I Pierre 1:11 - New Testament in Mitsogo

¹¹ Apandôédi ahmabaka na géviôviô gôébuta éménya éyénza éngavigani na mônongoe ôngaba mabégô metso gô ndéôye yangô. Ahmabuta émenya gamabendu ahngô na Gédidi SaChrist géne gémabaka gô mitéma miaô. Gédidi SaChrist gémamenyeda ahngô maguga mangeena Jésus, na ôkumakee ôngaanda mangô gô ngima.

I Pierre 1:11 ပူးပေါင်းရင်းမြစ်များ

Matthieu 26:24

Na gô pie me, Muana Amôma nangawa mônongovo gamabeenda Matendeo MaNzambé mbe nangawa. Ivô ngeba épôni gô maguga mangeena ône angamôkabani. Mbe amabaka madeo asibôtu mbe émanyepa.

LUC TSANGO EAMOSOBA EMATENDA 24:44

Te vane Jésus amabangôéda ahngô mbe: Nôeni, metso mane mamavovo me vamabaka me n’anye, mane mamatendu gô miganda miaMoïse na mine miapandôédi, na mine miamimbô, mimeevédaka anye mbe gôndé Jésus éngaba te nane. Menyani mbe mamani éenanô.

Jean 12:41

Esaïe amapandôéda mabégôme mane te gômeenangô ôbébayi ôtubéda ôndômbee aNzambé na amanyôngéô émôkuméda.

Mayanzame 16:7

Vamaweseahngô na gô Mysie amanyôngéô ékea na gô Bithynie, ivô Gédidi SaJésus gésisingé ahngô gôékea.

Romains 8:9

Ivô anye, nôsadigaa gô ngudi yaanyene na gô manyima mayôtô yanyô. Gédidi SaNzambé géndéké gô mitéma minayô. N’anye nôdigaa ganyôngéô sangô. One asaba na Gédidi SaChrist gô môtémedi, angô asamenyanganô na Nzambé.

Galatie 4:6

Nzambé amakudéga na gô mitéma miasô n’anyô Gédidi SaMuanedi Jésus, gôébangôéda wa n’anyôene mbe na gô pie tôndéké anedi. Gédidige géne te sangô géaadôngana mbe: Ah Téta.

II Pierre 1:21

Gôsaba évovia éaNzambé ta n’evo émaviga gô ngudi yamôma amuene. Mangô mamabundugana gô ngudi yaGédidi SaNzambé mbe môma avove mane manyôngéô Nzambé.

Gétsutsuéô 19:10

Namagudama gô makôdô mamôsi g’ôba gôémôneegeda. Ivô angô amasemba me mbe: Ombiayeega éénda nane. Me te môyanzi gandé éwe na gandé ana aTéta n’oo. Anye muetso nôndé na mabégô mapie mamatsutsua Jésus. Nôneegeda te Nzambé. Mabégô mapie mamatsutsua Jésus te mangô mameetsa ngudi n’eodo gôndé apandôédi amatasa maNzambé.