I Jean 4:9 - New Testament in Mitsogo

⁹ Nôeni étondo éaNzambé gôndé wa n’anyô éenanô. Angô amakudéga Muanedi ékika na gô tsina gômbe wa n’anyô tôba na monyo gô ngudi yedi.

I Jean 4:9 ပူးပေါင်းရင်းမြစ်များ

Marc 12:6

One amôyusumédu amasanéakani na kumu te muanedi amômôgôô amôtéma. Amamôtôma môyusumédue na gô tsaga. Ameenda mbe: akeneyie angameweda muanami.

LUC TSANGO EAMOSOBA EMATENDA 4:18

Gédidi SaKumu Nzambé géndéké gôndé me. Amasevôa me gôétsua Tsangône yedi Eamôsôba na gôndé misuga. Amatôma me gôédôngéda mitéma mindé gô panda. Amatôma me gôénigôa géobogeo sedi na gôndé asi tsôgôô. Amatôma me gôépôéda miso masi pogu, ôbiia. Amatôma me gôénzeegeda ane andé gô tsina otômu akumu édagani.

Jean 10:10

Muisui aviga te gôéésua, na gôéyôa na gôébunza. Me namaviga te mbe wa na môma tôngaba monyovo. Mônongoe amonyo ône, te ône ôsoongôa môma ésupua.

Jean 14:6

Jésus amapandôéda ahngô mbe: Me te nzéane éanyô. Me te kumu amabégô metso mapie. Me te monyoe wanyô. Gôsaba nyene nzéa éôta môma na gôndé Téta, buétsé te vandé me.

Jean 3:16

Menyani mbe Nzambé amanyôngéô oma muetso pepe. Ameetsa Muanedi ekika, gômbe ône eetsa môtémedi wetso na gôndé angô gébé na paga asangawa ivô andé na monyo amôbô na môbô.

Jean 3:18

One eetsa Muana ANzambé môtémedi wetso aseetsô ôési. Ivô ône aseetsa Muana ANzambé môtémedi wetso amani éétso ôési te gôtsumangô mane maMuana ekika ANzambé paga.

Jean 5:23

Endé te mbe oma muetso angagobeda Muanee mônongovo gagobeda oma Tétee. One asagobeda Muanee, asagobeda na Tétene, angô môtômine aMuanee.

Jean 6:29

Jésus amanigôa ahngô mbe: Eyanza évôni ényôngéô Nzambé mbe nôyanza éangô te mbe nôétsa mitéma mianyô na gôndé ône amatôma angô na gô tsina.

Jean 6:51

Jésus amapandôéda mbe: Me te môpemba ôviga g’ôba ôétsa môma monyo. One angaa môpembee ône angaba na monyo ôsakôdéakani. Môpembee ôngamôétsa me te ôtôe wami. Nadeekeda oma ôtôe wami te mbe muetso angadiia monyo te gô angô.

Jean 6:57

Téta, ône amatôma me, andé na monyo. Monyoe wami te angô. Endé te nane. One aa ôtôé wami na anyua nzinaye yami, monyoe wedi te me.

Jean 8:29

One amatôma me andéké n’ami. Menyani mbe asatsika me tsani gôénda me mane manyôngéô amuene.

Jean 8:42

Jésus amavovo n’ahngô mbe: Nzambé, mbe na gô pie Tétanyô, anye mbe nônyôngéô me gôébégô me namaviga g’ôba gôndé Nzambé gamanyôngéô angô. Me tsiviga gô ényanga éamemuene. Namatômu te tômugu.

Jean 9:3

Jésus amanigôa ahngô mbe: Esaba mane. Kaka gô ébévee éedi. Kaka dôta ébévee éakindedi. Ivô nanyôngéô mbe ngudi yaNzambé dienanô t’ebandô amabôtu na pogu.

Romains 8:32

Nzambé asibé na ninga gôétôétsa Muanedi na amadeekeda angô gôéwa gôndé wa n’anyô muetso. Buéyé muanedi amatôétsa ?tambô na éômee éetso nayee asangatôétsa éangô?

Hébreux 1:5

Na gô pie Nzambé asivovo n’ayanzi edi asi g’ôba éne émavovo angô na Muanedi mbe: Ewe te Muanami. Deo noo naka Tétoo. Na Nzambé madeo asinigôé muene mbe: Oeni môyanzi ami, môsi g’ôba Me nangaba Tétedi N’angô angaba muanami.

I Jean 3:16

?Ene étubéda mbe tônyônganéôni yéndé? Jésus‐Christ ameetsa monyo edi gôéwa gôndé wa n’anyô. Tambô na wa n’anyô tôéndé mônongovo gôndé ana aTétee agô mbumu éaNzambé.

I Jean 4:10

Etondo ékegea mbe, kaka mbe wa n’anyô tômanyôngéô Nzambé ivô te Nzambé amanyôngéô wa n’anyô na amakudéga Muanedi Jésus. Mbeka nane ébévee éasô n’anyô mbe ésisingéô kokoo.

I Jean 4:16

Na wa n’anyô tôsabômu étondo éndé na Nzambé gôndé wa n’anyô tôsatsuma étondoe éedi paga. Nzambé te Kumu éetondo. One adigaa gô étondo éedi andé môvo na Nzambé, na Nzambé andé môvo n’edi.

I Jean 5:11

Ombangie te mbe: Me Nzambé nanôétsa monyo amôbô na môbô. Na monyoe ôdôô nôétsô angô na Muanami Jésus.

I Jean 5:13

Nanôtendéa mabégô mema gôndé anye nômeetsa Jésus Muana ANzambé mitéma mianyô mietso te anye nôsabômu mbe nôndé na monyo amôbô na môbô.