I Pierre 1:4 - New Testament in Mitsogo

⁴ Na mikuanya miasô n’anyô mitôtsôkéani mindé gôndé Jésus. Te mikuanya miagébungané na miagébômbé, na miagéongodone. Mikuanya mimatsikéô anye mindé na Nzambé g’ôba.

I Pierre 1:4 ပူးပေါင်းရင်းမြစ်များ

Matthieu 25:34

Vane Kumu angavovo n’ane angaba gô géeyo sedi gémôgôô mbe: Vigani anye nôétsiô mate na Téta. Ingéani g’ôkumu aNzambé, ômavangéa angô anye bandôa vamakanangô tsina n’oba.

Marc 10:17

Vamaba Jésus aka gô keaga gô nzéa, mômôgôô amaviga pita na gôndé angô. Amasiba mabongome va mbene aJésus. Angô mbe: Ewe môékédi ôndé ti môékédi amôsoba, aabéa me. ?Gôéba na monyo amôbô na môbô nangeenda nayee?

Mayanzame 20:32

N’atsatsee me nanôdeekeda na gô mogo maNzambé gôésumbédu n’edi na gôékeneo n’edi gô mabégô medi metondo. Amuene andé na ngudi gôéoodeda anye. Vane anganôétsa éne ékôkégangô ga mikuanya gôndé omedi.

Mayanzame 26:18

Nakudéga éwe na gôndé ahngô te mbe ôapôéda misome. Na mbe ôngaakuséda gô évitsie éndé ahngô gôéengéda ahngô na gô gévede sami. Na mbe ôngaayuua g’ôtômu aSatan ôdigaahngô gôéadeekeda na gôndé Nzambé. Vane vangeetsahngô me mitémamie gébé na paga, angasingéô kokoo gô ébévee éaô. Angeetsô gétungu saô gémakônzu angô va gatse oma aNzambé.

Romains 8:17

Tôndéké ana apie aNzambé na tôngadiia mikuanyamie mimakôkéga angô gôndé omedi. Okitie wetso ômeetsangô Jésus-Christ, ôndé te asô n’anyô. Okô tôbé môvo n’edi gô maguga, tôngaba dôta môvo n’edi g’ôndômba.

I Corinthiens 9:25

Eendi amatséva atôma yôtô yaô, na akanéga étséva gôéekeganédu ôtôe. Metso mane madagani eenda mangô gôédiia môsenda apitsi épo. Géé wa n’anyô, tôgenyôgéni yôtô yasô n’anyô gôédiia môsenda amôbô na môbô.

Galatie 3:18

Okô mbe na gô pie éne étôétsô na Nzambé éndé ga mikuanya na miangô mikusa gô mige miedi, tambô mikuanya misakusa g’ôvangedi. Ivô tôsabômu mbe te g’ôvangedi mbe Nzambé amatubéda Abraham étondo éedi ôbiia.

Ephésiens 1:11

Gô évambee éndé wa n’anyô na Jésus‐Christ, tômani édiia géôbogeo sasô n’anyô. Gôébégô wa n’anyô madeo tôsibôtu, Nzambé amapanga étôsevoa mbeego gamanyôngéô angô. Nzambé eenda ti metso ganyôngéô amuene na gavangangô mbe éngaba te nane.

Ephésiens 1:14

Gédidi sedi te môkodi ôkata Nzambé wa n’anyô gôétôbangôéda môkuanya asô n’anyô omedi ômatôtsikéô gô géôbogeo. Nzambé atôsuméda mitémami mbe: Nômbiaba na mikebanganô gô môkuanya. Nôngadiia angô vangakôdéda me éyanza éami éetso. Tambô tôkumédéni ôndômbee aNzambé.

Ephésiens 1:18

Me naduka Nzambé mbe gévede sedi gévôni géngatana gô mitéma mianyô gômbe anye nôngeena na vede na miso magédidi mane matôténdédani mandé gôndé wa n’anyô tômabambeô na Nzambé gô nzéane étôkeani. Na mbe nôngeena ôkitie ondômbee amikuanya ômakôkégéô gôndé ane amabambéô na Nzambé gôéba asi mbumu éedi.

Colosses 1:12

Kumédani Téta Nzambé na gényônga gévôni. Gôébégô te angô amanôkoa gôéba kuanakue gôédiia ôkitie ômakeneo na Nzambé gô tsenge éedi éagévede. Okitie ône te gôndé asi mbumu éaNzambé.

Colosses 1:5

Vameekédu anye kukane éamapanga Tsangô Eapie, éne Eamôsôba éaJésus‐Christ, nômamenyedu mbe éangô éndé na tsoongo. Ebandôe éavitoone éanyô na ébandôé émeetsanye mitémamie, étsinee te tsoongo nene. Nôndé gôéténdéda éne émakeneo g’ôba gôndé anye.

Colosses 3:24

Bangôani mbe Kumu Jésus anganôsangéga na môsenda ôvôni. Nôngeetsô mikuanya mane mamakôndégangô omedi. Kookone éanyô éapie éyanzéa anye te amuene Christ.

II Timothée 4:8

Ene ényangiô gô ébadi éndé gôévéngéa me deo noo gô mbene anzéa. Eangô te gépôkôdô setsimama géngaatédu me na Kumu Jésus môtsundédine asapenganani. Asangaatéda sangô memuene môtévo, te na muetso ane andé gôéenéa na gényônga génikéô sedi.

Hébreux 10:34

Nômawanyeda moonga na maguga mameena asi tsôgôô. Vamawatô anye ôkitie wanyô ava tsina anye nômatsôkéa gôébégô nôsibômu mbe: We tôndé na wene ôkiti ôôtéa ényepa n’one n’angô te amôbô na môbô ôsangagôgani.

Hébreux 9:15

Nôeni ébégô émasevou Christ gôéba môsungéyi gôétôvambéda na Nzambé gô évambee éamôbaé. Andéké môsungéyi awa n’anyô tômabambéô na Nzambé gôédiia ôkiti ag’ôba ômavangéa Nzambé mbe: Te mikuanya mianyô. Wa n’anyô tôngoongôa édiia ôkitie ône gôébégô môvo amawa. Owee ône ôyuua oma muetso gô môtsundu ebévee éaô émadigaahngô gô évambee éambeego.

Jacques 1:11

Kômbéne étsigéda ômandaa na géviôviô sedi gégaséda mabunzame. Nzôbé diaaga. Enyepee yaô éôta. Mônongovo ga gékiti adimbanédiô gô mane mayanzangô.

I Pierre 3:9

Gô mabégô mabévani nômbianikéda pégôani. Gô matoki nômbiavénda matoki. Ivô nikédani te mamisôba. Gôébégô Nzambé amakuséda anye gô mabégôme mane gôénôétsa mate medi.

I Pierre 5:4

Vangatsutsuga amuene pene akeneyi amandombo, nôngadiia gépôkôdô sôbébayi sokumaka agébungané.

Gétsutsuéô 21:27

Ivô gô môsengee ône gôsangeengéa ta na sôma gévo sevindô, ta na môma môvo andé n’esima éasagô na éadiboe. Ane angeengéani te ane andé na mine maô mamatendu gô miganda miamonyo, te migandamie mikeneo na Môpagee.