I Pierre 1:6 - New Testament in Mitsogo

⁶ Gô mabégôme mane tsôkéakani. Buéyé mbe n’atsatsee gô pesu andéô mitéma mianyô mindéké gô gékuanô gô minongomie mietso.

I Pierre 1:6 ပူးပေါင်းရင်းမြစ်များ

Matthieu 11:28

Vigani na gôndé me, anye muetso nôgogini na anye muetso nôditéôni. Me te môdundédine wanyô.

Matthieu 26:37

Vane amabambéa Pierre n’ana abaé aZébédée gôékea n’edi. Môtémedi ômatuna na ômookô pievia.

Matthieu 5:12

Tsôkéani na gényônga gévôni gôébégô nôngadiia misenda g’ôba. Va mbeego anye madeo nôsibôtu apandôédi amatasa maNzambé amakuanô te nane.

LUC TSANGO EAMOSOBA EMATENDA 1:47

Môtémami ôyôa na gényônga gôébégô éaNzambé Mooboyi ami.

LUC TSANGO EAMOSOBA EMATENDA 10:20

?Anye nônyôngéô étsôkéa-a? Tsinôénda mbe nômbiatsôkéa gôgobedu anye n’edidi ébévani, ivô ootéani étsôkéa gômatendu miname manyô gô migandamie miag’ôba.

LUC TSANGO EAMOSOBA EMATENDA 2:10

Môsi g’ôba amabeenda ahngô mbe: Nômbiena gomo ta na pesu. Oôkôni me. Nanôtsuéa tsangô éamôsôba. Endé ti ébégô éagényônga gévôni éngatsôkéa oma muetso.

Jean 16:22

Gôndé anye te mônongovo. Anye deo noo nôsaba na gényônga. Ivô nyee ôngatôomba éenanani, mitéma mianyô mingatsôkéa na gényônga gévôni gésangoongôa môma énônôtôa.

Jean 16:33

Namani énônigôa metso mane te mbe gétabége sanyô géngaba te gô évambee éndé anye n’ami. Gôgébakanye gô tsina, nôgébaka te gô panda. Ivô tsôkéakani na bôkédé. Gô ébadie égenyu gô tsengene, me namani éediia.

Mayanzame 14:22

Amoodeda mitémamie mianeengi aJésus. Amoongô ahngô ndongi gôésipa gô mabégô manzéa éaJésus émeetsangô mitémamie gébé na paga. Ahmeevéda ahngô mbe: N’egéengéaka g’ôkumu aNzambé ôndé g’ôba, éngaba mbe wa n’anyô tôngapanga éena maguga na gékuanô gévôni.

Romains 12:12

Tsôkéakani môténdédee ôndé n’anyô. Bibédani maguga gôéenéa éne éngayanza Kumu. Vovoni na Nzambé gédundé.

Romains 5:11

Na ésakôdéa na mane. Wa n’anyô tôtsôkéa Nzambé gô ina aKumu asô n’anyô Jésus-Christ, ône amatôvambéda na Nzambé.

Romains 5:2

Gô ngudi yaJésus, ône ameetsa wa n’anyô mitémamie, tôndé tômasipéduni gô nzéane éedi na tôwesea gôédiia mate maNzambé. Tsoongone éasô n’anyô étôtsôkéani te mbe tôngaba vavo n’edi g’ôndômbedi.

Romains 9:2

Na pitsi n’omanda nookô pievia gô môtémami na gôsaba ékasôga.

II Corinthiens 4:17

Tômenya mbe maguga meena we madita, tambô mandé te na soa na masadingani. Na mangô matôkônzéa ôndômba ôvôni ôsakôdékani ôndé vavo na Nzambé.

II Corinthiens 6:10

Miso masô te keba, ivô gô mitéma tôndé na gényônga. Tômenyanganô mbe misuga, tambô tôdôngéda ayekani n’okitie ôndé n’asô. Tôsaba ta na dode épo mbe tôsômba sôma, tambô tôsabuta sôma.

Galatie 5:22

Tambô gabôta géétété samôsôba miônda miedi miamisôba, mônongovo gaGédidi SaNzambé gébôta gô môtéma amôma ésima éedi éamisôba. Gébôta t’etondo, na gényônga, gétabé, ôbibô, tsôvé oma, ngeba, mavôma,

Philippiens 2:26

Angô ookô anye tsôvé. Amakebangana gôndé anye gôébegô éatsangô éebeea éedi émookô anye.

Philippiens 3:3

Gégeetéôge saô kaka géne sapie. Géne sapie te géne sasô n’anyô tôseetsa mitémamie gô ésôgee na gô ésimee éotô. Tôtsôkéa te Jésus‐Christ na tôyanzéa Nzambé gô ngudi yaGédidi sedi.

Philippiens 4:4

Gô ndéô yetso tsôkéakani gô éne éyanzéa Kumu Jésus wa n’anyô. Noomba énôtôma mbe: Tsôkéakani.

1 Thessaloniciens 1:6

Nômadeka gamadigaa we na gamadigaa amuene Kumu Jésus. Gô éne nômeena te maguga. Buéyé nane nômasinga Mane Mamavovo Nzambé n’ekasôga émeetsô anye na Gédidi sedi.

Jacques 1:2

Ana aTétee agô mbumu éaNzambé vakanégu anye gô mabégô maminongo mietso, tsôkéakani na gényônga gévôni.

Jacques 1:9

Muana aTéta, ône asaba môma môvôni, eena buedi vabatédu angô na Nzambé.

Jacques 4:9

Bangôani ébévee éamitéma mianyô. Déani na aamuganani éangô. Koani ékasôga éamitéma mianyô éka gésinganinga.

I Pierre 3:17

Okô Nzambé anyôngéô mbe wa n’anyô tôena maguga? na gôétubédu maguga gô mayanza mamisôba, na gôétubédu maguga gô mane mabévani, éne ényepani, yééni? Tôtubédu te gô mane masô mamisôba.

I Pierre 4:7

Ekôdéô éamabégô metso ésangaamba ébuéa. Bakani n’ekena. Bakani na tsambu éamabégô gômbe nôngaba na môvinéné g’ôsambô.

I Pierre 5:10

Nzambé, Kumu éangeba yetso, amanôbambéa gô ina aJésus‐Christ gôéba g’ôndômbedi amôbô na môbô. Vangamana anye ésindéa maguga gô pesu aviyénza, amuene Nzambé anganôbôngaméda, anganôsipéda, anganôkasôgéda na anganôodeda pepe géniké ngima.