I Pierre 1:2 - New Testament in Mitsogo

² Anye madeo nôsibôtu nômasevou na Téta Nzambé gamavanganô mbe eenda te nane. Nzambé amakoa anye omedi gô ngudi yaGédidi sedi gômbe anye nôngagobeda Jésus‐Christ. Te nzina yedi dimeetama gôndé oma muetso digôgéda anye mitéma. Te mbe mate maNzambé na gétabé sedi géyekegee gôndé anye.

I Pierre 1:2 ပူးပေါင်းရင်းမြစ်များ

Matthieu 24:22

Mbéka mbe Kumu amatasa mbe: Nasusué pitsiye, mbe gôsangasanéa môma adôngani. Ivô Kumu angasusua pitsiye te gôndé omedi amasevôa angô.

Matthieu 24:24

Gôngaviga eekédi adiboe apata mbe: Me te Christ. Avo dôta angapata mbe: Me te môpandôédi amatasa maNzambé. Angayanza émbégéa na mabégô manyônganéôni masoongôa môma ésupua. Eetso éne te gôebôméda oma, buéyé mbe ti n’ane amasevôu na Nzambé.

Matthieu 24:31

Vangatoongu émbômba nangavigéda asi g’ôba ayanzie ami gôékôkéga omami andé gô ékoo na gô dongu na gésa na gésa amasevôu na Nzambé.

Marc 13:20

Mbeka mbe Kumu amatasa mbe: Nasusué pitsiye, mbe gôsangasanéa môma adôngani. Ivô Kumu angasusua pitsiye te gôndé omedi amasevôa angô.

Marc 13:22

Gôngaviga eekédi adiboe angapata mbe: Me te Christ. Avo dôta angapata mbe: Me te môpandôédi amatasa maNzambé. Ahngatubéda émbégéa na angayanza mabégô manganyônganéôni masoongôa môma ésupua. Eetso éne gôébôméda oma. Buéyé ti na ane ahmasevôu na Nzambé.

Marc 13:27

Nangavigéda ayanzi aNzambé asi g’ôba gôékôkéga muetso ane ahmasevôu na Nzambé. Ahngaviga gôtsiga kômbéne na gô pénda yangô na gésa na gésa.

LUC TSANGO EAMOSOBA EMATENDA 18:7

?Na Nzambé kumu étsimama asangookô ane aamugana na gôndé angô na pitsi n’omanda-a? Na Nzambé asangadingéda ékônzea omee wedi amasevôangô mabégôme.

Mayanzame 15:18

Oôkôni éne émavovo Kumu Nzambé ône asabômu mabégô mema bandôa va mbeego.

Mayanzame 2:23

Jésus madeo asibôtu, Nzambé amamenya mbe oma angamôkaba. Te ône amakomedanye va gésumu sowa. Nômamôyôhéda na mogo moma asagô.

Mayanzame 20:32

N’atsatsee me nanôdeekeda na gô mogo maNzambé gôésumbédu n’edi na gôékeneo n’edi gô mabégô medi metondo. Amuene andé na ngudi gôéoodeda anye. Vane anganôétsa éne ékôkégangô ga mikuanya gôndé omedi.

Romains 1:5

Nzambé amasingéa me mbe nasevou na nakudégu na Jésus gômbe angô anganeegedu. Gésooge sami te gôéweseda na gôndé Nzambé oma ahndé gô tsengeye yetso mbe eetsé Jésus mitéma miaô gémôtsumé paga, na agobédé angô.

Romains 1:7

Nanôtendéa anye asi Rome nôbambéô na Nzambé mbe vagébakanye va tsina nôngaba môvo n’edi. Na mbe nôngatetu mbe asi mbumu éedi. Te mbe Nzambé, Tétee éasô n’anyô, na Jésus-Christ Kumu asô n’anyô anôétsa mate medi na gétabé sedi.

Romains 11:2

Nzambé asikiné omedi, ane amasevoa angô va mbeego mbe: adua te omami. Nôsabômu éne émasemba Elie Nzambé gôndé ana aIsraël ématendu gô Matendeo maNzambé.

