I Pierre 2:2 - New Testament in Mitsogo

² Ganyôngéô muana av’ebene anyôngéô ôbuba, anye nyôngéôni mônongovo mabégô maNzambé metsimama gômbe vanganyua anye mangô nôngavunda gô géôbogeo.

I Pierre 2:2 ပူးပေါင်းရင်းမြစ်များ

Matthieu 18:3

Jésus amatubéda mbe: Me nanôbeenda ébégô édué éapie. Okô anye nôsakoa mitéma mianyô gôéba mônongovo ga muanéngé, nôsangeengéa g’ôkumu aNzambé.

Matthieu 19:14

Jésus amavovo mbe: Tsiikani anee avigéké na gôndé me. Nômbioomba édékéda ahngô. Okumu aNzambé ôndéké gôndé muetso andéké g’anéngé adua.

Marc 10:15

Me nanôbeenda na gô pie mbe ône asasinga ôtômu aNzambé gasingéa ana angô, asangeengéa g’ôkumu aNzambé

LUC TSANGO EAMOSOBA EMATENDA 18:17

Nanôbeenda mbe, na gô pie ône asasinga éengéa na g’ôkumu aNzambé na môtémedi wetso geengéa anéngé, asangeengéa wangô.

Romains 6:4

Gô ngudi yabateme tômawa n’edi na tômagunyu n’edi gô ngii. Gamakunduga Christ gô ngudi dipôni yondômba okumaka aNzambé gôéba na monyo, na wa n’anyô dôta tôndé na wene monyo gô ngudiye yedi dine.

I Corinthiens 14:20

Ana aTéta n’ami gô mabégô mema nômbiaba gandé anéngé asamenya éne éénda ahngô. Gô mabégô mabévani bakani g’anéngé asamenya évanga mangô. Géé gô mane mamisôba bakani oma oodini gôéénda mangô.

Ephésiens 2:21

Mbeka éengôe ésipa, mbe na eba wetso ôngaba te na tengeke. Vasipa éengôe, ebee ôtema na ôvunda gôéba eba aNzambé ômatisimamani gô ngudi yaKumu Jésus.

Ephésiens 4:15

Ivô ôkô tôdigaa gô mabégô mapie na gô étondo éaNzambé tôngoongôga gô mabégô metso gandé ôtô amôma oodoni na ôsipani. Amuene Christ te môtsée.

II Thessaloniciens 1:3

Ana aTétee asi mbumu éaNzambé, tôsatsika ékuméda Nzambé gôndé anye. Endé kuanakue gôtôénda nane. Gôébégô anye nôôtéa éwesea gô mbene na gô mbene gô nzéa éaJésus étôkeani édué. Etondo éndé n’anyene n’anyene éndé gôékôndama ti kôndama

I Pierre 1:23

Me neetsa ndongiye gôndé anye nômabôtu ôbôtu amôbaé. Nômabôtu ôbôtu amôbaé, kaka gô monyo ôbunganani ômadiianye n’eyee na tétee. Ivô nôndé na monyo ôsabunganani te ône ôdiianye gô Ogi aNzambé ôndé na monyo na ôsakôdéani.

II Pierre 3:18

Oodoni gô mane mamadiianye gô ngeba yaNzambé na gô mane mamenyanye maKumu éasô n’anyô na Mooboyi asô n’anyô Jésus‐Christ. Ondômba ôbaké gôndé angô n’atsatsee na gô môbô na môbô. Amen.