I Pierre 1:3 - New Testament in Mitsogo

³ Tôkumédéni Nzambé, Tétene éaKumu éasô n’anyô Jésus‐Christ. Gô ngeba yedi Nzambé amabôta wa n’anyô g’ôbôtu amôbaé gômakundua angô Jésus g’ôwa. Tsoongone éasô n’anyô ésagôgakani éndé gôndé Jésus.

I Pierre 1:3 ပူးပေါင်းရင်းမြစ်များ

Jean 1:13

Ana aNzambé ahmabôtu n’edi. Obôtue ône kaka ône anzina, na ône otô, vo ône etondo éamôma gabôtu môma na môma n’edi.

Romains 12:12

Tsôkéakani môténdédee ôndé n’anyô. Bibédani maguga gôéenéa éne éngayanza Kumu. Vovoni na Nzambé gédundé.

Romains 15:13

Gôsatsuma anye Nzambé paga, te mbe angô Kumu atsoongone éasô n’anyô, anôétsa gényônga sedi na gétabé sedi sapie. Okitie wanyô te môténdéda ôndé n’anyô gô ngudi yaGédidi SaNzambé.

Romains 4:25

Nzambé ameetsa Jésus gôéwa gô mabégô masô n’anyô mabévani. Amamôkundua gôétôtsimaméda va mbene aNzambé ti eembe tôsaba n’oési.

Romains 5:10

Vamabaka wa n’anyô tôgébaka adudeo aNzambé, ôwa aJésus ômatôvambéda na Nzambé. Tambô na ndéône edué éka wa n’anyô évambevo na Nzambé, monyo aJésus ôndé gô mitéma misaô n’anyô ôtôôboo.

Romains 8:11

Nzambé amakunda Jésus g’ôwa. Okô Gédidi sedi géne gémakundua Christ g’ôwa gôéba na monyo gédigaa gô mitéma mianyô, sangô dôta génganôétsa monyo gô yôtôye yanyô disaba na ngudi.

Romains 8:24

Wa n’anyô tômoobou na tôndé na môténdéda gô géobogeo sasô n’anyô. Okô môma eena éne ématéndédangô, gôsabadô môténdéda. Ene éenanôni ésaténdédu.

I Corinthiens 13:13

Endé te nane. Gôndé mabégô matatô mandé môgunanza. Mangô te gôéba môtémovo na Nzambé gémôtsumé paga, na gôémenya mbe tsoongone yoo te Nzambé na gôédigaa na môtéma ômayôa n’etondo éaNzambé. Na va gatse amangô matatô, éne éôtéani te étondoe éviga gôndé Nzambé.

I Corinthiens 15:20

Tôtsika vita pagaye. Tôôta na gô édué. Jésus‐Christ amatimôga na gô pie g’ôwa gôéba na monyo. Vane te gémbégéa gématôtubédu na Nzambé mbe: Gamakundua me Jésus g’ôwa, nanganôkundua muetso nômawani te mônongovo.

II Corinthiens 1:3

Tôkumédéni Tétasô n’anyô Nzambé na Kumu asô n’anyô Jésus‐Christ. Angô te Tétee atôétsa éetso gô ngeba yedi gébé na ninga. Angô te Nzambé atôsuméda mitéma gô ndéô yetso.

Galatie 6:16

Gôndé muetso ane akenea ndongi yedi gô mitéma miaô me navovo mbe: Gétabé na mate maNzambé mabaké gôndé anye. Na gébaké dôta gôndé oma muetso avamba na Nzambé.

Ephésiens 1:17

Naduka Nzambé Tétene aKumu asô n’anyô Jésus‐Christ, angô Téta ondômbee wetso, gôndé anye. Namôduka mbe anôétsa Gédidi sedi. Te sangô géngamenyeda anye, ne génganôtsutsuéda Nzambé, mbe nôsangadôtsuma angô paga.

