I Jean 5:1 - New Testament in Mitsogo

¹ One eendô mbe muana aNzambé to ône asatsuma paga mbe Jésus te Christ ône amakudégu na Nzambé. One anyôngéô tétee anyôngéô dôta n’anedi.

I Jean 5:1 ပူးပေါင်းရင်းမြစ်များ

Matthieu 16:16

Simon Pierre amamôaabéa mbe: Ewe te Christ, ône amatômu na Nzambé. Ewe te Muana ANzambé, angô Kumu amonyo.

LUC TSANGO EAMOSOBA EMATENDA 7:5

Buéyé gandé angô môsi Rome anyôngéô we Ajuif. Te angô amaseedea we ebee wasô agéwanyéô.

Jean 1:3

Gô ngudi yone ameendô mbe Ogi, Nzambé amakana na amavanga éetso. Gôsaba ta na sôma gévo gésikanô na gésivangô gô ngudi yOgi.

Jean 15:23

Okô môma avinga me, avinga te na Téta Nzambé.

Jean 3:3

Jésus amasiia n’edi mbe: Nagôbeenda na gô pie mbe, ôkô môma asibôtu ôbôtu amôbaé, ône aGédidi SaNzambé, asangoongôa émenya mbe ôkumu aNzambé ôndéké.

Jean 6:69

We tômani éena mbe éwe te ône amasevou na Nzambé na amatômu n’edi na gô tsina. We tômani égôétsa mitéma miasô.

Jean 8:42

Jésus amavovo n’ahngô mbe: Nzambé, mbe na gô pie Tétanyô, anye mbe nônyôngéô me gôébégô me namaviga g’ôba gôndé Nzambé gamanyôngéô angô. Me tsiviga gô ényanga éamemuene. Namatômu te tômugu.

Mayanzame 8:36

Vamakeahngô anigôana gô nzéa ahmabuéa va mebame. Môsi Ethiopie amatubéda Philippe mbe: ?Oeni gévondoge? ?Ene édékéda me gôéétsô bateme éndé? [

Mayanzame 8:37

Philippe amamônigôa mbe: Okô éwe ôétsi Jésus môtémoo wetso, ôndé ngu gôéétsô bateme. Mômôgôô nône amanikéda mbe: Me namenya mbe neetsi môtémami wetso na gôndé Jésus-Christ. Tsabômu mbe angô te Muana ANzambé. Me tsamôtsuma paga.]

Jacques 1:18

Angô amatôbôta gamanyôngéô amuene gô ngudi yamabégô medi mapie gômbe wa n’anyô tôngaba ana akua gô éetso émavanga Nzambé.

I Pierre 1:3

Tôkumédéni Nzambé, Tétene éaKumu éasô n’anyô Jésus‐Christ. Gô ngeba yedi Nzambé amabôta wa n’anyô g’ôbôtu amôbaé gômakundua angô Jésus g’ôwa. Tsoongone éasô n’anyô ésagôgakani éndé gôndé Jésus.

I Jean 2:10

One anyôngéô môkedi andé gô gévede na gôndé angô gôsaba gésima ta na gévo géngapôngéda môkedi gôéénda mabégô mabévani.

I Jean 2:29

Nôsabômu mbe Christ te Kumu éetsimama. Na vane nôsabômu dôta mbe ône eenda étsimama andé muana aNzambé ag’ôbôtu.

I Jean 3:14

Gôndé wa n’anyô tômanôtôga g’ôwa gôéengéa gô monyo tônyôngéô ana aTéta agô mbumu éaNzambé n’etondo éapie. Géne te gémbégéa samonyoe ôndéké n’asô n’anyô. One asanyôngéô muana aTétee n’edi agébaka g’ôwa.

I Jean 3:17

Tôkanéga te gandé gékiti eena môkedi gô éne égômbéô angô na môtémedi ôseena angô ngeba. ?Gékitige géne nayee angeenda mbe môtémami ônyôngéô Nzambé?

I Jean 3:9

One andé Muana ANzambé ag’ôbôtu, amatsika éénda mabégô mabévani gôébégô ngudi yamonyoe ômeetsô angô na Nzambé dindé n’edi. Nzambé te tétedi ?nayee angoomba éénda mabégô mabévani? Asangoongôa.

I Jean 4:2

Gôndéké mônongo gôégoneda édidie mbe egé te SaNzambé, n’ege kaka saNzambé. One andé na gédidi géviga gôndé Nzambé te ône avovo mbe: Jésus‐Christ te na gô pie amakoga môma.

I Jean 4:20

Okô môma avovo mbe: Me nanyôngéô Nzambé na angô adudu môkedi, angô te môpati. Bononi. ?Angô gényôngéô môkedi eena angô na miso, anganyôngéô Nzambé aseenanôni‐a?

I Jean 4:7

Omami amôtéma tônyônganéôni wa n’anyôene na wa n’anyôene, gôébégô Nzambé te Kumu éetondo. One anyôngéô môkedi angô te muana aNzambé na asabômu Nzambé.

I Jean 5:18

Wa n’anyô tôsabômu mbe muana aNzambé ag’ôbôtu asangoongôa éomba éénda mabégô mabévani n’osôbedi. Gôébégô Jésus Muana ANzambé akenea angô, na amuene Môbévine asangoongôa étsôpa angô.

I Jean 5:4

Gôébégô mbe ana aNzambé muetso ag’ôbôtu andé na ngudi yediia gô ébadi égenyahngô na mane matsengene. ?Tôdiia nayee? Tôdiia te gôétsa wa n’anyô Nzambé mitéma miasô n’anyô gémôtsumé paga.

I Jean 5:5

?One oongôa édiia gô ébadi égenyu na môtômine atsengene indaa? Kaka muene. Te ône asatsuma paga mbe Jésus te Muana ANzambé.