Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




I Pierre 1:5 - New Testament in Mitsogo

5 N’anye nôngamidiiani nôkeneo na ngudi yaNzambé gômamôétsanye mitémamie mianyô gémôtsumé paga. Nôkeneo ngu na ndéône éamôyusumédu éngadiia anye géobogeo. Sangô gémamana ékônzu na gématsutsuu gô ndéône éamôyusumédu.

အခန်းကိုကြည့်ပါ။ ကော်ပီ




I Pierre 1:5
43 ပူးပေါင်းရင်းမြစ်များ  

One akékôa me na mavovia mami, te mangô mangamôesédani. Meekédume mami mangeetsa môma ôési gô nyaa amôyusumédi.


Me nagôduka mbe, kenea angô andé amasetu na ône môbévani.


One anganyua meba mangamôétsa me, asangoombadô éôkô sôé. Na mebame mangamôétsa me mangakoga gôndé angô gétôka gébunduga wene monyo, ône amôbô na môbô.


Jésus amavovo mbe: One ookô mane mavovo me na eetsa môtémedi wetso na gôndé Nzambé, ône amatôma me, andé na monyo amôbô na môbô. Namani émôyuua gô môtsundu. Anôtôgi g’ôwa, aka na monyo.


Ii, éndé te nane. Miangô mimakitsôkô te gô paga yaô. N’anye nômaviagana na miangô gôsitsumé anye Nzambé paga. Ivô nôwema kabaga nôba na nyemo. Digaani na gomo n’egobeda.


Me Paul namenya mbe, na maguga meena wa n’anyô va tsina, na ôndômba ôngaba n’asô g’ôba, ôndômba ôsaba makanégéô na maguga. Ondômbee ôvôô.


Ekegea te nane, oma atsengene na éodo n’ebagé éaô ahsiôngôé émenya Nzambé. Asiôngôé émenya na mane matsutsua éodo éamuene Nzambé. T’ebandô Nzambé amatasa gôéoboo ane eetsa angô mitémamie gô meekédume matôékédani éma maseka môma mbe matsôga.


We eekédie tôsabuta étindéga anye gô mabégô maNzambé mameetsanye mitémamie mbe: Indakani édué, tsikani édué. We tônôongô te ndongi ditévo gôénôkasôgéda gôébégô anye nômani ésipa gô mabégô manzéa éaNzambé mameetsanye mitémamie gébé na buétsé.


Nabéyee na monyo, monyoe ône ôsaba wami, te aChrist ayuéséda môtémami. Deo noo nandé na monyo g’ôtô ami, te gôétsa me Jésus môtémami wetso. Angô Muana ANzambé amanyôngéô me na amaadeekeda amuene amawa gôébégô éami.


Nômoobou te gô ngeba dimeenanô anye na Nzambé vameetsanye angô mitémamie gémôtsumé paga. Géôbogeoge géne gésibandôé n’anye. Nômagéétsô na Nzambé géenza.


Naduka angô mbe Christ adige gô mitéma mianyô vandé anye gébé na paga gôndé angô. Naduka dôta Nzambé mbe anye nôngaba ga géétété gémasuenea mitambamie na gô tsina mbe n’anye nôngasuenea gôésipa gô étondo éaNzambé. Namôduka mbe


Me tsatsuma paga ta na pesu. Tsabômu mbe Nzambé, ône amabandôa n’eyanzee éamôsôba gô mitéma mianyô, asangeenzeegeda. Angeebôngaméda gôéemangôa nyoo ôngaviga Jésus‐Christ.


Vane gétabé saNzambé, géne géôtéa pepe gétabé gémenya môma, génganôsuméda mitémamie na génganôsipéda édidie gôndé Jésus‐Christ.


Bandôa g’ôanéngée woo ômeekédu Matendeo MaNzambé na te mangô mandé na ngudi gôétsa éodo évôni. Eodoe éne ébuéda môma gô géobogeo gédiiangô veetsangô Jésus‐Christ môtémedi wetso gémôtsumé paga.


Ngeba yedi ditôékéda gôédigaa kuanakue gôéenéa gévigéô sanyee ôvôni agényônga ôtôténdédani. Nyee ône ôvôni ôngatsutsuga ôbébayi ôtubéda ôndômba aMooboyi asô n’anyô Jésus‐Christ, angô te Nzambéne éasô n’anyô épôni ésaba na gégoni.


We tôsanyôngéô mbe anye nôkoga gôédigaa n’ombuéa gô monyoe wanyô. Tônyôngéô mbe anye nôba na môvinéné gôétsa mitéma mianyô gébé na paga mônongovo gameenda akanyô ane amoota gô mbene. Ahngô amadiia éne émavanga Nzambé gôndé ahngô.


Te mônongovo dôta émavangô mbe Christ amaadeekeda amuene ôgondoku kukepo gôénôtôa ébévee éoma ayekani. Na angaviga kukane éamôbaé kaka gôébusua ébévee, ivo te gôéengéda gô géobogeo ane andé gôémôenéani.


Mônongovo goodeda môma édatedi, oodedani édidi éanyô gôévéngéa éne évigani. Bakani misiki. Bakani na môténdéda ôvôni gô mane mangeetsô anye ôbiia vangatsutsuga Jésus‐Christ.


Eébéyée nane tsôkéakani g’ôkabô ômadiia anye gô maguga mameena Christ. Mônongovo gangatsôkéanye na gényônga gémootéani vangatsutsuga ôbébayi ôtubéda ôndômba aJésus.


Natenda ndongi yedi gôndé anye nôndé peeye yenyanga gô mbumu éaNzambé. Me nandé payi gandé anye. Me nandé mbangi gô maguga mameena Christ. Me nangadenga ôkabô g’ôndômba ôvigani.


Ngudi yaNzambé dimatôétsa éetso étôdugéda gô monyo eetsimama agégesanganéô samitéma miasô n’anyô na Nzambé. Ngudi yaNzambé dimenyeda wa n’anyô ône amatôbambéa gôédengana n’edi g’ôndômbedi na gô géneega samuene.


Anami amôtéma, deo noo tôndé ti ana aNzambé na mônongo ôngaba n’asô n’anyô gô mbene madeo tôsitubédu angô. Ivô menyani mbe vangaviga Christ, mônongo ôndé n’edi tôngagono n’angô, gôébégô tôngamôéna mônongoe ôndéké angô.


O te me Jude, môyanzi aJésus‐Christ. Me te muanayaa aJacques. Natendéa anye nômaabéa gômabambéô anye na Nzambé na nôdigaa évambevo n’edi anye nôkeneo na Jésus‐Christ.


Kumédani Nzambé, ône andé na ngudi gôénôsipéda gô ékôbee éetso. Andé na ngudi gôénôtsigéda vandé amuene, ti eembe nôsaba n’oési. Anganôtsigéda na gényônga gémootéani gôéengéa na g’ôndômbee wedi wetso.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