I Pierre 2:12 - New Testament in Mitsogo

¹² Bakani na midigédi miamisôba va gatse oma asavamba na Nzambé. Buéyé mbe g’ôsôbee waô apatéa anye mbe oma abévani, ivô ahsabômu mayanzame manyô mamisôba. Te vane vangayanza Nzambé gô mitéma miaô anganôkuméda.

I Pierre 2:12 ပူးပေါင်းရင်းမြစ်များ

Matthieu 10:25

Ene éamôsôba te mbe môneengine abaké ga môékédine wedi, na môyanzine abaké ga môtômine wedi. Okô pene éambumune nyetso étetu mbe Béelzébul, tambô na muetso asi mbumu nene angatetu te mônongovo.

Matthieu 5:11

To gô gényônga géndé n’anye vatokou anye na vakuanô anye na vapatéô anye mabégô mabévani gôndé anye né’vamba n’ami.

Matthieu 5:16

Tanédani gévede sanyô gôndé oma na vangeenahngô mayanza manyô mamisôba, angakuméda Tétanyô ône andé g’ôba.

Matthieu 9:8

Vameena géômbége éne émayanza Jésus, muetso amasôbasôbana na gomo na ahmakuméda Nzambé gô ényangee éedi évôni émeetsô gôndé oma.

LUC TSANGO EAMOSOBA EMATENDA 1:68

Tôkumédékéni Kumu Nzambé, angô te Nzambé éongo éaIsraël. Gôébégô andé gôébono omedi na andé gôéoboo ahngô.

LUC TSANGO EAMOSOBA EMATENDA 19:44

Angagôpanza ti panzaga n’omee woo muetso. Gôsangasanéa ta n’etaé évo gô ngongo amôkedi. Eetso éne te gôkini éwe ndéône émavigéô éwe na Nzambé mbe agôwedéa.

LUC TSANGO EAMOSOBA EMATENDA 6:22

Ti gô gényônga géndé n’anye vadudanô anye n’oma gôébégô éami, me Muana Amôma. Tsôkéakani ôkô oma anôkina, na anôbuanya, na anôdeta mbe anye oma aJésus nôsanyepa.

Jean 13:31

Vamakusa Judas, Jésus amavovo gô ngimedi mbe: Ti n’atsatsee nôngeena ôkumakee wami, me Muana Amôma na ôbébayi ôtubéda géneegage sondômba aNzambé ôngeenanô gôndé me.

Mayanzame 15:14

Simon Pierre atônigôi mbe bandôa v’ebandô Nzambé amakenea ane asaba Ajuif gôésevoa omedi va gatse aô.

Mayanzame 24:13

Omee adua asoongôa étubéda éwe gémbégéa vo mbangi étubéda mbe: Mane mavovo we te na gô pie.

Mayanzame 25:7

Vamatsiga Paul gô eba amisoso, Ajuife, ane amaviga gô Jérusalem amamôseta. Amamôsunda mabégô mayekani mootéa ébévani. Ivô ahsibé na ngudi yetubéda mbe na gô pie Paul ameenda mangô.

Mayanzame 28:22

Ivô tônyôngéô ti pepe éôkô matasa moo. Tôsabômu mbe gô tungu yetso dimeekédu nzéa ékea éwe éne, oma eenda pégôani na meekédu manzéa nene.

Romains 12:17

Nômbiavénda môma ébévani gô éne ééndi angô anye ébévani. Indakani te mane mamisôba matévo gômbe oma angeena mônongoe wanyô.

Romains 13:13

Tôdigékéni gô ésima ésapenganani, wa n’anyô asi gô gévede. Tônôtôgéni gô évitsi na ésimee yedi éasagô, na édangi, na éagésasô, na éamasaganédana na éangusu.

Romains 14:18

Okô ôyanzéa Christ gôémôgobeda gô mabégô mema, Nzambé anganyôngéô na akoo dôta angagôsénga ôséngu.

Romains 15:9

Na Jésus-Christ amaviga dôta gômbe ane asibôtu gô éongo éAjuif angakuméda ngeba yaNzambé. Te gatônigôu na Matendeo MaNzambé mbe: Gô éne, nangagôkuméda gô tsenge yetso yava tsina. Nangeemba ôndômba ainee éoo.

I Corinthiens 14:25

Vookô angô, tambô matasa medi mav’esooe maka v’ekanga. N’angô angasiba mabongo medi gôéneegenda Nzambé mbe: Na gô pie Nzambé andé va gatse anyô.

II Corinthiens 1:12

Bononi éne éndéké n’asô eekédi gôényemôga na ékasôga gôndé anye. Mianga miamitéma miasô mitôtsundéda géesédé we môdigédie wasô na mônongoe wasô ônyepani va gatse ane asavamba na Nzambé na dôta va gatse anye. Tôdigaa n’oma muetso na mavôma maviga gôndé Nzambé gébé na buembe. Te éodo émeetsa Nzambé we étôtévéda nzéa, kaka éodoe ébôtu na môma.

II Corinthiens 13:7

We eekédi tôvovo na Nzambé gôndé anye mbe nôsangeenda ébégô ébévani ta n’evo. Kaka mbe nasénga we eekédie ôséngu, ivô gôétubéda mbe anye oma aChrist nôndé na ngudi yaNzambé gô mane mamisôba, buéyé mbe we eekédi tôenanôkô mbe oma asaba na ngudi.

