I Pierre 1:7 - New Testament in Mitsogo

⁷ Ekuanô éenanye étubéda gôsipanye mitéma mianyô gô mabégô maNzambé. Te gandé dodo sôma gébunganani, ivô yangô ékanégu gôkanzô yangô gô soto. Te mônongovo gandé anye. Veetsanye Nzambé mitéma mianyô gébé na paga mika na génemba géôtéa buéyé géne sadodo. Na mikanégu gô gékuanô. Okô mitéma mianyô misipi nôngeetsô ôséngu na ôndômba n’egoba vangaviga Jésus‐Christ.

I Pierre 1:7 ပူးပေါင်းရင်းမြစ်များ

Matthieu 19:28

Jésus amanigôa mbe: Me nanôbeenda na gô pie mbe vangadigaa me, Muana Amôma gô gédigaa sami sokumaka gô tsenge éamanza, anye nzima n’aneengi abaé nôkea n’ami nzéepo, anye dôta nôngadigaa môma na môma gô sedi gédigaa sokumaka gôétsundéda nzima na mabôta mabaé meongo éaIsraël.

Matthieu 25:21

Môtômine amamôsénga ôséngu mbe: Mamisôba. Ewe môyanzi amavôma. Omagobeda me gô mane masibaké na tsoongo épôni, tambô nagôétsa mane mootéa na tsoongo. Viga tôtsôkéké, wa n’oo.

Matthieu 25:23

Môtômine amamôsénga ôséngu mbe: Mamisôba. Ewe te môyanzi amavôma. Omagobeda me gô mane masibaké ne tsoongo épôni, tambô nagôétsa mane mootéa na tsoongô. Viga tôtsôkéké, wa n’oo.

LUC TSANGO EAMOSOBA EMATENDA 12:33

Sômbédani ôkitie wanyô. Itsani misuga dodeye dingadiianye. Gényôgani gôédiia gékeneoge sadode gésatubégani. Vagani ôkitie wanyô gô tsenge ag’ôba. Gône ôsangadimbana. Eesuie asangaôdenga. Mangbangba masangaôbunza.

LUC TSANGO EAMOSOBA EMATENDA 17:30

Engaba te mônongovo nyaa ôngaviga me Muana Amôma.

Jean 12:26

One anyôngéô éyanzéa me, akéé n’ami nzéepo. Na tungune éngaba me te éne éngaba môyanzine. Téta agobeda ône ayanzéa me.

Jean 5:44

Nônyôngéô éakuméda anyene n’anyene. Anye nôsanyôngéô ékumédu n’amuene Nzambé. ?Nôngamôétsa mitéma mianyô nayee?

Mayanzame 8:20

Pierre amavovo n’edi mbe: Baka na dode yoo. Ewe na yangô nôngakea gôébungana géômbé. ?Nayee ôtasi mbe éne émeetsa Nzambé omedi ôbiia, éngasômbu na dode?

Romains 2:10

Menyani mbe Nzambé angeetsa ôndômbee wedi na ôkumakee wedi na gétabége sedi gôndé ane eenda ganyôngéô amuene Nzambé. Mapangame te Ajuif, na va ngimane te ane asaba Ajuif.

Romains 2:29

One andé na gô pie Môjuif asigeetu gô gékeneo samige mimatenduni, ivô amageetu na Gédidi SaNzambé gô môtémedi. One andé na gô pie Môjuif asakumédu na môma. Akumédu te na Nzambé.

Romains 2:7

Ane abuta ôndômbee wedi na ôkumakee wedi na monyoe wedi amôbô na môbô ayanza na môvinéné mane mamisôba manyôngéô Nzambé. Te angô angeetsô monyo ôsakôdéakani ôndé na Nzambé vavo.

Romains 8:19

Metso mamakana Nzambé mandé môtie gôéenéa ndéône éngatsigéda Nzambé anedi.

I Corinthiens 3:13

Mônongo na mônongo eyanza ôngeenanô gô nyee amôtsundu ôngatsutsuu mabégô metso. Endé te nane. Nyaa amôtsundu te nyaa asoto gékanéga éyanza éamôma na môma mbe éndé na tsoongo.

I Corinthiens 4:5

T’ebandô nanôbeenda mbe nômbiayavôga éeséda môma, ndéône émasevoa Nzambé madeo ésibuéa. Tôenékéni ngu na vangaviga Kumu asô n’anyô. Amuene angakuséda na v’ekanga mane mamasuégu v’esooe. Angatsutsuéda na matasame mav’esooe mandé gô tsina amôtéma amôma. Vane môma na môma angakumédu na Nzambé kumane éndé kuanakue n’edi.

Jacques 1:12

One asipa n’obibo gô éne ékanégu angô atsôkéké. Gôébégô gôbibédi angô adiia monyo. Monyo ône te môsenda ômamema Nzambé mbe: Gôndé anye nônyôngéô me nôngadiia angô.

