I Pierre 2:24 - New Testament in Mitsogo

²⁴ Angô amatsua ébévee éasô n’anyô g’ôtô edi va gésumu sowa gômbe tôngagono na nzumbi géyanzédô mabévani. Ivô tôngaba na monyo gôéyanza étsimama. Gô ngudi yapôta yedi, anye nômadôngédu.

I Pierre 2:24 ပူးပေါင်းရင်းမြစ်များ

Matthieu 27:26

Vane Pilate g’ôtômue enyangee yedi ameenda migodemie mbe: Nôbita Jésus na mibitô. Na Pilate amadeekeda géômbége Barabbas na Jésus. Barabbas amanzeegedu. Jésus amakomedu gô gésumu sowa.

Matthieu 5:20

Me nanôbeenda na gô pie mbe gôndé anye gôéengéa g’ôkumu aNzambé, géndégégéé, buétsé te nôgobeda éne ényôngéô Nzambé, éôtéa égobeda na éne éApharisien n’anigôi amige miaNzambé.

Matthieu 8:17

Vane mabégôme mamavovo Esaïe môpandôédi amatasa maNzambé mameenanô. Esaïe amavovo mbe: Amabongo dipôpéa yasô. Na amanôtôa mabeea masô.

Marc 15:15

Gôévooto géômbége, Pilate amakusédéa ahngô Barabbas. Na amabitéda Jésus. Ameetsa angô na gôndé migodemie mbe ahngamôkomeda va gésumu géyôhu oma.

LUC TSANGO EAMOSOBA EMATENDA 4:18

Gédidi SaKumu Nzambé géndéké gôndé me. Amasevôa me gôétsua Tsangône yedi Eamôsôba na gôndé misuga. Amatôma me gôédôngéda mitéma mindé gô panda. Amatôma me gôénigôa géobogeo sedi na gôndé asi tsôgôô. Amatôma me gôépôéda miso masi pogu, ôbiia. Amatôma me gôénzeegeda ane andé gô tsina otômu akumu édagani.

Jean 1:29

Ovo enyaa Jean ameena Jésus aviga na gôndé angô na amapandôéda mbe: Nôeni, ôdôô te môpaga endombo ômakudéga Nzambé gôéba ôgondoku gôéyôhu mbe anganôtôa ébévee éamitéma mioma muetso ava tsina.

Jean 19:1

Vane Pilate amatôma migode gôébongo Jésus na gôémôbita na mibitô mievongo.

Mayanzame 10:35

Môma te môma, éongo te éongo, ôkô môma ookô Nzambé gomo na éénda éne ényôngéô amuene Nzambé, angô anyônganéô na Nzambé.

Mayanzame 10:39

We avo tôndé mbangi éametso mamayanza Jésus gô tsenge édigaa Ajuif na gô Jérusalem. Amamôbôkéda va gésumu sowa gôémôyôha.

Mayanzame 13:29

Na vamadugédahngô metso mamatendu gôndé Jésus na mbeego, ahmamôpotoo gô gésumuge. Amamôgunya gô ngii.

Mayanzame 5:30

Nzambé ône amaneegedu na peeye yasô n’anyô na mbeego, amanikéa éétsa Jésus monyo, ône amakomeda anye va gésumu sowa gôémôyôhéda.

Romains 6:11

Gôndé wa n’anyô te mônongovo. Tôndéké ga nzumbi ésatômuku na mabégô mabévani. Ivô tôndé misiki na monyo gôédigaa gôndé Nzambé na monyovo na Jésus-Christ.

Romains 6:13

Nômbiadeekeda éeme éayôtô yanyô gôéyanza mabégô mabévani. Kabaga kumu éebéva ayanza na éangô gô mane medi mabévani. Ivô deekedani anyene na gôndé Nzambé, anye nômakunduga g’ôwa gôéba n’edi monyovo. Itsani anyene gôéyanzéa Nzambé gômbe amuene angayanza na éeme éanyô éne ényôngéô angô.

Romains 6:16

?Tambô anye nôsamenya mbe nôndé na ngudi yesevoa kumune ényôngéô anye, ône angayanzéa anye-a? Okô nôsevoa mabégô mabévani gôégobeda mangô, manganôétsa ôwa. Okô nôsevoa ôgi aNzambé gôégobeda angô, ônganôtsimaméda gôéba gébé n’oési va mbene aNzambé. Nôngaba avéga akumune éngagobedanye.

Romains 6:2

Géndégégé. Tômani éwa gô mane mabévani. ?Tôngoomba éyanza gô mangô nayee?

Romains 6:22

Ivô ndéô nedué nôndé nômoobou gô mabégô mabévani. Na nôndé avéga akôô aJésus gôéyanzéa Nzambé. Tsoongone yanyô te môdigédi ômagôgéani ônyôngéô Nzambé. V’ékôdéôe angô te monyo ôsakôdéakani.

Romains 6:7

Nzumbi asatômukudô na mabégô mabévani. Endé émanzeegedu na mangô.

