I Pierre 1:1 - New Testament in Mitsogo

¹ Oô te me Pierre. Namatômu na Jésus‐Christ. Nakudéga gésangô gegé na gôndé anye nômasevou na Nzambé na nômapanzangana na gô tsengeye yetso. Anye nôndé g’ôgenda gô Pont, avo gô Galatie, avo gô Cappadoce, avô dôta gô Asie na Bithynie.

I Pierre 1:1 ပူးပေါင်းရင်းမြစ်များ

Matthieu 10:2

Ane amasevoukuni na amatômuku na Jésus nzima n’oma abaé mina maô, ône amapanga te Simon amatetuku mbe Pierre, na muaneyedi André. Môvo te Jacques na muaneyedi Jean angô abaé te ana aZébédée.

Matthieu 24:22

Mbéka mbe Kumu amatasa mbe: Nasusué pitsiye, mbe gôsangasanéa môma adôngani. Ivô Kumu angasusua pitsiye te gôndé omedi amasevôa angô.

Matthieu 4:18

Vamakea Jésus gô nzéa éamôgôgu amubu ôtetu mbe Galilée, ameena oma abaé. Môvo te Simon, amatetuku mbe Pierre. Na môvo te muanayedi André. Ahmabaka gôégunya mbusa yaô gô mubu.

LUC TSANGO EAMOSOBA EMATENDA 18:7

?Na Nzambé kumu étsimama asangookô ane aamugana na gôndé angô na pitsi n’omanda-a? Na Nzambé asangadingéda ékônzea omee wedi amasevôangô mabégôme.

Jean 11:52

Ivô kaka mbe Jésus angawa gôndé Ajuif atévo, te na gôndé asi mbumu éaNzambé muetso gô tsengeye yetso mbe ahngakôkégu évambevo g’ôtô ôvo.

Jean 7:35

Peeye yAjuif ameevôana anguene mbe: ?Angakea vita na gésa ndé gésangatômenyani? Tambô mavooe angakea te na gôndé Ajuif amapanzanganani adigaa va gatse aAgrec. Mavooe angeekéda Agrec.

Mayanzame 18:2

Gô Corinthe amadenga Môjuif inedi Aquilas. Amabôtu gô tsenge ééndô mbe Pont. Gô ndéône émadenganô angô na Paul, te ndéône émavigangô gô Italie na môgayedi inedi Priscille. Amaviga nane gôébégô môtômine agô Rome eendô mbe Claude, amapatsa Ajuif muetso.

Mayanzame 18:23

Amamana gône ôkana apitsi na amoomba ékea. Amaseta tsengeye yaGalatie na Phrygie. Amasikama gondé aneengie gôéoodeda ahngô gô mabégô MaNzambé mameetsahngô mitémamie.

Mayanzame 19:10

Emabaka nane gô mipuma mibaé. T’ebandô asi tsenge éAsie muetso, n’Ajuif n’ane asaba Ajuif, amookô Mane Mamavovo Kumu Jésus.

Mayanzame 6:9

Avo amôgôô asinyôngéô mane mamayanza Etienne. Amôgôôe ane amabaka gô géômbége gémeendô mbe, avéga amoobouni. Géômbége géne gémabaka na ebaô agéwanyéô. Gô géômbége géne gômadenganô Ajuif amaviga gô Cyrène na Alexandre na Cilicie na Asie. Ahmatsunda na Etienne.

Mayanzame 8:4

Ane amapanzaganani amakiaka gô tunguye yetso gôébeenda Tsangô Eamôsôba éaJésus-Christ.

I Corinthiens 16:19

Asi mbumu éaNzambé andé gô tsenge éAsie anôkômbôa. Aquilas na Priscille n’asi mbumu éaNzambé awanya gô ebaô anôkômbôa n’etondo gô ina aKumu Jésus‐Christ.

II Corinthiens 1:8

Ana aTéta asi mbumu éaNzambé, we tônyôngéô mbe nômenya tsangône éasô éapanda dimeena we gô tsenge éAsie. Pandaye dine dimabaka ga magumba maditani masoongôa môma étômba. Na we tômabaka gô tsina ayangô ti eembe tôwéyi.

Galatie 1:2

Ana aTéta muetso ahndé éva agésangana n’ami gôétendea anye gésangô gegé, anye asi mbumu éaNzambé gô tsenge éaGalatie. Tônôtendea

Ephésiens 2:12

Gô ndéô nene nômabaka gôdagôda na Nzambé. Anye na Nzambé nôsimenyangané, nômabaka agenda. Nôsindenganô va gatse ane amasevou na Nzambé. Gô évamba émavamba Nzambé n’omedi gô ngudi yovanga ôvôni, anye nômabaka nômatatôuni. Nômadigaa gô monyo atsengene gébé na ébégô éeténdéda, na gémenye Nzambé.

Ephésiens 2:19

T’ebandô anye nôsibôtu gô éongo éAjuif, nôsabadô agenda. Nôsabadô ane asamenyanganô na Nzambé. Gô tsenge éa Nzambé nôsaba agenda, nôndé te kumu. Nôndé asi mbumu éedi.

II Timothée 1:15

Omuene ôsabômu gamatsikô me n’asi mbumu éaNzambé adigaa gô Asie. Amatsika me gameenda akaô abaé Phygèle na Hermôgène.

Hébreux 11:13

Omeaa muetso ameetsa Nzambé mitéma miaô gébé na paga na amawa gédiié éne ématéndédahngô. Gô môténdéda ahmeena gôdagôda éne émeenéa ahngô na ahmatsôkéa. Ahmanigôa mbe: We tôndé agenda na akeyi amôtôô gô tsenge nedué.

Jacques 1:1

Oô te me Jacques, môyanzi aNzambé na aKumu Jésus‐Christ nanôtendéa. Nanôkômbôa muetso asi mbumu éaNzambé nômapanzanganédu gô tsengeye yetso.

I Pierre 2:11

Anami amôtéma, me noongô anye nôndé g’ôgenda gô tsengene. Kinani tsôvé yetso dibévani digenya na mitéma mianyô.

II Pierre 1:1

Oô te me Simon Pierre, môyanzine amatômu na Jésus‐Christ. Natendéa ane ahmeetsô na Nzambé ngudi yeetsa angô mitéma miaô gémôtsumé paga mônongovo gameetsa me. Ngudi yedi tômeetsô yangô gô étsimama éaNzambé na éaMooboyi asô n’anyô Jésus‐Christ.

Gétsutsuéô 1:11

Angô mbe: Tendaka gô miganda éne éena éwe. Kudéga miangô na gôndé asi mbumu éaNzambé ahndéké gô mbôka yedi tsambué. Okudéga na gô Ephèse na Smyrne, na Pergame na Thyatire na Sardes na Philadelphie na Laodicée.