I Pierre 2:1 - New Testament in Mitsogo

¹ Viiani ngima ésima ébévani éetso. Te diboe na enyepa éamônya na ngusu na matsuavi metso.

I Pierre 2:1 ပူးပေါင်းရင်းမြစ်များ

Matthieu 15:7

Anye te anyepi amiônya. Esaïe amavovo kuanakue gôndé anye vamapandôéda angô mbe:

Matthieu 23:28

N’anye te mônongovo. Gô éne éenanôni nônyepa va miso moma. Géé gô mitéma mianyô nôndé oma amayôa na buembe na ébéva.

Matthieu 24:51

Kumu éyanza angamôsiséda tsôgôô édagani gasisédu asi enyepa éamiônya. Vane vangadéa ahngô mindônga, na gô pievia yaô angagéa ngeko.

Matthieu 7:5

Ewe te môma enyepa éamônya. Panga énôtôa éengôe éndé gô ésoe yoo. Vane ôngeenéa na vede gôénôtôa tsengesengene éndé gô ésoe éamôkoo.

Marc 12:15

Ivô Jésus asibômu buembee waô. Angô mbe: ?Anye nôviga gôétambéa me pagô nayee? Tsua me dode. Naviena yangô.

LUC TSANGO EAMOSOBA EMATENDA 11:44

Ti gô maguga mandé gôndé anye. Nôgono na ngii ésamenyanganô mbe édué te ngii, na môma ayeta gô yangô gémenye.

LUC TSANGO EAMOSOBA EMATENDA 12:1

Gô ndéô nene, ane amakôvanaka gôéôkô meekédu maJésus amabaka géômbé gévôni éyekee ga mabunza gô pindi, amayetanaka anguene n’anguene. Jésus amavovo te n’aneengie mbe: Ebégôe évôni, nôwema gô levurene éApharisien. Levure ékegea mbe ényepee yaô éamiônya.

LUC TSANGO EAMOSOBA EMATENDA 6:42

Ewe ôseena éengô éndé gô ésoe yoo ?nayee ôongôa évovo na môkoo mbe: Wee ami, singéa me nagônôtôa tsengesengene éndé gô ésoe yoo? Ewe te môma enyepa éamônya, panga énôtôa éengôe éndé gô ésoe yoo. Vane ôngeena na vede gôénôtôa tsengesengene éndé gô éso éamôkoo.

Jean 1:47

Vameena Jésus Nathanaël aviga ga vane gôéwanya na Jésus, amavovo mbe: Ii, ôdôô te môsi éongo éaIsraël apie. Asaba na mangônzô.

Romains 1:29

Mitéma mioma mimayôa na mabégô metso masanyepani, na ébéva na ngusu na ôbagaa. Anyima mane maakaô, na eenda mikôbé, na masanganéda. Abôméda akaô na apatéa na atokono.

I Corinthiens 14:20

Ana aTéta n’ami gô mabégô mema nômbiaba gandé anéngé asamenya éne éénda ahngô. Gô mabégô mabévani bakani g’anéngé asamenya évanga mangô. Géé gô mane mamisôba bakani oma oodini gôéénda mangô.

I Corinthiens 5:8

Tôtsôkékéni suetine éasô n’anyô na môpemba amanza ôsaba na ngôté. Te môpemba amane manyôngéô Nzambé na te mane mapie. Tôtsikéni môpemba ambeego ômaahnédu na mibie miebévee na miagésasô.

II Corinthiens 12:20

Me Paul nakebangana mbe kabaga tsanôdenga gaténdéda me. Na kabaga me dôta tsaba n’anyô gamaténdéda anye gôndé me. Mavooe kabaga nadenga dôta va gatse anyô masaganéda, na ngusu, na dipisa, na tatô, na matoki, na matsuavi, na dienza, na mabégô masagô.