Romains 11:28

Gôénôyuua g’ôpisa aNzambé gô ndéô nedué, Ajuif aka adudeo aNzambé gôébégô amakina Tsangô éedi Eamôsôba. Ivô gô ngudi yatétee yaô, Nzambé anyôngéô Ajuif na amasevoa ahngô.

Romains 15:16

Amasevoa me gôéba môyanzi aJésus-Christ gôndé ane asaba Ajuif. Eyanzee éami te gôénigôa ane asaba Ajuif Tsangô Eamôsôba émaviga gôndé Nzambé. Nayanza gameenda môdeekedi adigondoku. Nadeekeda ane asaba Ajuif ôbiia na gôndé Nzambé. Gô ngudi yaGédidi sedi, Nzambé asinga ôgondokue ône.

Romains 16:19

Oma muetso amani éôkô gagobedanye Kumu Jésus. Me nanôtsôkéa. Nanyôngéô mbe nôba n’eodo gôéénda mane mamisôba na nôgônga mane mabévani va kôbangô kabaga nôdengu n’evindô.

Romains 16:26

Ivô ndéô nedué ématsutsuu na v’ekanga va miso moma gô mane mamatenda apandôédi amatasa maNzambé. Na vane Nzambé Amôbô na Môbô ameetsa ôtômu mbe éne émavanga angô gôndé oma éngatsuaô na gô tsenge yetso gômbe oma muetso angookô na angeetsa mitéma miaô gôégôbeda Nzambé gémôtsumé paga.

Romains 8:13

Okô tôgobeda yôtôye yasô n’anyô na manyimama maô tôngawa. Okô wa n’anyô gô ngudi yaGédidi SaNzambé tôpangi ékina manyimame mane mamabôtu na wa n’anyô, tôngaba na monyo.

Romains 8:33

?One angasunda ane amasevou na Nzambé indaa? Kaka Nzambé. Gôébégô te Nzambé eetsa ahngô mitayi.

I Corinthiens 1:30

Nzambé amanôgésanganéda monyovo na Jésus‐Christ. Gô ngudi yaNzambé, angô Christ te éodo éasô n’anyô. Gôndé angô Christ, tômatsimamédu gébé n’oési va mbene aNzambé. Na tôka môvo na Nzambé tômaviia mane matsengene ngima gô pitsi yasô yava tsina. Gôndé Christ tôndéké tômoobouni.

I Corinthiens 6:11

Nôeni minongomie mimabaka avo va gatse anyô. Ivô nômagôgédu ébévee éanyô na nômasevou na nômayuu gôéba oma aNzambé. Gô ina aKumu Jésus‐Christ na gô ngudi yaGédidi SaNzambé nômatsimamédu ti eembe nôsabadô n’oési va mbene aNzambé.

II Corinthiens 10:5

Na mayanza maô, oma asaa môgômba ôebakanéda môma gôémenya Nzambé. We tôndé gôépanzéda môgômbee ône gôékukua nzéane gôndé oma gôémenya Nzambé. Na ékeeyi éétsa Nzambé me, nagenya gôétsôpa matasame moma gôémakeda gôéneegeda Christ, gatsôpu môsi tsôgôô.

Colosses 3:12

Nzambé amanônyôngéô na amanôsevoa mbe nôngaba omedi amôtéma na nôndéké asi mbumu éedi. T’ebandô ényepa gôndé anye gôéba na mitéma miawene mônongo. Nyepedani mônongoe wanyô atsatsee na ngeba, na tsôvé oma, na gôéba gébé na nyemo. Bakani na sekaseka, na môvinéné.

II Thessaloniciens 2:13

Ana aTétee asi mbumu éaNzambé tôkuméda Nzambé gôndé anye gédundé gôébégô nôndé anedi amôtéma. Nzambé amasevoa anye mbe nôngaba ane angapanga édiia géobogeo gô ngudi yaGédidi sedi. Te sangô génôvambéda môvo na Nzambé gômaagana anye na mane matsengene. Nôgédiia dôta gômeetsanye mitémamie gô Mabégô MaPie gémôtsumé paga.

