I Jean 5:9 - New Testament in Mitsogo

⁹ Wa n’anyô tôsinga ômbanza ônigôa môma. Na ône aNzambé ôtéa na ône ônigôa môma. Mane manigôa Nzambé te mane maMuanedi.

I Jean 5:9 ပူးပေါင်းရင်းမြစ်များ

Matthieu 17:5

Agébaka gôévovo, ôbôngé obébayi ômapika ahngô muetso. Gô gatse obôngé gômookanô ôgi ômavovo mbe: Odôô te muanami amôtôma amiso. Namônyôngéô na nzoo na gô môtéma. Oôkéôni angô.

Jean 10:38

Géé me, nayanza te mane manyôngéô Téta, n’anye nôgétsumaka me paga. Béyé gatsumanye me paga, singani mane meenanye me nayanza. Vane paga yanyô dinganôtôga. N’anye nôngamenya mbe na gô pie, Téta Nzambé andé môvo n’ami. Na me dôta nandé môvo n’edi.

Jean 5:39

Anye nôvasa Matendeo MaNzambé, nôbuta édiia monyoe amôbô na môbô ôtasanye mbe ôndé gô mangô. Tambô mangô te mbangi énigôa gôndé me.

Mayanzame 17:31

Endé te nane. Amamana ésevoa nyee ôngatsundéda angô ome muetso na môtsundu agépenganédé. Tôngatsundédu na ône amasevoa amuene gôéba môtsundédi. Ndémbone éamôtsundédine te éne émakunduu angô na Nzambé g’ôwa.

Mayanzame 5:32

We adua tôndé mbangi éamabégôme matôvovoni éma. Te we adua na Gédidi gémeetsa Nzambé gôndé ane amôgobedani.

Hébreux 2:4

Nzambé ameetsa ôgie ône ényanga gômatubéda angô émbégéa éangudi yedi na mayanza masôbasôbana oma, na gômayanza angô mabégô mavôni manyônganéôni masoongôa môma ésupua. Na gôétubéda mbe ôgie ôsapata akaba ganyôngéô angô migôô miviga na Gédidi sedi.

Hébreux 6:18

Vane tômenya mbe Nzambé amatôvangéa ôvanga edi na amatôsongéa inedi. Mabégô mema mabaé, Nzambé asangoongôa ékoa mangô gôépata. T’ebandô wa n’anyô tômeengéa gôésomo gôndé angô. Tôsinga gébé na paga éne émavangéa angô wa n’anyô éamane mangatôdiiani.

I Jean 5:10

Na vane ône eetsa môtémedi wetso na gôndé Muana ANzambé ookô gô môtémedi mbe mane mavovo Nzambé mandé ti mapie. Géé ône atsuma Nzambé paga eenda Nzambé mbe, môsi ooboe, gôébégô asaditéga mane manigôa Nzambé maMuanedi.

I Jean 5:8

Yangô ditatô te Gédidi SaNzambé, na meba, na nzina. Yetso ditatô diwanya te ébégô évo.