Ephésiens 1:3

Tôkumédéni Nzambé Tétene éaKumu asô n’anyô Jésus‐Christ. Nzambé aagéda mate medi mag’ôba, te mane maGédidi sedi na gôndé wa n’anyô, gômatôvamba évambevo na Christ.

Ephésiens 1:7

Gôébégô wa n’anyô tômoobou na tômasingéô kokoo gô ébévee éasô n’anyô gô ngudi yowa aChrist, ône amatômu na Nzambé. Te gô ébégôe éne tôene gayekégéa ngeba yaNzambé gôndé wa n’anyô.

Ephésiens 2:4

Ivô ngeba yaNzambé diyeka na étondo éedi éndéké évôni.

Ephésiens 3:20

Ondômbee wetso ôbaké gôndé Nzambé. Gô ngudi yedi dipôni diyanza gô mitéma miasô n’anyô, angô eenda éne étônyôngéôni, na étôvakani na étôdukani. Na akôndéga na éene ésatômenya édukani.

Colosses 1:23

Eébéyée nane, bakani n’ekena gôésipa gô mabégô maNzambé. Bakani ga mataé mamasipédu na môkaka gépupédu na gésa na gésa. Nômbiasinga mbe nôkôngama gô éne émeetsanye mitémamie na éténdédanye bandôa vamookô anye Tsangône Eamôsôba. Tsangône Eamôsôba éne, te éne éaJésus émeekédu gôndé oma muetso ava tsina. Na te éne émakoa me Paul naka môtsuayi ayangô.

Colosses 1:27

Gôndé omedi Nzambé amanyôngéô éamenyeda étasee éedi éndé évôni na éôtéa n’okitie wetso na ôndômbee wetso. Amakônza éangô gôndé mongo metso mava tsina. Nôéni éne ésinigôganéôkôni na mbeego te éangô édué. Amuene Jésus‐Christ andéké gô mitéma mianyô na anônôtôa buétsé éndé n’anyô mbe nôsangadôtsuma paga gô mabégô mondômba aNzambé ôténdédanye.

1 Thessaloniciens 1:3

Endé te nane. Vandé we va mbene aTétasô n’anyô Nzambé gôésambéda, tôkôngéda gameetsanye mitémamie mietso gôégobeda mane manyôngéô Nzambé. Etondoe éndé n’anyô énôtindéga gôéyanzéa Nzambé. Nôsanzeegeda éténdéda mane maKumu asô n’anyô Jésus‐Christ.

1 Thessaloniciens 4:13

Ana aTétee n’ami tônyôngéô mbe nômenya gakegea ébégôe ane amawani. Vane vangawéô anye nôsangadéa gandé akanyô adéa gébé na éne éténdéda wa n’anyô.

II Thessaloniciens 2:16

Amuene Kumu asô n’anyô Jésus‐Christ, na Tétasô n’anyô Nzambé atônyôngéô na amatôétsa gô ngeba yedi gékasôgédéô gésakôdéakani, na ébégô éatsoongone éténdéda we.

I Timothée 1:14

Kumu asô n’oo Nzambé ameetsa me mate medi masaba n’okana. Ameetsa me ngudi gôémôdeekeda môtémee wami wetso gébé na buétsé. Amayuéséda môtémami n’etondo éedi étôdiiani gô évambee éndé wa n’oo na vitoo na Jésus‐Christ.

Tite 2:13

Ngeba yedi ditôékéda gôédigaa kuanakue gôéenéa gévigéô sanyee ôvôni agényônga ôtôténdédani. Nyee ône ôvôni ôngatsutsuga ôbébayi ôtubéda ôndômba aMooboyi asô n’anyô Jésus‐Christ, angô te Nzambéne éasô n’anyô épôni ésaba na gégoni.

Hébreux 3:6

Ivô Jésus‐Christ amabaka na môvinéné gô éyanzee éedi. Angô Muana, ameetsô ôtômu na Tétedi gôétôma eba aNzambé wetso. Wa n’anyô te ebedi ôkô tôsamôtsuma paga na tôétsa mitémamie gôndé ône atôténdédani.

