I Pierre 1:23 - New Testament in Mitsogo

²³ Me neetsa ndongiye gôndé anye nômabôtu ôbôtu amôbaé. Nômabôtu ôbôtu amôbaé, kaka gô monyo ôbunganani ômadiianye n’eyee na tétee. Ivô nôndé na monyo ôsabunganani te ône ôdiianye gô Ogi aNzambé ôndé na monyo na ôsakôdéani.

I Pierre 1:23 ပူးပေါင်းရင်းမြစ်များ

Matthieu 24:35

Diôba na tsinane éngoota na éngadimbana. Ivô Mabégô Mami te môgunanza.

LUC TSANGO EAMOSOBA EMATENDA 8:11

Oôkôni gakegea tsavane éamibie. Mibiemie te Mabégô MaNzambé.

Jean 1:13

Ana aNzambé ahmabôtu n’edi. Obôtue ône kaka ône anzina, na ône otô, vo ône etondo éamôma gabôtu môma na môma n’edi.

Jean 1:3

Gô ngudi yone ameendô mbe Ogi, Nzambé amakana na amavanga éetso. Gôsaba ta na sôma gévo gésikanô na gésivangô gô ngudi yOgi.

Jean 3:3

Jésus amasiia n’edi mbe: Nagôbeenda na gô pie mbe, ôkô môma asibôtu ôbôtu amôbaé, ône aGédidi SaNzambé, asangoongôa émenya mbe ôkumu aNzambé ôndéké.

Jean 3:5

Jésus amamônikéda mbe: Me nagôbeenda na gô pie mbe: ôkô môma asibôtu na meba, na Gédidi SaNzambé, asangatsôkéa ôtômue aNzambé na mateme medi.

Jean 6:63

Géne géétsa monyo te Gédidige SaNzambé. Otôe ôsaba na tsoongo. Mane mabeendi me anye maviga gôndé Gédidi SaNzambé na meetsa oma monyo.

Romains 1:23

Nzambé amanyôngéô mbe oma aneegeda te amuene Kumu ondômbee wetso ôsakoani. Géé oma, ahneegeda te égoni ésadingani ékônzahngô. Egonie égono ga môma na ga nyoyi na ga nyama, na éne ékea migoge.

Hébreux 4:12

Menyani mbe Mane Mamavovo Nzambé mandé na ngudi na meetsa monyo. Mengôme medi mootéa mane meebaga. Mengéa gôndé môma ngu na gôwanya gédidi na matasa. Meengéa gô mawanyéô na diôngô ngu na gô misoosô. Matsundéda tsôvéye diôkô môma. Matsundéda na matasa magô tsina amôtéma amôma.

Jacques 1:18

Angô amatôbôta gamanyôngéô amuene gô ngudi yamabégô medi mapie gômbe wa n’anyô tôngaba ana akua gô éetso émavanga Nzambé.

I Pierre 1:25

Ivô ôgi aKumu ôndéké môbô na môbô. Ogie ône te ône ônigôu anye gô Tsangô Eamôsôba.

I Pierre 1:3

Tôkumédéni Nzambé, Tétene éaKumu éasô n’anyô Jésus‐Christ. Gô ngeba yedi Nzambé amabôta wa n’anyô g’ôbôtu amôbaé gômakundua angô Jésus g’ôwa. Tsoongone éasô n’anyô ésagôgakani éndé gôndé Jésus.

I Jean 3:9

One andé Muana ANzambé ag’ôbôtu, amatsika éénda mabégô mabévani gôébégô ngudi yamonyoe ômeetsô angô na Nzambé dindé n’edi. Nzambé te tétedi ?nayee angoomba éénda mabégô mabévani? Asangoongôa.

I Jean 5:18

Wa n’anyô tôsabômu mbe muana aNzambé ag’ôbôtu asangoongôa éomba éénda mabégô mabévani n’osôbedi. Gôébégô Jésus Muana ANzambé akenea angô, na amuene Môbévine asangoongôa étsôpa angô.