I Pierre 1:21 - New Testament in Mitsogo

²¹ Gô ina aJésus‐Christ, mitéma mianyô misatsuma Nzambé paga, ône amakundua Jésus va gatse oma amawani. Na amamôétsa ôkumaka n’ondômba gômbe mitéma mianyô na tsoongone éanyô éngaba gôndé amuene Nzambé gébé na buétsé.

I Pierre 1:21 ပူးပေါင်းရင်းမြစ်များ

Matthieu 28:18

Jésus amawesea na vandé ahngô na amanigôa ahngô mbe: Otômue wetso ava tsina na ône ag’ôba ômeetsô te me.

Jean 12:44

Jésus amanigôa mbe: One eetsa me môtémedi wetso, asiitsa gôndé memuene môtévo. Eetsi te na gôndé ône amatôma me.

Jean 14:1

Jésus amavovo n’angeengi edi mbe: Nômbiaba na mikebanganô gô mitéma mianyô. Itsani Nzambé mitéma mianyô. Vane itsani na me miangô.

Jean 14:6

Jésus amapandôéda ahngô mbe: Me te nzéane éanyô. Me te kumu amabégô metso mapie. Me te monyoe wanyô. Gôsaba nyene nzéa éôta môma na gôndé Téta, buétsé te vandé me.

Jean 17:1

N’emana énigôa aneengie nane, Jésus amabôkaméa na g’ôba gôévovo na Nzambé. Angô mbe: Téta, ndéône ébuéyi. Itsa Muanoo me, géneega sondômbee woo gômbe Muanee dôta angagôneegeda.

Jean 17:24

Téta, éwe ômeetsa me ahngô. Me nanyôngéô mbe gôngaba me, n’ahngô dôta ahngaba wangô. Gômbe angeena ôbébayi ondômbee wami. Te ôndômbee ômeetsô me n’ewe gamootéa éwe ényôngéô me, bandôa v’ebandô tsinane madeo ésikanô.

Jean 17:5

N’atsatsee Téta gobeda me gô tungu édigaa éwe, gôéétsa me ôndômbee okumakee ômabaka n’ami v’ebandô tsinane madeo ésikanô.

Jean 3:34

One amatômu na Nzambé avovo te mane maNzambé gôébégô Nzambé, ône asaba na guma eetsa oma Gédidi sedi gésaba n’okana.

Mayanzame 2:24

Nzambé amamôkundua g’ôwa. Amamôtsôbôa ésengo éowa. Owa ôsibé n’otômu gôédingéda Jésus gô ngii.

Mayanzame 3:13

Menyani mbe Nzambé, ône amaneegedu na Abraham na Isaac na Jacob, te Nzambéne émaneegedu na peeye yasô n’anyô, ameetsa ôndômbee wedi wetso gôndé môyanzi edi Jésus. Te ône amadeekeda anye na gôndé ane atômani. Nômamôtôna va mbene aPilate buéyé gamamyôngéô amuene Pilate émônzeegeda.

Mayanzame 3:15

Gô éne nômayôhéda ône andé Kumu amonyo. Ivô Nzambé amamôkundua g’ôwa. Wa na Jean tôndé mbangi éagékundugéô sedi sowa.

Mayanzame 4:10

Vôtaganganôni ébégô édué anye nôévôi we. N’anye oma aIsraël muetso, vôtanganôni édué. Mômôgôône ôdôô atema môtie na makôdô medi va miso manyô te gô ina aJésus-Christ môsi Nazareth, ône amabôkédanye va gésumu sowa. Te ône amakunduu na Nzambé g’ôwa.

Romains 10:9

Okô éwe ônigôa akoo na mônyee woo mbe Jésus te Kumu éoo, na ôsatsuma ngudi yaNzambé paga mbe amakundua Jésus g’ôwa, éwe ôngoobou.

Romains 4:24

Ebégôe éne ématendu na gôndé wa n’anyô te mbe na we tôenanô na Nzambé ti eembe tôsaba n’oési. Gôébégô we tômeetsa mitéma miasô n’anyô gétsumé ngudi yaNzambé paga. Angô amakundua Kumu asô n’anyô Jésus g’ôwa.