Ephésiens 4:31

Patsani gôdagôda n’anyô matasa metso na mavovia manyô manganye na pigaga, n’opisa. Nôtôgani gô mindônga na matoki. Aaganani n’ebévee éetso.

1 Thessaloniciens 2:3

Endé te nane. Mbeeane ébambéa we oma mbe aabéa ésabandôa na ôboe na ésabandôa na mabégô masagô. We tôsabuta ébôméda môma.

I Timothée 3:11

Buedi mbe agayaô dôta abaké agobedani na gébé gékinda pambo éadeekeda. Abaké gébé na migianganô miamatsuavi. Abaké ageto abôkédé na amavôma gô mabégô metso.

Tite 2:3

Obeenda peeye yageto te mônongovo. Beenda ahngô mbe: Digaani pitsi yetso gô mônongo ageto amatsimamani. Beenda ahngô mbe: Nômbiakea nôgiangana. Nômbiadigaa g’ôvéga amaduku. Buedi mbe agetoe ane oongô akaô ndongi yamisôba.

Hébreux 12:1

Wa n’anyô tôndéké tôtandaméô na oma ayekani atôbononi. Tambô tôkinédi magumba metso maditéda wa n’anyô gôékea. Tôkina na mabégô metso mabévani matôdipô tsina na tsina kabaga tôkea. Tôtômbé makôdôme gôékea na môkasa, gôédiia gô nzéane ématôtévuni.

Jacques 1:21

T’ebandô tsikani ésima éetso énde éevindô na mayanza metso mabévani. Bakani na mitéma mimasumani gôédiia Mane Mamavovo Nzambé metso makuyiô mitéma mianyô. Te mabégô mema mooboo anye.

Jacques 3:14

Okô gô mitéma mianyô nôndé na ngusu na kébuma nônakuméda anyene mbe, tôndé n’eodo. Nômbiapatéda gô mane mapie.

Jacques 4:11

Ana aTéta agô mbumu éaNzambé nônatsuavana anyene n’anyene. One eeséda muana aTétee n’edi na atsuava angô, eeséda Matendeo MaNzambé na atsuava mangô. Menya mbe éwe ôtsuava Matendeome éwe ôsaba môneegedi amangô ivô éwe te môkékôyi amangô.

Jacques 4:5

Nôtasa mbe Matendeo MaNzambé matôbeenda bobo mbe: Nzambé anyôngéô, ti v’ekôdéô ényôngéô, gédidi gémavumbangô gôndé wa n’anyô.

Jacques 5:9

Nônatsuavana anyene n’anyene, kabaga nôesédu na Nzambé. Aanakani, môtsundédine aka v’ombaa.

I Pierre 2:16

Anye nômoobouni digaani ga oma amoobogoni. Nômbianika ékatangana v’esooe gô ésima émabakanye ébévani. Ivô bakani avéga akôô ayanzi aNzambé.

I Pierre 2:22

Angô asiindé ta n’ebévani évo. Gô mônyedi gôsikusé ébégô éoboe ta n’evo.

I Pierre 3:10

Te gatôbeendu na Matendeo MaNzambé mbe: Gôndé ône anyôngéô édigaa gétabé gô tsengene, Na anyôngéô éena minya mietso gényônga. Aweme ômeni edi gô mikokou na miumbu miedi gô diboe.

I Pierre 4:2

Bandôa deo noo môma nône asadigaa gô manyima mamôtéma ômabôtu na ôtô amôma. Ivô gô ndéône égébakangô va tsina adigaa ganyôngéô Nzambé.

I Pierre 4:4

Akanyô ahndé gô mabégô mabévani deo noo ahtsapéô gôébégô nôsagésangana n’ahngô gô mane mabévani mameendanye n’ahngô va mbeego. Na ahngô ahnôbuanya.

Gétsutsuéô 14:5

Gôndé ahngô madeo gôsiôkanô éoboe. Ahsaba n’oési ta n’ovo.