngaba gô géômbé sane angapanga ékundugani g’ôwa. Owa amôbaé ôsaba na ngudi gôndé anye. Nôngaba asungéyi oma va mbene aNzambé gô ina aJésus‐Christ. Nôngaba n’otômu ôvô ôvôni na Christ gôétôma tsinane gô môtônisa amipuma.

Gétsutsuéô 3:12

Gôndé ône adiiani gô ébadie angaba éengô ésipa ebee wetso aNzambé éami, n’angô asangakusa wangô. Nangatenda g’ôtô edi ina aNzambé éasô n’edi na ina amôsenge aNzambé. Môsenge ône te nyene Jérusalem atsatsee ôndé va kôbangô amuene Nzambé na ôngasuma g’ôba. Nangatenda g’ôtô edi dôta inami éatsatsee éndé n’ami.

Gétsutsuéô 5:10

Omakoa ahngô aka ti asungéyi oma va mbene aNzambé gôéyanzéa Nzambé asô. Te angô angatômaka gô tsina.