II Corinthiens 6:15

?Christ angookanéô na yabédé nayee? Na vane ?ône ameetsa Christ môtémedi angaba n’etasevo n’one atsuma Christ paga nayee?

Ephésiens 1:15

Me Paul nootéa évovo na Nzambé gô mabégô mabaé. Ene éamapanga te metso mane mamayanzéa Nzambé wa n’anyô. Ene éamôbaé te gômookô me kumane yanyô gameetsanye Kumu Jésus mitéma mianyô gébé na paga na gandé anye na vitoo n’asi mbumu éaNzambé muetso.

Colosses 1:27

Gôndé omedi Nzambé amanyôngéô éamenyeda étasee éedi éndé évôni na éôtéa n’okitie wetso na ôndômbee wetso. Amakônza éangô gôndé mongo metso mava tsina. Nôéni éne ésinigôganéôkôni na mbeego te éangô édué. Amuene Jésus‐Christ andéké gô mitéma mianyô na anônôtôa buétsé éndé n’anyô mbe nôsangadôtsuma paga gô mabégô mondômba aNzambé ôténdédanye.

I Timothée 1:1

Oô te me Paul, namasevou na Kumu asô n’oo Nzambé na namatômu naJésus‐Christ, ône andé tsoongone éasô n’oo étôténdéndni.

I Timothée 3:16

Na gô pie gôsaba môma oongôa énigôgéô ti v’ekôdéô anigôgéô mavôni mesôga étôgobedani. Kumu éesôgee te ône amatendu mbe: Amatsutsuga vandé we ga môma. Gédidi SaNzambé gématubéda gandé angô gébé n’oési. Ameenanô n’asi g’ôba, ayanzi aNzambé. Inedi émeekédu gô mongo metso. Asi tsengeye yetso amamôétsa mitéma miaô. Na amatômbu na g’ôba gôndé Nzambé.

Hébreux 2:9

Ivô tôena môvo, te Jésus amasugéa pesu andéô na gô tsina otômu asi g’ôba ayanzie aNzambé gôéwa gôndé oma muetso gô ngeba yaNzambé. Gô ndéô nedué tômôena abatédu na gô gédigaa sokumaka na sondômba, gôébégô éowa ôdagani ômawa angô gôndé oma.

Hébreux 6:1

Mabégô mamapanga mameekédu môma mokumu aNzambé tômanéni mangô gôéwesea na gô mavo. Tôtsôpéni mane magô mbene. Môsaayi eba asangoonôa édigaa g’ôbôga ôtévo. Na wa n’anyô te mônongovo. Tômani ésiga ôbôgee, angô te meekédume mamapanga. Na mangô te mbe môma asangoongôa ényepeda amuene gôékoa môtémedi gôéba wene mônongo. Na mbe môma eetsa Nzambé môtémedi wetso gétsumé angô paga.

Hébreux 7:25

T’ebandô Jésus andé na ngudi gôétôoboo deo noo, ngu na gô mbene n’okendô. Angô oboo ane aviga na gôndé Nzambé gô inedi gôébégô andé monyo môbô na môbô gôévovo na Nzambé gôésungéa omee ane.

I Pierre 1:11

Apandôédi ahmabaka na géviôviô gôébuta éménya éyénza éngavigani na mônongoe ôngaba mabégô metso gô ndéôye yangô. Ahmabuta émenya gamabendu ahngô na Gédidi SaChrist géne gémabaka gô mitéma miaô. Gédidi SaChrist gémamenyeda ahngô maguga mangeena Jésus, na ôkumakee ôngaanda mangô gô ngima.

I Pierre 1:3

Tôkumédéni Nzambé, Tétene éaKumu éasô n’anyô Jésus‐Christ. Gô ngeba yedi Nzambé amabôta wa n’anyô g’ôbôtu amôbaé gômakundua angô Jésus g’ôwa. Tsoongone éasô n’anyô ésagôgakani éndé gôndé Jésus.

I Pierre 3:22

Angô amabata na g’ôba. Andé gô géeyo gémôgôô saNzambé. Gô ényangedi, asi g’ôba ayanzi aNzambé na ditômuye na ngudi yetso dindé gô tsina otômu edi.