Romains 7:6

Ivô ndéô nedué, tôsabadô gô tsina otômu amige miaNzambé. Gôébégô tômani éwa na tômatsika éne émakataka we ga tôndé gô tsôgôô. T’ebandô tôyanzéa Nzambé wene mônongo. N’atsatsee tôyanza gô tsina otômu aGédidi sedi. Géé mbeego tômayanza gô tsina otômu amige miedi mimatenduni.

I Corinthiens 15:3

Namanôékéda bandôa v’ebandô mabégôme mavôni mameetsô me. Nameekéda anye mbe Jésus‐Christ amawa gô ébéva éasô n’anyô te gamatôévédu na Matendeo MaNzambé.

II Corinthiens 6:17

Te gamavovo Kumu Nzambé mbe: Anye omami, nôtôgani aaganani n’ahngô Nômbiabanda ta na bandaga, mane maô mevindô Me nanganôwanyéda omami na gényônga.

Galatie 3:13

Christ amakokou gô gévenga sasô n’anyô. T’ebandô amatôoboo na tôsaba gô tsina amôkokou amige. Matendeo MaNzambé matônigôa mbe: Môkokou ôndé gôndé môma ayôhu gô gésumu sowa.

Ephésiens 5:9

Va tungune éndé gévede veenanô ésima éetso éamisôba, n’etsimama, na mabégô metso mapie.

Philippiens 1:11

Osambôe wami te mbe mônongoe wanyô ôbaké ga géétété samôsôba gébôta miônda miedi miamisôba. Te mbe Jésus‐Christ, ône andé gô mitéma mianyô atsigédé ésimee éedi éamisôba gô môdigédie wanyô. Vane Nzambé angakumédu na géneegage setso.

Colosses 2:14

Nzambé amabusua matendeo mamôtsundue ômasiisédu wa n’anyô. Tômeetsô môtsundue ône ômatenduni gôsikenee wa n’anyô mige na mitôma miaNzambé. Amabôkéda matendeome mane va gésumu sowa gôébusua mangô.

Colosses 2:20

Gômeetsanye Christ mitéma mianyô mietso nôndé ti nômawa gô matasame na mônongoe atsengene na nôsaba g’ôtômue waô. ?Nôngoomba édigaa gadigaa oma agétômuku na mane matsengene nayee? ?Nôsinga oma anônikéa étsôpa g’ôvéga gôétômu na mige miatsengene nayee?

Colosses 3:3

Gô mane matsengene nôndé nômawani. Monyoe wanyô ôndé ômakuégu n’one aChrist gétungu gévo gôndé Nzambé.

Hébreux 10:10

Gôébégô Jésus‐Christ amadugéda éne émanyôngéô Nzambé. Wa n’anyô tôgôgédu mabégô metso mabévani g’ôgondokue ômadeekedangô, te ôtô edi amuene kukepo gôndé muetso.

Hébreux 10:5

T’ebandô gô ndéône émabaka Jésus mbe aviga na gô tsina, amavovo na Nzambé mbe: Ewe ôsabuta éétsô ôgondoku, na ôsabuta éétsô ôbiia. Ivô ômakônzéa me ôtô.

Hébreux 12:13

Oombakani ékea gô nzéaye dindé na deedéké gômbe makôdôme manyô meekonzo masangakobo, ivô mbe mangadôngédu.

Hébreux 7:26

Jésus te môdeekedi môvôni adigondoku. Mbeka angô, wa n’anyô oma mbe tôsaba na tsoongo. Andé n’etsimama éetso. Asaba n’ebéva. Asaba na ébégô ébévani ta n’evo. Amaaganédu n’oma abévani gôétômbu na gô ngongo gômadigédu angô.

Hébreux 9:28

Te mônongovo dôta émavangô mbe Christ amaadeekeda amuene ôgondoku kukepo gôénôtôa ébévee éoma ayekani. Na angaviga kukane éamôbaé kaka gôébusua ébévee, ivo te gôéengéda gô géobogeo ane andé gôémôenéani.

Jacques 5:16

Tubéni mabégô manyô mabévani gôndé anyene n’anyene. Dukani Nzambé gôndé anyene n’anyene gômbe anye nôngadôngédu. Osambô ôndé na ngudi dipôni te ône amôvinéné ômasambéda môma eenanô na Nzambé ti eembe asaba n’oési.

I Jean 2:29

Nôsabômu mbe Christ te Kumu éetsimama. Na vane nôsabômu dôta mbe ône eenda étsimama andé muana aNzambé ag’ôbôtu.

I Jean 3:7

Anami nômbiasinga môma abômédu anye. One eenda mane meetsimama andéké môsi mbumu éaNzambé amatsimamani.

Gétsutsuéô 22:2

Mbéne éôta va gatse éanzéane éamôsenge. Va kôbangô ambéne na gésa na gésa te géétété géétsa monyo gébôta miônda miedi gô géma gévo nzima akuka na kuka dibaé. Gébôta gô ngonde na ngonde kukepo. Na yabi yedi te mbôga édôngéda asi tsengeye yetso.