I Pierre 1:13

Mônongovo goodeda môma édatedi, oodedani édidi éanyô gôévéngéa éne évigani. Bakani misiki. Bakani na môténdéda ôvôni gô mane mangeetsô anye ôbiia vangatsutsuga Jésus‐Christ.

I Pierre 1:5

N’anye nôngamidiiani nôkeneo na ngudi yaNzambé gômamôétsanye mitémamie mianyô gémôtsumé paga. Nôkeneo ngu na ndéône éamôyusumédu éngadiia anye géobogeo. Sangô gémamana ékônzu na gématsutsuu gô ndéône éamôyusumédu.

I Pierre 2:4

Tambô weseani na gôndé Kumu. Buéyé gamakinô angô n’oma mbe étaé ésanyônganéôni, angô te étaé ésipéda monyo, na émasevou na Nzambé mbe éagéneemba.

I Pierre 2:7

Oséngu gôndé anye nôsaba na buétsé gô éangô. Ivô gôndé ane amatsuma paga agono na Asaayi eba amagunya étaé mbe ésanyepa Na éangô émasevou na muene éka étaé éav’epandaka.

I Pierre 4:12

Anami amôtéma, nônatsapéô gôébégô éapanda dibuéa na gôndé anye gôénôkanéga mônongo gasoto gékoa madi. Nônatasa mbe: Panda yedi diena te memuene môtévo.

I Pierre 4:13

Eébéyée nane tsôkéakani g’ôkabô ômadiia anye gô maguga mameena Christ. Mônongovo gangatsôkéanye na gényônga gémootéani vangatsutsuga ôbébayi ôtubéda ôndômba aJésus.

I Pierre 5:1

Natenda ndongi yedi gôndé anye nôndé peeye yenyanga gô mbumu éaNzambé. Me nandé payi gandé anye. Me nandé mbangi gô maguga mameena Christ. Me nangadenga ôkabô g’ôndômba ôvigani.

II Pierre 1:1

Oô te me Simon Pierre, môyanzine amatômu na Jésus‐Christ. Natendéa ane ahmeetsô na Nzambé ngudi yeetsa angô mitéma miaô gémôtsumé paga mônongovo gameetsa me. Ngudi yedi tômeetsô yangô gô étsimama éaNzambé na éaMooboyi asô n’anyô Jésus‐Christ.

II Pierre 1:4

Ene étômenyeda divanga yamisôba dipôni dimeetsô wa n’anyô na Nzambé te ôndômbee wedi ne géneega sedi. Tômeetsô sangô na Nzambé te mbe tôngagésangana gô môanga aNzambé te gôtôkumba manyima mabunganani magô tsengene.

II Pierre 3:14

T’ebandô, anami amôtéma vavéngéa anye gényôgani gôédenganô na Jésus gébé n’etodi, gébé n’oési, gôédenganô n’edi n’evamba éagétabé.

Jude 1:24

Kumédani Nzambé, ône andé na ngudi gôénôsipéda gô ékôbee éetso. Andé na ngudi gôénôtsigéda vandé amuene, ti eembe nôsaba n’oési. Anganôtsigéda na gényônga gémootéani gôéengéa na g’ôndômbee wedi wetso.

Gétsutsuéô 1:7

Bononi. Nôeni gavigangô va gatse obôngé. Oma muetso angamôena, buéyé n’ane amamôtuma n’ekongo. Asi mongo metso mava tsina angadéa na mindônga gôndé angô. Ii. ?Tôngeenda nayee? Engaba te nane. Amen.

Gétsutsuéô 2:10

Nômbieena gomo gô mane mangeenanye mapanda. Oôkôni édué. Avo va gatse anyô nôngeengédu gô eba atsôgôô gébé n’ebégô. Menyani mbe te yabédé akanéga anye. Gône nôngeena panda gô nzima apitsi. Sindédani na mavôma buéyé mbe na g’ôwa. Na me nanganôétsa môsenda te gépôkôdô sokumaka amonyo ôsakôdéakani.

Gétsutsuéô 3:10

Anye nôsikiné môtômee wami gôéenea me na môvinéné. Na me dôta nanganôkenea gô ndéô éagékuanô gévôni géngeenanô gô tsina gôékanéga asi tsengeye yetso yava tsina.

Gétsutsuéô 3:18

T’ebandô nanôbeenda mbe: Nandé na dodo dimakanzô gô soto gôénôtôa totone nyetso. Sômbakani yangô gôndé me, n’anye nôngaba ékiti. Sômbakani dôta na maduani mavembo nôaata mangô gôésomeda yôtô yanyô kabaga nôba na tsoyi éaminyenge. Sômbani na mbôga gôésôga gô miso manyô mapogu mbe mangô mangapoga.