I Pierre 1:8 - New Testament in Mitsogo

⁸ Anye nônyôngéô Jésus‐Christ gémôene. Nômôétsa mitéma madeo nôsimôena na miso manyô. Anye nôtsôkéa na gényônga gémootéani ti v’ekôdéô agényônga. Gényôngage sanyô nôsoongôa égénigôa gandé sangô.

I Pierre 1:8 ပူးပေါင်းရင်းမြစ်များ

Matthieu 10:37

One anyôngéô me, na angô ootéa ényôngéô yeedi na tétedi asaba kuanakue gôétetu mbe mômami. One anyôngéô me, na angô ootéa ényôngéô muanedi amômôgôô na muanedi amôgeto, angô kaka mômami.

Jean 14:15

Okô nônyôngéyiô me, nôngeenda te éne étôma me anye.

Jean 14:21

Okô môma atanganéda mane mamatôma me, na amagobeda, vane namenya mbe môma nône anyôngéô me na avamba n’ami. Vanyôngéô angô me, anganyônganéô dôta na Téta. Na me nangamônyôngéô te mônongovo. Na nangatsutsuga te gôndé angô.

Jean 14:24

Mômane asaba n’evamba n’ami na asanyôngéô me, asangamenya égobeda éne évovo me. Ene éôkô anye me navovo ésabandôa na memuene, éviga te gôndé Téta, ône amatôma me.

Jean 16:22

Gôndé anye te mônongovo. Anye deo noo nôsaba na gényônga. Ivô nyee ôngatôomba éenanani, mitéma mianyô mingatsôkéa na gényônga gévôni gésangoongôa môma énônôtôa.

Jean 20:29

Jésus ameevôa angô mbe: ?Ewe ôétsi me môtémee te gôeni éwe me-a? Ti gô gényônga géndé gôndé ane angeetsa me mitémamie, ahngô géene me na miso maô.

Jean 8:42

Jésus amavovo n’ahngô mbe: Nzambé, mbe na gô pie Tétanyô, anye mbe nônyôngéô me gôébégô me namaviga g’ôba gôndé Nzambé gamanyôngéô angô. Me tsiviga gô ényanga éamemuene. Namatômu te tômugu.

Mayanzame 16:34

Amakeda Paul na Silas na gô ebedi na ameetsa ahngô môyakô. Môgode ône, na asi ebedi muetso ahmatsôkéa na gényônga gévôni gômeetsahngô Nzambé mitémamie gébé na paga.

Romains 14:17

Okumu aNzambé ôsangono na môyakô na meba. Oôtéa mane. Mabégô mokumu aNzambé te metsimama, na magétabé, na magényonga meetsa Gédidi SaNzambé.

Romains 15:13

Gôsatsuma anye Nzambé paga, te mbe angô Kumu atsoongone éasô n’anyô, anôétsa gényônga sedi na gétabé sedi sapie. Okitie wanyô te môténdéda ôndé n’anyô gô ngudi yaGédidi SaNzambé.

I Corinthiens 16:22

Okô môma asanyôngéô Kumu Jésus angadoku. Maranatha‐événdégéô mbe: Kumu Jésus vigaka.

II Corinthiens 1:22

Te Nzambé amatôétsa ndémbô éainedi. Angô dôta amayuéséda mitéma miasô n’anyô na Gédidi sedi gétôtubéda mbe tôndé na tsoongo va mbene aNzambé na mbe tôngadiia metso mamavanga angô gôndé wa n’anyô.

II Corinthiens 12:4

Gô ngongo g’ôba gône gôdigaa Nzambé, mômôgôô nône amookô mabégô masiôngôé angô énigôa. Gôndé môma gôénigôa mangô‐môge.

II Corinthiens 4:18

Maguga mandé mavôni, na géneegage géndé gévôni ivô évundee éagéneegage éôtéa éne éamaguga. Tôsaténdéda éne éapitsi yedi. Tôténdéda éne éagô mbene éseenanôni. Ene étôenani édinga gô pitsi yatangaga. Ivô éne ésatôenani éndé éamôgunanza gékôdéé.

II Corinthiens 5:7

Tôdigaa pitsi yetso mitéma miasô mindé gô éne éseenanôni ti eembe éenanô.

II Corinthiens 9:15

Tôkumédéni Nzambé gô éne étôétsiô n’edi géenza ésaba matangôéô.

Galatie 5:22

Tambô gabôta géétété samôsôba miônda miedi miamisôba, mônongovo gaGédidi SaNzambé gébôta gô môtéma amôma ésima éedi éamisôba. Gébôta t’etondo, na gényônga, gétabé, ôbibô, tsôvé oma, ngeba, mavôma,

Galatie 5:6

Okô tôndéké na vitoo na Jésus‐Christ, tôgeetuyee, tôsageetuyee, ésaba ébégô. Ene éndéké n’ebégô te mbe tôôtéé ényôngéô Nzambé na tômôétsé mitéma miasô mietso gébé na paga.

Ephésiens 3:19

Anye mbe ti nômenya étondo éaNzambé, buéyé mbe gôsaba môma oongôa émenya ébandôe n’ekôdéôé éangô. Ivô nôngoongôa émenya éangô gôyuésédu mitéma mianyô n’amuene Nzambé.

Ephésiens 6:24

Te mbe mate maNzambé mabaké gôndé muetso ane anyôngéô Kumu asô n’anyô Jésus‐Christ na vitoo ésagogakani.

Philippiens 1:25

Gô éne, me tsaba na buétsé tambô namenya mbe tsanganôtôga n’atsatsee. Nangoomba édigaa va gatse anyô gôénôwesedéa na gényônga na gô mbene anzéane éaJésus‐Christ étôkéani édué.

Philippiens 3:3

Gégeetéôge saô kaka géne sapie. Géne sapie te géne sasô n’anyô tôseetsa mitémamie gô ésôgee na gô ésimee éotô. Tôtsôkéa te Jésus‐Christ na tôyanzéa Nzambé gô ngudi yaGédidi sedi.

Philippiens 4:4

Gô ndéô yetso tsôkéakani gô éne éyanzéa Kumu Jésus wa n’anyô. Noomba énôtôma mbe: Tsôkéakani.

Hébreux 11:1

Gôéétsa môtéma wetso gébé na paga ékegea mbe ôkina buétsé gô éne éténdéda éwe. Gôéétsa môtéma wetso gébé na paga ékegea mbe ôdigaa ti eembe ômani éena éne éténdédewe, buéyé mbe éwe madeo ôsiena éangô.

Hébreux 11:27

Moïse ameetsa Nzambé môtémedi wetso na asitsumé ngudi yedi paga gôénôtôga gô Egypte. G’ôpisa amôtômine atsenge asiene gomo. Amasipa ti eembe ameena Nzambé, ône aseenanôni, na miso medi na kiaa.

I Pierre 1:6

Gô mabégôme mane tsôkéakani. Buéyé mbe n’atsatsee gô pesu andéô mitéma mianyô mindéké gô gékuanô gô minongomie mietso.

I Pierre 2:7

Oséngu gôndé anye nôsaba na buétsé gô éangô. Ivô gôndé ane amatsuma paga agono na Asaayi eba amagunya étaé mbe ésanyepa Na éangô émasevou na muene éka étaé éav’epandaka.

I Pierre 5:4

Vangatsutsuga amuene pene akeneyi amandombo, nôngadiia gépôkôdô sôbébayi sokumaka agébungané.