I Pierre 1:17 - New Testament in Mitsogo

¹⁷ Anye nôvovo na Nzambé mbe: Téta. Angô te ône atsundéda môma gô mayanza medi gébé na tatô oma. Gô gédingéô sanyô sava tsengene, digaani n’etatéa gôégobeda Nzambé.

I Pierre 1:17 ပူးပေါင်းရင်းမြစ်များ

Matthieu 16:27

Endé te nane. Me Muana Amôma nangaviga g’ôkumaka wetso aTéta na ayanzi edi asi g’ôba. Nangeetsa môma na môma ngu na éne émeenda angô gô monyoe wedi.

Matthieu 22:16

Ahmatôma avo aneengie aô na avo ava géômbé saHérode gôévovo na Jésus mbe: Môékédi, tôsabômu mbe mane mavovo éwe te mapie matévo. Oékéda môdigédi apie ônyôngéô Nzambé. Gô meekédu moo ôsaba na ônzenze amôma. Ahmanyôngéôyee, ahsamanyôngéôyee, ébégôe te éanguene.

Matthieu 6:9

Nôeni mônongoe ônyepa évovo na Nzambé. Nôvovo te mbe: Tétasô ôndé g’ôba Nanyôngéô mbe inoo éneegedu.

Romains 11:20

Ii, éndé te nane. Miangô mimakitsôkô te gô paga yaô. N’anye nômaviagana na miangô gôsitsumé anye Nzambé paga. Ivô nôwema kabaga nôba na nyemo. Digaani na gomo n’egobeda.

II Corinthiens 1:2

Te mbe Tésasô n’anyô Nzambé, na Kumu asô n’anyô Jésus‐Christ anôétsa mate medi na gétabé sedi.

II Corinthiens 5:6

T’ebandô wa n’anyô tôsagogo éenéa éne émavanga Nzambé gôndé we. Tôsabômu mbe vatôdinga édigaa na yôtô yedi yava tsina, tôndé gôdagôda na dine dikenea Kumu gôndé wa n’anyô.

II Corinthiens 7:1

Wee yami, ôvangee ône ômavanga Nzambé mbeego ôndé na ngudi gôndé wa n’anyô deo noo. Tambô tôbaké n’ekena gôébusuga mane mevindô kabaga tômagônga gôébévéda ôtô na gédidi gagônga môma mbéka éambii. Tôadeekedéni wa n’anyôene na gôndé Nzambé gôédigaa monyovo n’edi na gomo gôémôgobeda.

II Corinthiens 7:11

Vamadita mitéma mianyô na tsoyi, eenakani gamayanza Nzambé na ngudi gôndé anye. Mbeka mbe anye nômeena tsoyi na gésangôge sami, anye mbe nôsibé na tsambu gôéyavôga ékônza ébégôe émabaka n’anye. Nômakuadima na gomo mbe: ?Môma môbévani angadigaa va gatse asô nayee? Nômanyôngéô éôkô ndongi yami. Nômaba na géviôviô gôétsimaméda mbumu éaNzambé. Anye nôsiene éso avio gôéeséda mômôgôô nône môbévani. Gômeendanye metso mane nômayuéga gô ébégôe ébévani éne.

Galatie 2:6

Ane ahmeetsô ényanga opayi, ahngô géé ta payi géé kaka payi, me tsamenya gôébégô Nzambé asabono éne ébono môma. Neendi mbe ane ahmeetsô ényanga ahsiongé me mbe: Otsika édué. Oénda édué.

Ephésiens 1:17

Naduka Nzambé Tétene aKumu asô n’anyô Jésus‐Christ, angô Téta ondômbee wetso, gôndé anye. Namôduka mbe anôétsa Gédidi sedi. Te sangô géngamenyeda anye, ne génganôtsutsuéda Nzambé, mbe nôsangadôtsuma angô paga.

Ephésiens 3:14

Vatasa me éne éyanzéa angô wa n’anyô, me nasiba mabongo mami va mbene atéta gôémôneegeda.

Ephésiens 6:9

Gôndé anye kumuye, ndongi yedi te dipo. Bakani n’avégee wanyô na gétabé. Nônakangéa ahngô. Bangôani mbe anye kumuye n’avégee wanyô, nôndé muetso avéga aKumu épo, te amuene Christ asaba na tato oma.

Philippiens 2:12

Navovo n’anye nôndé na vitoo n’ami. Kuka yetso vamadenganô me vavo n’anye nômagobeda me. Tambô ôôtéani égobeda me na gomo buéyé mbe me tsaba n’anye. Yanzani na tatéani na gomo gôétubéda gamoobou anye.

Colosses 3:25

Ivô muetso ane ayanza mabégô mabévani angadiia te gô mane mabévani mameendakahngô na manganika te na gôndé ahngô. Nzambé asabono môma gôémôsevoa.

Hébreux 12:28

Tôkumédéni Nzambé na yôgiye yasô n’anyô gôébégô wa n’anyô tôngeengéa g’ôkumu amôbô na môbô. Na tôkumédéni Nzambé na gésoo sasô n’anyô gôéyanza éne ényôngéô angô gôémôgobeda na gomo.

Hébreux 4:1

Nzambé amavanga na wa n’anyô ôvanga mbe tôngeengéa na gô tungune éngavôgima wa n’anyô n’edi. Bakani na gomo na ékéna kabaga tôsanéa ta na môvo gôéengéa gô gévôgiméôge géne.

I Pierre 2:11

Anami amôtéma, me noongô anye nôndé g’ôgenda gô tsengene. Kinani tsôvé yetso dibévani digenya na mitéma mianyô.

I Pierre 3:15

Kôngédani gô mitéma mianyô mbe: Nzambé te Kumu ami. Minya mietso bakani kuanakue nôngamenya éaabéa nyivô diévou anye mbe: ?Tsoongone yoo yééndé?