I Pierre 2:21 - New Testament in Mitsogo

²¹ Anye nômabambéô na Nzambé gôébibéda ékuanô. T’ebandô Christ amabibéda ékuanô gô gévénga sanyô. Amatubéda nane gômbe anye nôngamôaanda gô matambé medi gôésindéa maguga mamasindéa angô.

I Pierre 2:21 ပူးပေါင်းရင်းမြစ်များ

Matthieu 10:38

One asatsua gésumuge sedi sowa na akea nzéepo n’ami, angô asangatetu mbe, mômami.

Matthieu 11:29

Tôtsuéké égumbee wa n’oo abaé, éwe gévo gésa samôkongo, me dôta gévo gésa. Singa me nagôékéda. Me te môma angeba agébé na nyemo. Ongadenga gédundéô samôtémee woo ganyôngéô éwe.

Matthieu 16:24

Vane Jésus amavovo n’aneengie muetso mbe: Okô môma anyôngéô ékea nzéepo n’ami, aviié mane maamuene ngima. Atsué gésumuge sedi sowa na akéé geômbé gévo n’ami.

LUC TSANGO EAMOSOBA EMATENDA 24:26

Christ, ône amatômu na Nzambé ?mbeka awa, mbe ameengéa g’ôndômbedi-a?

Jean 13:15

Me namani énôtubéda, tambô anye indaani tsingayi gô éne ééndi me.

Jean 16:33

Namani énônigôa metso mane te mbe gétabége sanyô géngaba te gô évambee éndé anye n’ami. Gôgébakanye gô tsina, nôgébaka te gô panda. Ivô tsôkéakani na bôkédé. Gô ébadie égenyu gô tsengene, me namani éediia.

Mayanzame 14:22

Amoodeda mitémamie mianeengi aJésus. Amoongô ahngô ndongi gôésipa gô mabégô manzéa éaJésus émeetsangô mitémamie gébé na paga. Ahmeevéda ahngô mbe: N’egéengéaka g’ôkumu aNzambé ôndé g’ôba, éngaba mbe wa n’anyô tôngapanga éena maguga na gékuanô gévôni.

Mayanzame 17:3

Amapandôéda akedi na vede mbe, Matendeo MaNzambé matônigôa mbe Christ, ône amasevou na Nzambé angeena maguga na angakunduu g’ôwa gôéba na monyo. Na amoomba mbe: Jésus ône anônigôa me, te angô Christ amasevou na Nzambé.

Mayanzame 9:16

Memuene nangamôtubéda éetso éngeenangô maguga gô inami.

Romains 8:29

Gôébégô Nzambé amasevoa omedi v’ebandô. Na amavanga dôta v’ebandô mbe omee adua angagono na Muanedi. Vane Muanedi Jésus te kuuane apingô yanéyee.

I Corinthiens 11:1

Indani tsingayi gô éne éénda me, mônongovo geenda me tsingayi gô mabégô mameenda Christ.

Ephésiens 5:2

Gononi ga étondoe émabaka na Christ, éne émanyôngéô angô wa n’anyô. Gô étondoe éedi ameetsa monyo edi gôéyôu ôgondoku gôndé wa n’anyô. Gabutima môtutue ogondoku ôyôani, te gabutima na va mbene aNzambé mbônga éamôsôba éetondo éaChrist na ôwedi. Na amuene anyôngéô.

Philippiens 2:5

Anye bakani na ôtasédie ôndé na amuene Jésus‐Christ.

1 Thessaloniciens 3:3

Tôsanyôngéô mbe ta na môma môvo, nôtsedu gô gékuanô gétubédu wa n’anyô. Anyene nôsabômu mônongoe agékuanô géndéké gô éne émakônzéa Nzambé wa n’anyô.

1 Thessaloniciens 4:2

Anye nôsabômu ndongiye dimoongô me anye gô ényangee émeetsô me na Kumu Jésus.

II Timothée 3:12

Endé te nane. Muetso anyôngéô édigaa na égobeda Nzambé gô vitoone éndé wa n’anyô na Jésus‐Christ, angeena gékuanô.

Hébreux 2:10

Emabaka ti kuanakue gôndé Nzambé, angô môkani na môkeneyi éôma éetso, gôésinga Jésus eena maguga mbe angadiia ôndômba. Gômbe angaveegéda anedi ayekani gôédiia n’edi ôndômba ôvo. Amuene Jésus te gétômbiatômbia gékuséda oma gô maguga na géengéda ahngô gô géobogeo.

I Pierre 1:20

Christ amasevou na Nzambé tsengene madeo ésivangô. Nzambé amatsigéda angô gô ndéô yedi yamôyusumédu na gôndé anye.

I Pierre 2:24

Angô amatsua ébévee éasô n’anyô g’ôtô edi va gésumu sowa gômbe tôngagono na nzumbi géyanzédô mabévani. Ivô tôngaba na monyo gôéyanza étsimama. Gô ngudi yapôta yedi, anye nômadôngédu.

I Pierre 3:18

Christ amuene amawa ôwa ôvo gô ébévee éetso. Angô môma amatsimamani amawa gôndé oma abévani. Oweedi ôbuéda wa n’anyô na gôndé Nzambé. Oma amayôha angô g’ôtô. Nzambé amakundua angô gô ngudi yaGédidi sedi.

I Pierre 3:9

Gô mabégô mabévani nômbianikéda pégôani. Gô matoki nômbiavénda matoki. Ivô nikédani te mamisôba. Gôébégô Nzambé amakuséda anye gô mabégôme mane gôénôétsa mate medi.

I Pierre 4:1

Christ ameena maguga g’ôtô, tambô n’anye dôta oodedani mitéma mianyô étasevo n’edi gôébibéda maguga. Gôébégô ône abibéda maguga g’ôtô aseena panda étsika mabégô mabévani.

I Pierre 4:13

Eébéyée nane tsôkéakani g’ôkabô ômadiia anye gô maguga mameena Christ. Mônongovo gangatsôkéanye na gényônga gémootéani vangatsutsuga ôbébayi ôtubéda ôndômba aJésus.

I Jean 2:6

One avovo mbe: Me te môvo na Nzambé, adigéké gamabaka Jésus.

I Jean 3:16

?Ene étubéda mbe tônyônganéôni yéndé? Jésus‐Christ ameetsa monyo edi gôéwa gôndé wa n’anyô. Tambô na wa n’anyô tôéndé mônongovo gôndé ana aTétee agô mbumu éaNzambé.

Gétsutsuéô 12:11

Na ana a Tétee n’asô n’anyô ahmadiia gô ébadie émagenyahngô. Ahmadiia te gô ngudi yanzina yaMôpaga Endombo na gô ngudi yamabégô mapie mameekédangô. N’ahngô asikiné éétsa mionyo miaô gôéwa.