II Corinthiens 8:21

Tônyôngéô mbe éne éénda we éagébé n’oési va mbene aKumu Nzambé, ébaké dôta gébé n’oési va mbene oma.

Ephésiens 2:3

Wa n’anyô muetso tômabaka gandé ane akékôani. Tômadigaa gadigaahngô gôédugéda manyima mabévani mamabôtu na yôtô yasô n’anyô. Tômayanza mane mamatômu we na yôtô yasô n’anyô na édidi éasô n’anyô éasagô. Vamabaka we tôgébaka gamabôtu we, tômabaka gô tsina opisa aNzambé gôésisédu n’edi gandé akasô, ane agébaka wangô.

Ephésiens 4:22

T’ébandô gasasanye mikanda mievindô, sasani dôta mônongo wanyô ambeego ômabôtu n’anye na ômatôma anye gô metso mamayanzanye mbeego. Mônongoe ône ônde na manyima mabôméda môma gôémôkeeda gôébungana.

Philippiens 1:27

Eébéyée nane, digaakani na môdigéô ôsapenganani na Tsangô Eamôsôba éaJésus‐Christ. Navigéyee gôénôena, tsavigéyee nangookô mbe: Ahndé muetso na étasevo gôésipa ti v’ekôdéô, éesipa. Gô ébadi égenyuni, andé muetso na môtémovo gôétseda paga, buta mbe Tsangô Eamôsôba éaJésus‐Christ édiia.

Philippiens 4:8

Endé te nane, ana aTétee. Bakani matasa manyô metso gô mane mamisôba na gô mane makumédu na Nzambé, na gô mane mapie, na mane meegoba, na mane metsimama, na mane mamagôgéani, na mane manyônganéôni na gô mane mandé kuanakue.

1 Thessaloniciens 4:12

Okô nôgobedi ndongi yedi nôsangagômbéô sôma, buéyé mbe nôsaba na môma gôénôwedéa. Na dôta ane asaba oma aChrist anganôbono na angamenya gô tsina yamitéma miaô mbe: Na gô pie, gôndéké ébégô.

I Timothée 2:2

Buedi gôévovo na Nzambé gôndé atômi avôni atsengeye, n’ane andé na manyanga muetso, buta mbe tôdigaa na gétabé gébé na mikebanganô. Vane tôngaba na môdigeo ôgobedani ganyôngéô Nzambé.

I Timothée 4:12

Ombiasinga môma, ta na môvo adeta ônzambue woo mbe: Agébaka ti muanéngé. Ivô gô mônongoe woo, tubéda ane ameetsa Jésus mitémamie nganégu éamôsôba g’ôvovédie woo, na g’ôdigédie woo. Tubéda angô dôta ganyôngéô éwe akoo, na gasatsumewe Jésus paga gandé éwe na môtéma ômagôgéani.

I Timothée 5:10

Otenda te ône amenyanganô gô mayanza medi mamisôba na amamenya éékéda anedi. Te ône amamenya ékenea agenda na asikiné éyanzee éagébé na tsama gôéwedéa asi mbumu éaNzambé, na amawedéa ane amaba gô maguga na ameenda mayanza mamisôba maminongo mietso.

Hébreux 13:18

Nômbiatsika évovo na Nzambé gôndé we tônônigôa mabégô mema. Wéene tôsabômu mbe tôsadigaa n’ebégô étsundédu we na mianga miamitéma miasô, mbe tôsakônza éangô. Na tônyôngéô mbe tôbaké te nane.

Hébreux 13:5

Nômbiasinga mbe tsôvé yadode ditôma anye gô môdigédie wanyô. Tsôkéakani te éne éndé n’anye. Gôébégô Nzambé amavovo mbe: Me tsangoongôa égôtsika. Me tsanganôtôga gôégôtsika ômuene.

Jacques 3:13

?Gôndé va gatse anyô môma andé n’eodo n’ebagéa? Atubédé éodo éedi na ébagé éedi gô ésima éedi éamisôba na gô éne éendangô na môtéma ômasumani.

I Pierre 2:15

Nzambé anyôngéô mbe éne épatéô anye, tônani éangô n’esima éanyô éamisôba.

I Pierre 3:16

Aabéani ahngô na mitéma mimasumani na mitéma miegoba, n’etsimama. Bakani mbe mianga miamitéma mianyô miseeséda anye. Buta mbe ane ahsembe anye na asunda anye gô midigédi mianyô miamisôba miitsô anye na Christ angoba na tsoyi gô mavovia maô.

I Pierre 4:11

One asabômu évovoni, anigôé akedi meekédu maNzambé. One asabômu éyanza na mogo medi ayanzé akedi gô ngudi yaNzambé. Gômbe gô mabégô metso kumane éngabata na gôndé Nzambé gô ina aJésus‐Christ. Ondômba na ôkumaka na ngudi dindé gôndé Jésus‐Christ gô môbô na môbô. Amen.

II Pierre 3:11

?Va tôena mbe éetso éne ébandôa éwesea gôébungana, midigédi mianyô mingaba nayee? Buedi mbe ôdigédi anyô ôbaké n’etsimama môtémovo na Nzambé.