II Timothée 2:10

T’ebandô nasinga maguga mema gôndé avo oma, buta mbe ane amasevou na Nzambé angeengéa gô géobogeo géndé gôndé Jésus‐Christ. Na angeengéa dôta g’ôndômbee ôsakôdéakani ag’ôba.

Tite 1:1

Oô te me Paul, môyanzi aNzambé. Namatômu na Jésus‐Christ. Namasevou gôéweseda na gôndé Nzambé ane amanyôngéô Nzambé amôétsa mitéma miaô gébé na buétsé. Namasevou gôémenyeda ahngô mabégô metso mapie, te mane meekédu gô ésôgee éneegeda we Nzambé.

Hébreux 10:22

Tambô tôweséni na gôndé Nzambé na mitéma miamavôma. Na tômôétsa mitéma gébé na paga gô mabégô medi metso. Buedi mbe mitéma miasô n’anyô mibaké mimagôgéani kabaga mianga miamitéma miasô mibéva. Na buéyé na yôtô yasô n’anyô diôvôu na meba masaba na mbugé na tsengesenge.

Hébreux 11:28

Moïse asitsumé môtôma aNzambé paga gôébandôa Paquene éamapanga. Amatôma omedi gôésôga nzina gô diômbaye yaô gôémenyeda môsi g’ôba andé n’otômu owa mbe: oota gô yeba yaô te ootaga, géengéé gô yangô gôéyôha anee akuua aIsraël.

Hébreux 12:24

Nômawesea dôta na gôndé Jésus, angô môsungéyine evamba éamôbaé. Nômawesea gô nzina yedi dimaagani. Yangô dindé na nyene tsangô, kaka éne ébévani émabaka na nzinaye yAbel.

Hébreux 5:9

Vane vamanangô ésipa, ti v’ekôdéô éasipaga, amakoga aka ébandô éagébogeo samôbô na môbô, gôndé muetso amôgobedani.

I Pierre 1:14

Mônongovo g’ana ookéô ôgi apayi, anye ookéôni Nzambé. Nômbioomba éaanda tsôvé yanyô yava mbeego vamabakanye g’ôdungé.

I Pierre 1:19

Ivô anye nômoobou n’osunu ôvôni anzina yaChrist. Andé ga éndombo ésaba éagékonzo na ésaba n’evisô.

I Pierre 1:20

Christ amasevou na Nzambé tsengene madeo ésivangô. Nzambé amatsigéda angô gô ndéô yedi yamôyusumédu na gôndé anye.

I Pierre 1:22

Nômagôgéda mitéma mianyô vamagobedanye mabégô mapie. Na nômadiia étondo éapie éana aTétee. Te vane nyônganéôni pepe anyene n’anyene na mitéma mianyô mietso.

I Pierre 2:9

Ivô gôndé anye ésaba nane. Anye nôndé éongo émasevou na Nzambé mbe nôngaba adeekedi adigondoku okumaka. Anye nôndé gébandô gématsimamani. Nôndé oma amoobou na Nzambé. Amasevoa anye gôébeenda mayanza medi mamatsimamani. Amakuséda anye gô évitsi mbe nôengéa na gô gévede sedi gématsimamani.

II Pierre 1:2

Mate medi na gétabé sedi géaangané n’anyô minya mietso gôébégô anye nôsabômu Nzambé na Kumu asô n’anyô Jésus.

II Jean 1:1

Me pene agô mbumu éaNzambé nanôkômbôa yaa Kyria môgeto ômasevou na Nzambé. Nakômbôa éwe n’anoo. Nanônyôngéô na gô pie. Kaka memuene môtévo nanônyôngéôni. Te n’ahngô muetso asabômu mabégô mapie anônyôngéôni.

II Jean 1:13

Anee amônôô, angô dôta amasevou na Nzambé, ahngô agôkômbôa yaa Kyria.

Jude 1:2

Nanyôngéô mbe nôsingéô n’edi kokoo, na mbe anôsuméda mitémamie na mbe nôdigaa gô étondo éedi. Eetso gégômbéô.