Jacques 1:18

Angô amatôbôta gamanyôngéô amuene gô ngudi yamabégô medi mapie gômbe wa n’anyô tôngaba ana akua gô éetso émavanga Nzambé.

I Pierre 1:13

Mônongovo goodeda môma édatedi, oodedani édidi éanyô gôévéngéa éne évigani. Bakani misiki. Bakani na môténdéda ôvôni gô mane mangeetsô anye ôbiia vangatsutsuga Jésus‐Christ.

I Pierre 1:21

Gô ina aJésus‐Christ, mitéma mianyô misatsuma Nzambé paga, ône amakundua Jésus va gatse oma amawani. Na amamôétsa ôkumaka n’ondômba gômbe mitéma mianyô na tsoongone éanyô éngaba gôndé amuene Nzambé gébé na buétsé.

I Pierre 1:23

Me neetsa ndongiye gôndé anye nômabôtu ôbôtu amôbaé. Nômabôtu ôbôtu amôbaé, kaka gô monyo ôbunganani ômadiianye n’eyee na tétee. Ivô nôndé na monyo ôsabunganani te ône ôdiianye gô Ogi aNzambé ôndé na monyo na ôsakôdéani.

I Pierre 2:2

Ganyôngéô muana av’ebene anyôngéô ôbuba, anye nyôngéôni mônongovo mabégô maNzambé metsimama gômbe vanganyua anye mangô nôngavunda gô géôbogeo.

I Pierre 3:15

Kôngédani gô mitéma mianyô mbe: Nzambé te Kumu ami. Minya mietso bakani kuanakue nôngamenya éaabéa nyivô diévou anye mbe: ?Tsoongone yoo yééndé?

I Pierre 3:21

Mebame mane mamabaka gémébégéa sabateme éne éagéobogeo sasô n’anyô deo noo. Bateme, kaka gégôgédéô sevindo éotô. Ivô bateme te môma adeekeda muanga amôtémedi na gôndé Nzambé mbe amôgôgéda. Deo noo batemene yangô éoboo wa n’anyô gô ngudi yagékundugéô saJésus‐Christ.

I Pierre 3:5

Enyepee éne te ôatédi ambeego ômataka ageto amatsimamani ahmakôngédaka Nzambé. Ahngô ahmookéôkô omée waô.

I Jean 2:29

Nôsabômu mbe Christ te Kumu éetsimama. Na vane nôsabômu dôta mbe ône eenda étsimama andé muana aNzambé ag’ôbôtu.

I Jean 3:3

Muetso tôndé na tsoongone éne gôndé Christ tôkeneke mitéma miasô mbe migôgédu gandé amuene andé amagôgéani.

I Jean 3:9

One andé Muana ANzambé ag’ôbôtu, amatsika éénda mabégô mabévani gôébégô ngudi yamonyoe ômeetsô angô na Nzambé dindé n’edi. Nzambé te tétedi ?nayee angoomba éénda mabégô mabévani? Asangoongôa.

I Jean 4:7

Omami amôtéma tônyônganéôni wa n’anyôene na wa n’anyôene, gôébégô Nzambé te Kumu éetondo. One anyôngéô môkedi angô te muana aNzambé na asabômu Nzambé.

I Jean 5:1

One eendô mbe muana aNzambé to ône asatsuma paga mbe Jésus te Christ ône amakudégu na Nzambé. One anyôngéô tétee anyôngéô dôta n’anedi.

I Jean 5:18

Wa n’anyô tôsabômu mbe muana aNzambé ag’ôbôtu asangoongôa éomba éénda mabégô mabévani n’osôbedi. Gôébégô Jésus Muana ANzambé akenea angô, na amuene Môbévine asangoongôa étsôpa angô.

I Jean 5:4

Gôébégô mbe ana aNzambé muetso ag’ôbôtu andé na ngudi yediia gô ébadi égenyahngô na mane matsengene. ?Tôdiia nayee? Tôdiia te gôétsa wa n’anyô Nzambé mitéma miasô n’anyô gémôtsumé paga.