I Pierre 2:15 - New Testament in Mitsogo

¹⁵ Nzambé anyôngéô mbe éne épatéô anye, tônani éangô n’esima éanyô éamisôba.

I Pierre 2:15 ပူးပေါင်းရင်းမြစ်များ

Matthieu 25:2

Tômbô ditayi ahmabaka n’eodo. Ditayi dôta ahsibaké n’eodo.

Matthieu 7:26

Ivô ône ookô mabégô mavovo me na angô asagobeda mangô andé ga mômane apaga, amasaa ebedi va tungu éamisige.

Romains 1:21

Menyani mbe oma ahsabômu Nzambé. Ivô ahngô ahsamôneegeda na ahsamôkuméda ganyôngéô amuene Nzambé. Géé nane, matasa moma maka gébé n’eodo, na mitéma miaô mika ga mimavétsa môkambô na mimakukégu n’evitsi.

Galatie 3:1

?Ah ti anye asi Galatie nômavétsa mikambô‐a? ?Te ngangane ébômédi anye‐a? Nômani éôkô na vede mane mowa aJésus va gésumu sowa.

1 Thessaloniciens 4:3

Nôeni éne ényôngéô Nzambé gôndé anye, te mbe nôaaganana na mabégô mabévani gôéba môvo n’edi gô étsimama. Na mbe nôkina minongo mietso miagésasô.

1 Thessaloniciens 5:18

Kumédani Nzambé gô mabégô metso. Te éne ényôngéo Nzambé mbe nôénda gôndé anye na vitoo na Jésus‐Christ.

I Timothée 1:13

Eenda nane buéyé mbe namamôkékôa v’ebandô na namamôkuana na namamôenza. Ivô Nzambé ameena me ti ngeba gôébégô metso mane namamayanza g’ôdungé tsimenye. Namabaka na paga tsiitséké môtémee gô mabégô medi mapie.

Tite 2:8

Ikéda na mavovia mamatsimamani na gébé n’oési. Gô étsimamee éoo, adudeoe woo angasanéa na tsoyi gébé na ébégô évo gôégôeséda.

Tite 3:3

Osabômu mbe buéyé wa n’anyô va mbeego tômabaka gandéké akasô deo noo. Tômabaka n’odungé, gégobede, na tômabaka oma amadimbanéô nzéa. Tômadigaa g’ôvéga ômatômu we na tsôvé dibévani dimatsôkéa yôtô yasô n’anyô. Tômadigaa gô ébévee na gô ngusu. We tômavinga akasô, n’ahngô dôta amavinga we.

I Pierre 2:12

Bakani na midigédi miamisôba va gatse oma asavamba na Nzambé. Buéyé mbe g’ôsôbee waô apatéa anye mbe oma abévani, ivô ahsabômu mayanzame manyô mamisôba. Te vane vangayanza Nzambé gô mitéma miaô anganôkuméda.

I Pierre 3:16

Aabéani ahngô na mitéma mimasumani na mitéma miegoba, n’etsimama. Bakani mbe mianga miamitéma mianyô miseeséda anye. Buta mbe ane ahsembe anye na asunda anye gô midigédi mianyô miamisôba miitsô anye na Christ angoba na tsoyi gô mavovia maô.

I Pierre 3:17

Okô Nzambé anyôngéô mbe wa n’anyô tôena maguga? na gôétubédu maguga gô mayanza mamisôba, na gôétubédu maguga gô mane mabévani, éne ényepani, yééni? Tôtubédu te gô mane masô mamisôba.

I Pierre 4:2

Bandôa deo noo môma nône asadigaa gô manyima mamôtéma ômabôtu na ôtô amôma. Ivô gô ndéône égébakangô va tsina adigaa ganyôngéô Nzambé.

II Pierre 2:12

Ivô eekédi adiboe ahgono na nyama yagô pindi diinda minongo miaô mimeekaganô n’ahngô. Nyamaye dine dimabôtu te gôétsôpu na gôéyôhu. Eekédi adiboe ahbuanya mabégôme masookô ahngô. Ahngô angabunganédu ga nyama yagô pindi.

Jude 1:10

Ivô amôgôôe adeo noo ane, abuanya metso masanigôgéô ahngô te buanyaga. Agono na nyama yagô pindi dinda minongomie miaô mimeekaganô n’ahngô. Na miangô mikeda ahngô na gôébungana.